ਨਿਊਜ਼ ਡੈਸ਼ਕ: ਦੇਸੀ ਘਿਓ ਖਾਣ ਨਾਲ ਸਰੀਰ ‘ਚ ਤਾਕਤ ਆਉਂਦੀ ਹੈ। ਇਹ ਦਿਮਾਗ ਅਤੇ ਹੱਡੀਆਂ ਨੂੰ ਤਰ ਕਰ ਦਿੰਦਾ ਹੈ। ਘਿਓ ਖਾਣ ਵਾਲੇ ਲੋਕ ਬੁਢਾਪੇ ‘ਚ ਵੀ ਸਿਹਤਮੰਧ ਰਹਿੰਦੇ ਹਨ। ਪਰ ਬਾਜ਼ਾਰ ਵਿੱਚ ਨਕਲੀ ਘਿਓ ਦੀ ਭਰਮਾਰ ਹੈ। ਇਸ ਨੂੰ ਖਾਣ ਤੋਂ ਬਾਅਦ ਲੋਕ ਬਿਮਾਰ ਹੋ ਰਹੇ ਹਨ। ਨਕਲੀ ਘਿਓ ਖਾਣ ਨਾਲ ਕਈ ਬੀਮਾਰੀਆਂ ਅਤੇ ਹਾਰਟ ਅਟੈਕ ਹੋ ਸਕਦਾ ਹੈ।
ਟਾਈਮਜ਼ ਆਫ ਇੰਡੀਆ ਦੀ ਰਿਪੋਰਟ ਮੁਤਾਬਕ ਗੁਜਰਾਤ ਦੇ ਫੂਡ ਐਂਡ ਡਰੱਗ ਕੰਟਰੋਲ ਐਡਮਿਨਿਸਟ੍ਰੇਸ਼ਨ ਨੇ ਨਵਸਾਰੀ ‘ਚ 3000 ਕਿਲੋ ਨਕਲੀ ਘਿਓ ਜ਼ਬਤ ਕੀਤਾ ਹੈ। ਇਸ ਘਿਓ ਵਿੱਚ ਗੰਦੇ ਤੇਲ ਦੀ ਮਿਲਾਵਟ ਕੀਤੀ ਗਈ ਸੀ। ਜਿਸ ਨੂੰ ਮਾਹਿਰ ਸਰੀਰ ਲਈ ਜ਼ਹਿਰੀਲਾ ਮੰਨਦੇ ਹਨ। ਇਸ ਕੰਪਨੀ ਦੇ ਘਿਓ ਦੀ ਵੱਡੀ ਪੱਧਰ ‘ਤੇ ਖਪਤ ਹੁੰਦੀ ਹੈ। ਜੇਕਰ ਤੁਸੀਂ ਵੀ ਬਜ਼ਾਰ ਤੋਂ ਘਿਓ ਖਰੀਦ ਕੇ ਖਾਂਦੇ ਹੋ ਤਾਂ ਪਹਿਲਾਂ ਇਸ ਦੀ ਜਾਂਚ ਜ਼ਰੂਰ ਕਰੋ।
ਰਿਪੋਰਟ ਦੇ ਅਨੁਸਾਰ, ਨਵਸਾਰੀ ਵਿੱਚ ਇੱਕ ਯੂਨਿਟ ਤੋਂ 8 ਨਮੂਨੇ ਟੈਸਟ ਲਈ ਲੈਬ ਵਿੱਚ ਭੇਜੇ ਗਏ ਸਨ। ਇਸ ਤੋਂ ਬਾਅਦ ਪਤਾ ਲੱਗਾ ਕਿ ਸੁਖਵੰਤ ਨਾਮ ਦੇ 3000 ਕਿਲੋ ਘਿਓ ਵਿੱਚ ਪਾਮੋਲਿਨ ਆਇਲ ਦੀ ਮਿਲਾਵਟ ਹੈ। ਇਸ ਤੇਲ ਦੀ ਕੀਮਤ ਕਰੀਬ 14 ਲੱਖ ਰੁਪਏ ਹੈ। ਇਸ ਤੋਂ ਕੁਝ ਦਿਨ ਪਹਿਲਾਂ ਜੈਪੁਰ ਵਿੱਚ ਵੀ ਨਕਲੀ ਘਿਓ ਫੜਿਆ ਗਿਆ ਸੀ।
ਪਾਮੋਲਿਨ ਤੇਲ ਨੂੰ ਪਾਮ ਤੇਲ ਕਿਹਾ ਜਾਂਦਾ ਹੈ। ਇਹ ਤੇਲ ਦੁਨੀਆਂ ਵਿੱਚ ਸਭ ਤੋਂ ਵੱਧ ਵਰਤਿਆ ਜਾਂਦਾ ਹੈ। ਹਾਰਵਰਡ ਇਸ ਤੇਲ ਨੂੰ ਦਿਲ ਦੀਆਂ ਬਿਮਾਰੀਆਂ ਦਾ ਕਾਰਨ ਮੰਨਦਾ ਹੈ। ਇਹ ਤੇਲ ਦਿਲ ਦੀਆਂ ਸਾਰੀਆਂ ਬਿਮਾਰੀਆਂ ਦਾ ਕਾਰਨ ਬਣ ਸਕਦਾ ਹੈ। ਇਸ ਵਿੱਚ ਲਗਭਗ 50 ਪ੍ਰਤੀਸ਼ਤ ਚਰਬੀ ਹੁੰਦੀ ਹੈ। ਇਹ ਚਰਬੀ ਨਾੜੀਆਂ ਵਿੱਚ ਪਲੇਕ ਬਣ ਜਾਂਦੀ ਹੈ ਅਤੇ ਨਾੜੀਆਂ ਨੂੰ ਬਲੋਕ ਦਿੰਦੀ ਹੈ।
ਘਰ ਵਿੱਚ ਬਣਿਆ ਦੇਸੀ ਘਿਓ ਸਰੀਰ ਲਈ ਸਭ ਤੋਂ ਵਧੀਆ ਹੈ। ਇਹ ਘਰ ਵਿੱਚ ਬਣਾਇਆ ਜਾਂਦਾ ਹੈ। ਇਸ ਲਈ, ਇਸ ਵਿੱਚ ਕਿਸੇ ਕਿਸਮ ਦਾ ਖਤਰਨਾਕ ਤੇਲ ਜਾਂ ਰਸਾਇਣ ਨਹੀਂ ਹੋ ਸਕਦਾ। ਜ਼ਿਆਦਾਤਰ ਘਰਾਂ ਵਿੱਚ ਇਸ ਨੂੰ ਬਿਲੋਨਾ ਘੀ ਕਿਹਾ ਜਾਂਦਾ ਹੈ। ਜਿਸ ਨੂੰ ਦਹੀਂ ਰਿੜਕ ਕੇ ਬਾਹਰ ਕੱਢਿਆ ਜਾਂਦਾ ਹੈ। ਲੋਕ ਇਹ ਨਹੀਂ ਜਾਣਦੇ ਕਿ ਦਹੀ ਤੋਂ ਘਿਓ ਕਿਵੇਂ ਬਣਾਉਣਾ ਹੈ। ਇਸ ਦੇ ਲਈ ਗਾਂ ਦੇ ਦੁੱਧ ਤੋਂ ਬਣੇ ਦਹੀਂ ਨੂੰ ਰਿੜਕ ਕੇ ਮੱਖਣ ਕੱਢ ਲਓ ਅਤੇ ਫਿਰ ਇਸ ਨੂੰ ਘੱਟ ਅੱਗ ‘ਤੇ ਪਕਾਓ ਅਤੇ ਘਿਓ ਨਿੱਕਲ ਆਉਂਦਾ ਹੈ।
