ਇਸਲਾਮਾਬਾਦ: ਪਾਕਿਸਤਾਨ ‘ਚ ਇੱਕ ਅਜਿਹਾ ਪਰਿਵਾਰ ਹੈ ਜਿਥੇ ਇੱਕ ਵਿਅਕਤੀ ਦੇ 60 ਬੱਚੇ ਹਨ। ਬਲੋਚਿਸਤਾਨ ਦੀ ਰਾਜਧਾਨੀ ਕਵੇਟਾ ਦੇ ਰਹਿਣ ਵਾਲੇ ਹਾਜੀ ਜਾਨ ਮੁਹੰਮਦ ਦੇ ਘਰ ਨਵੇਂ ਸਾਲ ਦੇ ਮੌਕੇ ਬੱਚੇ ਨੇ ਜਨਮ ਲਿਆ ਹੈ। ਜਾਨ ਮੁਹੰਮਦ ਦਾ ਦਾਅਵਾ ਹੈ ਕਿ ਇਹ ਉਨ੍ਹਾਂ ਦਾ 60ਵਾਂ ਬੱਚਾ ਹੈ। ਹਾਜੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੇ ਪੰਜ ਬੱਚਿਆਂ ਦੀ ਮੌਤ ਹੋ ਚੁੱਕੀ ਹੈ, ਜਦਕਿ 55 ਬੱਚੇ ਸਿਹਤਮੰਦ ਹਨ।
ਜਾਨ ਮੁਹੰਮਦ ਦੀਆਂ ਤਿੰਨ ਪਤਨੀਆਂ ਹਨ ਤੇ 60 ਬੱਚੇ ਹੋਣ ਤੋਂ ਬਾਅਦ ਵੀ ਜ਼ਿੰਦਗੀ ਰੁਕਣ ਵਾਲੀ ਨਹੀਂ ਹੈ। ਜਾਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਹੋਰ ਬੱਚੇ ਪੈਦਾ ਕਰਨ ਦੀ ਯੋਜਨਾ ਹੈ। ਉਨ੍ਹਾਂ ਦੀਆਂ ਪਤਨੀਆਂ ਵੀ ਇਹੀ ਚਾਹੁੰਦੀਆਂ ਹਨ। ਇਸ ਦੇ ਨਾਲ ਹੀ ਉਹ ਚੌਥੀ ਵਾਰ ਵਿਆਹ ਵੀ ਕਰਨਾ ਚਾਹੁੰਦੇ ਹਨ। ਉਹ ਆਪਣੇ ਚੌਥੇ ਵਿਆਹ ਲਈ ਕੁੜੀ ਲੱਭ ਰਿਹਾ ਹੈ।
50 ਸਾਲਾ ਜਾਨ ਮੁਹੰਮਦ ਇੱਕ ਡਾਕਟਰ ਹੈ ਅਤੇ ਆਪਣਾ ਕਲੀਨਿਕ ਚਲਾਉਂਦਾ ਹੈ। ਹਾਜੀ ਨੇ ਆਪਣੇ 60ਵੇਂ ਬੱਚੇ ਦਾ ਨਾਮ ਖੁਸ਼ਹਾਲ ਜਾਨ ਰੱਖਿਆ ਹੈ। ਜਾਨ ਮੁਹੰਮਦ ਕਲੀਨਿਕ ਤੋਂ ਹੀ ਆਪਣਾ ਘਰ ਚਲਾਉਂਦਾ ਹੈ ਪਰ ਪਾਕਿਸਤਾਨ ਵਿੱਚ ਪਿਛਲੇ ਕੁਝ ਸਾਲਾਂ ਵਿੱਚ ਮਹਿੰਗਾਈ ਬਹੁਤ ਵਧ ਗਈ ਹੈ। ਇਸ ਲਈ ਉਨ੍ਹਾਂ ਨੂੰ ਘਰ ਚਲਾਉਣ ਵਿੱਚ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਜਾਨ ਦਾ ਕਹਿਣਾ ਹੈ ਕਿ ਉਹ ਬੱਚਿਆਂ ਦੇ ਖਰਚੇ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
