ਸ਼ਿਮਲਾ: ਐਸਡੀਪੀਓ ਕਾਜ਼ਾ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਚੰਦਰਤਾਲ ਵਿੱਚ ਫਸੇ ਸਾਰੇ 266 ਸੈਲਾਨੀਆਂ ਨੂੰ ਰੈਸਕਿਊ ਕਰ ਲਿਆ ਗਿਆ ਹੈ। ਐਸਪੀ ਲਾਹੌਲ ਸਪਿਤੀ ਮਯੰਕ ਚੌਧਰੀ ਵੀ ਚੰਦਰਤਾਲ ਤੋਂ ਲੋਸਰ ਲਈ ਰਵਾਨਾ ਹੋ ਗਏ ਹਨ। 175 ਵਾਹਨਾਂ ਅਤੇ ਲਗਭਗ 630 ਸੈਲਾਨੀਆਂ ਨੇ ਸਪੀਤੀ ਘਾਟੀ ਤੋਂ ਸਮਦੋ ਰਾਹੀਂ ਲੋਸਰ ਵੱਲ ਸੁਰੱਖਿਅਤ ਢੰਗ ਨਾਲ ਰਵਾਨਾ ਕੀਤਾ ਹੈ।
ਬਚਾਅ ਟੀਮ ਲਗਭਗ 2 ਵਜੇ ਚੰਦਰਤਾਲ ਪਹੁੰਚੀ ਅਤੇ ਬਚਾਅ ਕਾਰਜ ਸ਼ੁਰੂ ਕੀਤਾ। ਐਸਪੀ ਮਯੰਕ ਚੌਧਰੀ ਨੇ ਦੱਸਿਆ ਕਿ ਚੰਦਰਤਾਲ ਤੋਂ ਸਾਰੇ 266 ਸੈਲਾਨੀਆਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ ਹੈ। ਇਨ੍ਹਾਂ ਸਾਰਿਆਂ ਨੂੰ ਲੋਸਰ ਵੱਲ ਭੇਜ ਦਿੱਤਾ ਗਿਆ ਹੈ। ਇਕ ਗੱਡੀ ਲੋਸਰ ਪਹੁੰਚ ਗਈ ਹੈ। ਸਾਰੇ ਸੈਲਾਨੀ ਸਿਹਤਮੰਦ ਹਨ।
ਦੱਸ ਦਈਏ ਕਿ ਹਿਮਾਚਲ ਸਰਕਾਰ ਵਿੱਚ ਮੰਤਰੀ ਜਗਤ ਸਿੰਘ ਨੇਗੀ ਅਤੇ ਸੀਪੀਐਸ ਸੰਜੈ ਅਵਸਥੀ ਨੇ 18 ਘੰਟਿਆਂ ਦੀ ਸਖ਼ਤ ਜੱਦੋਜਹਿਦ ਤੋਂ ਬਾਅਦ ਦੇਰ ਰਾਤ ਬਰਫ਼ ਨਾਲ ਢੱਕੀ ਸੜਕ ਨੂੰ ਸਾਫ਼ ਕਰਵਾਇਆ। ਇਸ ਤੋਂ ਬਾਅਦ ਚੰਦਰਤਾਲ ਪਹੁੰਚੇ। ਜਗਤ ਸਿੰਘ ਨੇਗੀ ਨੇ ਸੈਟੇਲਾਈਟ ਫੋਨ ਰਾਹੀਂ ਮੁੱਖ ਮੰਤਰੀ ਨੂੰ ਦੱਸਿਆ ਕਿ ਚੰਦਰਤਾਲ ਵਿਖੇ ਫਸੇ ਯਾਤਰੀਆਂ ਨੂੰ ਕੱਢਣ ਦਾ ਕੰਮ ਸ਼ੁਰੂ ਕਰ ਦਿੱਤਾ ਗਿਆ ਹੈ। ਹੁਣ ਚਿੰਤਾ ਦੀ ਕੋਈ ਗੱਲ ਨਹੀਂ ਹੈ। ਭਾਰਤੀ ਫੌਜ ਨੇ ਵੀ ਚੰਦਰਤਾਲ ਜਾਣ ਤੋਂ ਇਨਕਾਰ ਕਰ ਦਿੱਤਾ ਸੀ।
ਭਾਰੀ ਮੀਂਹ ਦਾ ਅਲਰਟ
ਹਿਮਾਚਲ ਪ੍ਰਦੇਸ਼ ਵਿੱਚ 14 ਜੁਲਾਈ ਤੋਂ ਮੌਸਮ ਇੱਕ ਵਾਰ ਫਿਰ ਆਪਣਾ ਰੂਪ ਦਿਖਾਉਣ ਜਾ ਰਿਹਾ ਹੈ। 14 ਜੁਲਾਈ ਨੂੰ ਸ਼ਿਮਲਾ ਦੇ ਮੌਸਮ ਵਿਭਾਗ ਨੇ ਕਈ ਹਿੱਸਿਆਂ ‘ਚ ਭਾਰੀ ਮੀਂਹ ਨੂੰ ਲੈ ਕੇ ਇਕ ਵਾਰ ਫਿਰ ਅਲਰਟ ਜਾਰੀ ਕੀਤਾ ਹੈ, ਅਜਿਹੇ ‘ਚ ਫਿਰ ਤੋਂ ਕਈ ਹਿੱਸਿਆਂ ‘ਚ ਤਬਾਹੀ ਮਚ ਸਕਦੀ ਹੈ। ਮੌਸਮ ਵਿਭਾਗ ਦੇ ਡਾਇਰੈਕਟਰ ਸੁਰਿੰਦਰ ਪਾਲ ਦਾ ਕਹਿਣਾ ਹੈ ਕਿ ਪਿਛਲੇ ਦਿਨੀਂ ਹੋਈ ਬਾਰਿਸ਼ ਕਾਰਨ 8 ਜ਼ਿਲ੍ਹਿਆਂ ਵਿੱਚ ਰਿਕਾਰਡ ਤੋੜ ਮੀਂਹ ਪਿਆ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
