ਸ੍ਰੀਨਗਰ: ਭਾਰਤੀ ਫੌਜ ਲਈ ਚੀਨ ਦੀ ਸਰਹੱਦ ‘ਤੇ ਸ੍ਰੀਨਗਰ ਤੋਂ ਹਿਮਾਚਲ ਪ੍ਰਦੇਸ਼ ਤੱਕ ਪਹੁੰਚਣਾ ਹੋਰ ਵੀ ਆਸਾਨ ਹੋ ਜਾਵੇਗਾ। ਇਸ ਦੇ ਲਈ ਹੁਣ ਨੂੰ ਲੇਹ ਦੇ ਔਖੇ ਰਸਤੇ ਤੋਂ ਨਹੀਂ ਲੰਘਣਾ ਪਵੇਗਾ ਤੇ ਨਾਂ ਹੀ ਜੰਮੂ, ਪਠਾਨਕੋਟ, ਮਨਾਲੀ ਰਾਹੀਂ ਲੰਬਾ ਰਸਤਾ ਲੈਣਾ ਪਵੇਗਾ। ਹੁਣ ਹਿਮਾਚਲ ਪ੍ਰਦੇਸ਼ ਦੇ ਕਿਸ਼ਤਵਾੜ ਤੋਂ ਟਾਂਡੀ-ਕਿੱਲਰ-ਸੰਸਾਰੀਨਾਲਾ ਸੜਕ ਰਾਹੀਂ ਸ੍ਰੀਨਗਰ ਤੋਂ ਲਾਹੌਲ ਅਤੇ ਫਿਰ ਕਿਨੌਰ ਪਹੁੰਚਣਾ ਸੰਭਵ ਹੋਵੇਗਾ। ਹੁਣ ਰੱਖਿਆ ਮੰਤਰਾਲੇ ਨੇ ਇਸ ਸੜਕ ਦਾ ਦਰਜਾ ਵਧਾ ਕੇ ਨੈਸ਼ਨਲ ਹਾਈਵੇ ਕਰ ਦਿੱਤਾ ਹੈ। ਐਨਾ ਹੀ ਨਹੀਂ ਟਾਂਡੀ-ਕਿੱਲਰ-ਸੰਸਾਰੀਨਾਲਾ ਸੜਕ ਨੂੰ ਹੁਣ ਡਬਲ ਲੇਨ ਕੀਤਾ ਜਾਵੇਗਾ। ਇਸ ਦੀ ਡੀਪੀਆਰ ਨੂੰ ਮਨਜ਼ੂਰੀ ਮਿਲ ਚੁੱਕੀ ਹੈ। ਹੁਣ ਤੱਕ ਇਹ ਸੜਕ ਸਿੰਗਲ ਲੇਨ ਸੀ। ਫੌਜ ਨੇ ਵੀ ਇਸ ਰਸਤੇ ਦੀ ਵਰਤੋਂ ਨਹੀਂ ਕੀਤੀ।
ਇਸ ਮਾਰਗ ਰਾਹੀਂ ਪਾਂਗੀ-ਕਿਲਾਰ ਤੋਂ ਕਿਸ਼ਤਵਾੜ ਸਣੇ ਲਾਹੌਲ ਘਾਟੀ ਦੇ ਲੋਕਾਂ ਦੀ ਆਵਾਜਾਈ ਵੀ ਆਸਾਨ ਹੋਵੇਗੀ ਅਤੇ ਇਨ੍ਹਾਂ ਇਲਾਕਿਆਂ ‘ਚ ਸੈਰ-ਸਪਾਟੇ ਨੂੰ ਵੀ ਵਧਾਵਾ ਮਿਲੇਗਾ। ਟਾਂਡੀ-ਕਿੱਲਰ-ਸੰਸਾਰੀਨਾਲਾ ਸੜਕ ਨੂੰ ਅਪਗ੍ਰੇਡ ਕੀਤਾ ਗਿਆ ਹੈ ਤਾਂ ਜੋ ਭਾਰਤੀ ਫੌਜ ਨੂੰ ਪਾਕਿਸਤਾਨ ਅਤੇ ਚੀਨ ਦੇ ਸਰਹੱਦੀ ਖੇਤਰਾਂ ਤੱਕ ਪਹੁੰਚਣਾ ਆਸਾਨ ਬਣਾਇਆ ਜਾ ਸਕੇ। ਹਾਈਵੇਅ ਦੇ ਡਬਲ-ਲੇਨਿੰਗ ਨਾਲ ਭਾਰਤੀ ਫੌਜ ਕਿਸ਼ਤਵਾੜ ਅਤੇ ਊਧਮਪੁਰ ਤੋਂ ਹੁੰਦੇ ਹੋਏ ਮਨਾਲੀ-ਟਾਂਡੀ-ਸੰਸਾਰੀਨਾਲਾ ਰਾਹੀਂ ਸ੍ਰੀਨਗਰ ਪਹੁੰਚੇਗੀ। ਸਰਦੀਆਂ ਦੇ ਮੌਸਮ ਵਿੱਚ ਵੀ ਇਹ ਰਸਤਾ ਆਵਾਜਾਈ ਲਈ ਖੁੱਲ੍ਹਾ ਰਹਿੰਦਾ ਹੈ। ਇਸ ਸਮੇਂ ਟਾਂਡੀ-ਕਿੱਲਰ-ਸੰਸਾਰੀਨਾਲਾ ਸੜਕ ਦਾ ਜ਼ਿਆਦਾਤਰ ਹਿੱਸਾ ਵਨ-ਵੇਅ ਹੈ ਅਤੇ ਜ਼ਮੀਨ ਖਿਸਕਣ ਅਤੇ ਬਰਫੀਲੇ ਤੂਫਾਨ ਕਾਰਨ ਅਕਸਰ ਬੰਦ ਰਹਿੰਦਾ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
