ਸ੍ਰੀ ਮੁਕਤਸਰ ਸਾਹਿਬ : ਸ੍ਰੀ ਮੁਕਤਸਰ ਸਾਹਿਬ ਦੇ ਸਭ ਤੋਂ ਵੱਡੇ ਹੋਟਲ ਵਿੱਚ ਗ੍ਰਾਹਕ ਦਾ ਧਰਮ ਭ੍ਰਿਸ਼ਟ ਹੋ ਗਿਆ ਹੈ। ਡੇਰਾ ਪ੍ਰੇਮੀਆ ਨੂੰ ਹੋਟਲ ਵਾਲਿਆਂ ਨੇ ਸੋਇਆ ਪਨੀਰ ਦੀ ਥਾਂ ਮੀਟ ਪਰੋਸ ਦਿੱਤਾ। ਹਾਸਿਲ ਜਾਣਕਾਰੀ ਅਨੁਸਾਰ ਪੀੜਿਤ ਪਰਿਵਾਰ ਦੀਆਂ ਔਰਤਾਂ ਵਿਆਹ ਦੀ ਸਾਲਗਿਰਾ ਮਨਾਉਣ ਵਾਸਤੇ ਨਾਮੀ ਹੋਟਲ ਵਿੱਚ ਪਹੁੰਚੇ ਸਨ। ਉਨ੍ਹਾਂ ਨੇ ਹੋਟਲ ਸਟਾਫ ਨੂੰ ਪਨੀਰ ਨਾਲ ਸੰਬੰਧਿਤ ਵੈਜੀਟੇਰੀਅਨ ਪਕਵਾਨਾਂ ਦਾ ਆਰਡਰ ਦਿੱਤਾ ਤਾਂ ਵੇਟਰ ਨੇ ਉਹਨਾਂ ਨੂੰ ਮੀਟ ਪਰੋਸ ਦਿੱਤਾ।
ਔਰਤਾਂ ਨੇ ਦੱਸਿਆ ਕਿ ਉਹ ਬਚਪਨ ਤੋਂ ਹੀ ਸ਼ਾਕਾਹਾਰੀ ਹਨ, ਇਸ ਕਰਕੇ ਉਹ ਮੀਟ ਦੇ ਸਵਾਦ ਦੀ ਪਰਖ ਨਹੀਂ ਕਰ ਸਕੇ। ਪਰ ਜਿਵੇਂ ਹੀ ਉਹਨਾਂ ਨੂੰ ਸ਼ੱਕ ਪਿਆ ਤਾਂ ਹੋਟਲ ਵਾਲਿਆਂ ਨੇ ਆਖ ਦਿੱਤਾ ਕਿ ਇਹ ਸੋਇਆਬੀਨ ਤੋਂ ਬਣੀ ਹੋਈ ਚਾਂਪ ਹੈ। ਜਦੋਂ ਨੇੜੇ ਬੈਠੇ ਹੋਰ ਗਾਹਕ ਨੂੰ ਇਹ ਪਕਵਾਨ ਚੈੱਕ ਕਰਾਇਆ ਤਾਂ ਉਹਨਾਂ ਨੂੰ ਪਤਾ ਲੱਗਿਆ ਕਿ ਕੜਾਹੀ ਪਨੀਰ ਦੀ ਥਾਂ ‘ਤੇ ਉਹਨਾਂ ਨੂੰ ਚਿਕਨ ਪਰੋਸ ਦਿੱਤਾ ਗਿਆ ਹੈ। ਪੀੜਿਤ ਪਰਿਵਾਰ ਨੇ ਦੋਸ਼ ਲਗਾਇਆ ਹੈ ਕਿ ਹੋਟਲ ਨੇ ਉਹਨਾਂ ਦਾ ਧਰਮ ਭ੍ਰਿਸ਼ਟ ਕੀਤਾ ਹੈ ਅਤੇ ਇਹਨਾਂ ਦੇ ਖਿਲਾਫ ਧਾਰਮਿਕ ਮਰਿਆਦਾਵਾਂ ਨੂੰ ਤਹਿਸ ਨਹਿਸ ਕਰਨ ਦਾ ਮੁਕੱਦਮਾ ਦਰਜ ਹੋਣਾ ਚਾਹੀਦਾ ਹੈ।
ਹੋਟਲ ਦੇ ਮੈਨੇਜਰ ਨੇ ਕੈਮਰੇ ਸਾਹਮਣੇ ਅਤੇ ਪੀੜਿਤ ਪਰਿਵਾਰਿਕ ਮੈਂਬਰਾਂ ਕੋਲੋਂ ਵੀ ਮੁਆਫੀ ਮੰਗ ਲਈ ਹੈ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
