ਨਿਊਜ਼ ਡੈਸਕ: ਸਾਊਥ ਕੋਰੀਅਮ ਗਾਇਕ ਕੇ-ਪੌਪ ਸਟਾਰ ਮੂਨ ਬਿਨ ਦਾ 25 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਇਸ ਸਬੰਧੀ ਜਾਣਕਾਰੀ ਉਨ੍ਹਾਂ ਦੇ ਗੀਤ ਰਿਕਾਰਡ ਕਰਨ ਵਾਲੀ ਕੰਪਨੀ ਨੇ ਦਿੱਤੀ ਹੈ। ਮੂਨਬਿਨ ਦੀ ਰਿਕਾਰਡਿੰਗ ਕੰਪਨੀ ਫੈਂਟੀਆਗੋ ਨੇ ਇੱਕ ਬਿਆਨ ਜਾਰੀ ਕਰਦਿਆਂ ਕਿਹਾ, ‘ਅਚਾਨਕ ਉਹ ਸਾਨੂੰ ਛੱਡ ਕੇ ਚਲੇ ਗਏ ਅਤੇ ਹੁਣ ਉਹ ਅਸਮਾਨ ਵਿੱਚ ਇੱਕ ਤਾਰਾ ਬਣ ਚੁੱਕੇ ਹਨ। ਲੋਕ ਕਿਸੇ ਵੀ ਤਰ੍ਹਾਂ ਦੇ ਕਿਆਸ ਲਗਾਉਣ ਤੋਂ ਗੁਰੇਜ਼ ਕਰਨ ਤਾਂ ਜੋ ਉਨ੍ਹਾਂ ਦਾ ਪਰਿਵਾਰ ਉਨ੍ਹਾਂ ਨੂੰ ਸ਼ਾਂਤੀ ਨਾਲ ਵਿਦਾਈ ਦੇ ਸਕੇ।’
ਦੱਖਣੀ ਕੋਰੀਆਈ ਮੀਡੀਆ ਦੀਆਂ ਰਿਪੋਰਟਾਂ ਮੁਤਾਬਕ ਬੁੱਧਵਾਰ ਰਾਤ ਨੂੰ ਉਨ੍ਹਾਂ ਦੇ ਮੈਨੇਜਰ ਨੇ ਦੇਖਿਆ ਕਿ ਮੂਨ ਬਿਨ ਆਪਣੇ ਸਿਓਲ ਦੇ ਅਪਾਰਟਮੈਂਟ ‘ਚ ਬੇਹੋਸ਼ ਪਏ ਸਨ।
ਪੁਲਿਸ ਦਾ ਕਹਿਣਾ ਹੈ ਕਿ ਲੱਗਦਾ ਹੈ ਜਿਵੇਂ ਮੂਨ ਬਿਨ ਨੇ ਆਪਣੀ ਜ਼ਿੰਦਗੀ ਨੂੰ ਲੈ ਕੇ ਕੋਈ ਸਖਤ ਫੈਸਲਾ ਲਿਆ ਅਤੇ ਇਸ ਮਾਮਲੇ ਦੀ ਪੂਰੀ ਜਾਂਚ ਕੀਤੀ ਜਾਵੇਗੀ ਤਾਂ ਜੋ ਮੌਤ ਦੇ ਕਾਰਨਾਂ ਦਾ ਪਤਾ ਲਗਾਇਆ ਜਾ ਸਕੇ।
2016 ਵਿੱਚ ਦੱਖਣੀ ਕੋਰੀਆ ਦੇ ਬੁਆਏ ਬੈਂਡ ਸਟ੍ਰੋਲ ਦਾ ਹਿੱਸਾ ਬਣਨ ਤੋਂ ਪਹਿਲਾਂ ਮੂਨ ਬਿਨ ਇੱਕ ਅਭਿਨੇਤਾ ਅਤੇ ਮਾਡਲ ਸਨ। ਮੂਨਬਿਨ ਬੁਹੁਤ ਛੋਟੀ ਉਮਰ ਦੇ ਸਨ ਜਦੋਂ ਉਹ ਫੈਂਟੀਆਗੋ ਦੇ ਇੱਕ ਟ੍ਰੇਨੀ ਪ੍ਰੋਗਰਾਮ ਨਾਲ ਜੁੜੇ ਸਨ ਅਤੇ ਬਾਅਦ ਵਿੱਚ ਉਸ ਦੇ ਐਸਟ੍ਰੋ ਬੈਂਡ ਦਾ ਹਿੱਸਾ ਬਣ ਗਏ ਸਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
