ਲੁਧਿਆਣਾ : ਲੁਧਿਆਣਾ ‘ਚ ਸਾਈਬਰ ਠੱਗਾਂ ਨੇ ਇੱਕ NRI ਰਿਸ਼ਤੇਦਾਰ ਹੋਣ ਦਾ ਬਹਾਨਾ ਬਣਾ ਕੇ ਇੱਕ ਬਜ਼ੁਰਗ ਵਿਅਕਤੀ ਤੋਂ 3 ਲੱਖ ਰੁਪਏ ਦੀ ਧੋਖਾਧੜੀ ਕੀਤੀ ਹੈ। ਫਿਰ ਧੋਖੇ ਨਾਲ ਬਜ਼ੁਰਗ ਤੋਂ 50 ਹਜ਼ਾਰ ਰੁਪਏ ਆਪਣੇ ਖਾਤੇ ਵਿਚ ਟਰਾਂਸਫਰ ਕਰਵਾਏ ਹਨ।
ਥਾਣਾ ਦੁੱਗਰੀ ਦੀ ਪੁਲਿਸ ਨੂੰ ਜਾਣਕਾਰੀ ਦਿੰਦਿਆਂ ਖਜ਼ਾਨ ਸਿੰਘ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਦੇਰ ਰਾਤ ਨੂੰ ਉਸ ਨੂੰ ਕੈਨੇਡਾ ਦੇ ਨੰਬਰ ਤੋਂ ਫੋਨ ਆਇਆ ਸੀ। ਕਾਲਰ ਨੇ ਖੁਦ ਨੂੰ ਖਜ਼ਾਨ ਸਿੰਘ ਦਾ ਰਿਸ਼ਤੇਦਾਰ ਦੱਸਿਆ ਅਤੇ ਆਖਿਆ ਕਿ ਉਹ ਉਸ ਦੇ ਖਾਤੇ ਵਿੱਚ 3 ਲੱਖ ਰੁਪਏ ਦੀ ਨਕਦੀ ਜਮ੍ਹਾ ਕਰਵਾ ਰਿਹਾ ਹੈ। ਝਾਂਸੇ ‘ਚ ਲੈਂਦਿਆਂ ਨੌਸਰਬਾਜ਼ ਨੇ ਆਖਿਆ ਕਿ ਭਾਰਤ ਪਰਤਣ ਤੇ ਉਹ ਉਸ ਕੋਲੋਂ ਰਕਮ ਲੈ ਲਵੇਗਾ। ਠੱਗੀ ਦਾ ਸ਼ਿਕਾਰ ਬਣਾਉਣ ਲਈ ਮੁਲਜ਼ਮ ਨੇ ਖਜਾਨ ਸਿੰਘ ਨੂੰ ਇਕ ਸਲਿੱਪ ਵੀ ਵ੍ਹੱਟਸਐਪ ਕਰ ਦਿੱਤੀ। ਕੁਝ ਸਮੇਂ ਬਾਅਦ ਮੁਲਜ਼ਮ ਨੇ ਖਜ਼ਾਨ ਸਿੰਘ ਨੂੰ ਯੂਕੋ ਬੈਂਕ ਦੇ ਇੱਕ ਖਾਤੇ ਵਿੱਚ 50 ਹਜ਼ਾਰ ਰੁਪਏ ਟਰਾਂਸਫਰ ਕਰਨ ਲਈ ਆਖਿਆ।
ਕੁਝ ਸਮੇਂ ਬਾਅਦ ਮੁਲਜ਼ਮਾਂ ਨੇ ਫੋਨ ਕਰਕੇ ਕਿਹਾ ਕਿ ਦੋਸਤ ਪ੍ਰਕਾਸ਼ ਕੁਮਾਰ ਨੂੰ 50 ਹਜ਼ਾਰ ਰੁਪਏ ਦੀ ਸਖ਼ਤ ਲੋੜ ਹੈ। ਤੁਹਾਡੇ ਖਾਤੇ ਵਿੱਚ ਭੇਜੇ ਗਏ ਪੈਸੇ ਤਿੰਨ ਦਿਨਾਂ ਵਿੱਚ ਪਹੁੰਚ ਜਾਣਗੇ। ਆਪਣੇ ਖਾਤੇ ਵਿੱਚੋਂ 50 ਹਜ਼ਾਰ ਰੁਪਏ ਟਰਾਂਸਫਰ ਕਰ ਦੇਣ। ਉਸ ਦੀਆਂ ਗੱਲਾਂ ਤੇ ਆ ਕੇ ਖਜਾਨ ਸਿੰਘ ਨੇ ਦੱਸੀ ਰਕਮ ਖਾਤੇ ਵਿੱਚ ਟਰਾਂਸਫਰ ਕਰ ਦਿੱਤੀ। ਬਾਅਦ ਵਿੱਚ ਉਸ ਨੂੰ ਪਤਾ ਲੱਗਾ ਕਿ ਮੁਲਜ਼ਮ ਵੱਲੋਂ ਭੇਜੇ 3 ਲੱਖ ਰੁਪਏ ਜਮ੍ਹਾਂ ਕਰਵਾਉਣ ਦੀ ਰਸੀਦ ਜਾਅਲੀ ਸੀ।
ਇਸ ਮਾਮਲੇ ਸਬੰਧੀ ਖਜ਼ਾਨ ਸਿੰਘ ਨੇ ਪੁਲਿਸ ਦੇ ਉੱਚ ਅਧਿਕਾਰੀਆਂ ਨੂੰ ਸ਼ਿਕਾਇਤ ਦਿੱਤੀ ਤਫਤੀਸ਼ ਤੋਂ ਬਾਅਦ ਥਾਣਾ ਦੁੱਗਰੀ ਦੀ ਪੁਲਿਸ ਨੇ ਪ੍ਰਕਾਸ਼ ਕੁਮਾਰ ਦੇ ਖਿਲਾਫ ਧੋਖਾਧੜੀ ਦੀਆਂ ਧਰਾਵਾਂ ਤਹਿਤ ਕੇਸ ਦਰਜ ਕਰ ਲਿਆ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
