ਸਰੀ: ਕੈਨੇਡਾ ਦੇ ਸਰੀ ਸ਼ਹਿਰ ਤੋਂ ਇੱਕ ਹੋਰ ਮੰਦਭਾਗੀ ਖਬਰ ਸਾਹਮਣੇ ਆ ਰਹੀ ਹੈ। ਸੁਨਹਿਰੀ ਸੁਪਣੇ ਸਜੋ ਕੇ 6 ਮਹੀਨੇ ਪਹਿਲਾਂ ਵਿਦੇਸ਼ੀ ਧਰਤੀ ‘ਤੇ ਗਈ ਪੰਜਾਬਣ ਦੀ ਸ਼ੱਕੀ ਹਾਲਤਾ ‘ਚ ਮੌਤ ਹੋ ਗਈ ਹੈ। ਜਾਣਕਾਰੀ ਮੁਤਾਬਕ ਅਮਨਪ੍ਰੀਤ ਕੌਰ ਦਾ 7 ਸਾਲ ਪਹਿਲਾਂ ਪਿੰਡ ਡੁੱਗਰੀ ਥਾਣਾ ਮੁਕੇਰੀਆਂ ਵਿਖੇ ਲਖਬੀਰ ਸਿੰਘ ਦੇ ਨਾਲ ਵਿਆਹ ਹੋਇਆ ਸੀ। ਅਮਨਪ੍ਰੀਤ ਤੇ ਲਖਬੀਰ ਦੀ ਇਕ 6 ਸਾਲਾ ਧੀ ਵੀ ਹੈ ਜੋ ਪੰਜਾਬ ‘ਚ ਹੀ ਆਪਣੇ ਪਿਤਾ ਤੇ ਦਾਦਾ ਦਾਦੀ ਨਾਲ ਰਹਿ ਰਹੀ ਹੈ।
ਮ੍ਰਿਤਕ ਅਮਨਪ੍ਰੀਤ ਦੇ ਪਤੀ ਲਖਬੀਰ ਸਿੰਘ ਨੇ ਦੱਸਿਆ ਕਿ ਅਮਨਪ੍ਰੀਤ ਕੌਰ ਵਿਦੇਸ਼ ’ਚ ਪੜ੍ਹਾਈ ਕਰਨਾ ਚਾਹੁੰਦੀ ਸੀ, ਅਸੀਂ ਉਸ ਨੂੰ 21 ਦਸੰਬਰ 2022 ਨੂੰ ਸਟੱਡੀ ਵੀਜ਼ੇ ’ਤੇ ਪੜ੍ਹਨ ਲਈ ਕੈਨੇਡਾ ਭੇਜਿਆ ਤੇ ਉਹ ਸਰੀ ਸ਼ਹਿਰ ’ਚ ਰਹਿ ਰਹੀ ਸੀ। ਅਮਨ ਨੂੰ ਪੜ੍ਹਾਈ ਦੇ ਨਾਲ ਨੌਕਰੀ ਵੀ ਮਿਲ ਗਈ ਤੇ ਉਹ ਬਹੁਤ ਖੁਸ਼ ਵੀ ਸੀ। ਲਖਬੀਰ ਨੇ ਦੱਸਿਆ ਕਿ ਉਸਨੇ ਵੀ ਆਪਣੀ ਪਤਨੀ ਕੋਲ ਜਾਣ ਲਈ ਫਾਈਲ ਲਗਾਈ ਹੋਈ ਸੀ।
ਲਖਬੀਰ ਨੇ ਦੱਸਿਆ ਕਿ 2 ਦਿਨ ਅਮਨਪ੍ਰੀਤ ਨਾਲ ਉਸਦੀ ਫੋਨ ‘ਤੇ ਗੱਲ ਨਹੀਂ ਹੋ ਸਕੀ, ਨਾਂ ਹੀ ਉਹ ਕਿਸੇ ਫੋਨ ਦਾ ਜਾ ਮੈਸੇਜ ਦਾ ਜਵਾਬ ਨਹੀਂ ਦੇ ਰਹੀ ਸੀ, ਇਸ ਤੋਂ ਬਾਅਦ ਜਦੋਂ ਉਸ ਨੇ ਕੈਨੇਡਾ ‘ਚ ਉਸਦੇ ਮਕਾਨ ਮਾਲਕਾਂ ਨਾਲ ਸੰਪਰਕ ਕੀਤਾ ਤਾਂ ਉਸ ਨੇ ਦੱਸਿਆ ਕਿ ਅਮਨਪ੍ਰੀਤ ਨੇ ਖੁਦਕੁਸ਼ੀ ਕਰ ਲਈ ਹੈ।
ਉੱਥੇ ਹੀ ਅਮਨ ਦੀ ਸੱਸ ਦਾ ਕਹਿਣਾ ਹੈ ਕਿ ਅਮਨ ਬਹੁਤ ਹੀ ਨਰਮ ਸੁਭਾਅ ਦੀ ਸੀ। ਉਹ ਵਿਆਹ ਤੋਂ ਬਾਅਦ 6 ਸਾਲ ਸਾਡੇ ਨਾਲ ਧੀਆਂ ਵਾਂਗ ਰਹਿ ਕੇ ਗਈ ਹੈ। ਉਸਦਾ ਸੁਫਨਾਂ ਸੀ ਵਿਦੇਸ਼ ਜਾ ਕੇ ਪੜਾਈ ਕਰਨ ਦਾ ਸੁਫਨਾ ਸੀ ਪਰ ਸਾਨੂੰ ਨਹੀਂ ਪਤਾ ਸੀ ਅਸੀਂ ਉਸ ਨੂੰ ਬਾਹਰ ਭੇਜ ਕੇ ਆਪਣਾ ਸਭ ਗਵਾ ਲਵਾਂਗੇ। ਉਹਨਾਂ ਕਿਹਾ ਅਮਨ ਨਾਲ ਸਾਡੀ ਹਰ ਰੋਜ਼ ਗੱਲ ਹੁੰਦੀ ਸੀ ਤੇ ਉਹ ਖੁਸ਼ ਵੀ ਸੀ ਤੇ ਸਾਨੂੰ ਕਹਿੰਦੀ ਸੀ ਕਿਸੇ ਗੱਲ ਦੀ ਟੈਨਸ਼ਨ ਨਹੀਂ ਲੈਣੀ ਹੁਣ ਸਭ ਕੁਝ ਠੀਕ ਹੋ ਜਾਵੇਗਾ।
ਅਮਨ ਦੇ ਪਰਿਵਾਰ ਨੇ ਕੇਂਦਰ ਸਰਕਾਰ ਅਤੇ ਪੰਜਾਬ ਸਰਕਾਰ ਨੂੰ ਅਪੀਲ ਕੀਤੀ ਕਿ ਇਸ ਮਾਮਲੇ ਦੀ ਜਾਂਚ ਕਰਵਾਈ ਜਾਵੇ ਤਾਂ ਜੋ ਉਹਨਾਂ ਇਨਸਾਫ਼ ਮਿਲ ਸਕੇ ਤੇ ਅਮਨ ਦੀ ਮ੍ਰਿਤਕ ਦੇਹ ਨੂੰ ਭਾਰਤ ਲਿਆਉਣ ਲਈਮਦਦ ਕੀਤੀ ਜਾਵੇ ਤਾਂ ਜੋ 6 ਸਾਲਾ ਬੱਚੀ ਆਪਣੀ ਮਾਂ ਨੁੰ ਆਖਰੀ ਵਾਰ ਦੇਖ ਸਕੇ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
