ਲੁਧਿਆਣਾ: ਨੈਸ਼ਨਲ ਹਾਈਵੇਅ ਅਥਾਰਟੀ ਵੱਲੋਂ ਫ਼ਿਰੋਜ਼ਪੁਰ ਰੋਡ ‘ਤੇ ਬਣ ਰਹੀ ਐਲੀਵੇਟਿਡ ਰੋਡ ਕਾਰਨ ਆਰਤੀ ਚੌਕ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਆਰਤੀ ਚੌਂਕ ਵਿਖੇ ਐਲੀਵੇਟਿਡ ਰੋਡ ’ਤੇ ਗਾਰਡਾਂ ਵਾਲਾ ਰੈਂਪ ਬਣਾਉਣ ਦਾ ਕੰਮ ਚੱਲ ਰਿਹਾ ਹੈ। ਇਸ ਕੰਮ ਨੂੰ ਪੂਰਾ ਕਰਨ ਲਈ ਕਰੀਬ 3 ਮਹੀਨੇ ਦਾ ਸਮਾਂ ਲੱਗੇਗਾ। ਚੌਂਕ ਬੰਦ ਹੋਣ ਕਾਰਨ ਹੁਣ ਇੱਥੇ ਦਿਨ ਭਰ ਟ੍ਰੈਫਿਕ ਜਾਮ ਦੀ ਸਥਿਤੀ ਬਣੀ ਰਹੇਗੀ।
ਟ੍ਰੈਫਿਕ ਜਾਮ ਨਾਲ ਨਜਿੱਠਣ ਲਈ ਕੁਝ ਰਾਹ ਦੱਸੇ ਗਏ ਹਨ ਪਰ ਇਨ੍ਹਾਂ ਦਾ ਕੋਈ ਫਾਇਦਾ ਹੁੰਦਾ ਨਜ਼ਰ ਨਹੀਂ ਆ ਰਿਹਾ। ਕਰੀਬ 2.75 ਕਿਲੋਮੀਟਰ ਲੰਬੀ ਇਸ ਐਲੀਵੇਟਿਡ ਰੋਡ ਨੂੰ ਦੋਵੇਂ ਪਾਸੇ ਤੋਂ ਸ਼ੁਰੂ ਕੀਤਾ ਗਿਆ ਹੈ। ਬੁੱਧਵਾਰ ਨੂੰ ਵੇਰਕਾ ਪਲਾਂਟ ਦੇ ਬਿਲਕੁਲ ਸਾਹਮਣੇ ਰੈਂਪ ਨੂੰ ਖੋਲ੍ਹ ਦਿੱਤਾ ਗਿਆ ਹੈ। ਇਸ ਨਾਲ ਆਵਾਜਾਈ ਨੂੰ ਰਾਹਤ ਮਿਲੇਗੀ।
ਜ਼ਿਕਰਯੋਗ ਹੈ ਕਿ ਸਾਲ 2017 ਵਿੱਚ ਫਿਰੋਜ਼ਪੁਰ ਰੋਡ ‘ਤੇ ਸਮਰਾਲਾ ਚੌਕ ਤੱਕ ਐਲੀਵੇਟਿਡ ਰੋਡ ਤਿਆਰ ਕਰਨ ਦਾ ਕੰਮ ਸ਼ੁਰੂ ਕੀਤਾ ਗਿਆ ਸੀ। ਇਸ ਸਕੀਮ ‘ਤੇ ਨੈਸ਼ਨਲ ਹਾਈਵੇਅ ਅਥਾਰਟੀ ਵੱਲੋਂ 770 ਕਰੋੜ ਰੁਪਏ ਖਰਚ ਕੇ 13 ਕਿਲੋਮੀਟਰ ਐਲੀਵੇਟਿਡ ਸੜਕ ਬਣਾਈ ਜਾ ਰਹੀ ਹੈ।
ਆਰਤੀ ਚੌਕ ਵਿੱਚ ਚਾਰੇ ਪਾਸਿਓਂ ਐਂਟਰੀ ਹੁੰਦੀ ਹੈ। ਇਸ ਵਿੱਚ ਗੁਰਦੇਵ ਨਗਰ, ਘੁਮਾਰਮੰਡੀ, ਭਾਈਵਾਲਾ ਚੌਂਕਅਤੇ ਸਿੰਧਵਾ ਨਹਿਰ ਦੀ ਆਵਾਜਾਈ ਆਰਤੀ ਚੌਂਕਤੱਕ ਪਹੁੰਚਦੀ ਹੈ।ਭਾਈਵਾਲਾ ਚੌਂਕਇਸ ਚੌਂਕਤੋਂ ਸਿਰਫ਼ 800 ਮੀਟਰ ਅੱਗੇ ਹੈ। ਜੋ ਕਿ ਸਭ ਤੋਂ ਵਿਅਸਤ ਚੌਰਾਹਾ ਹੈ। ਆਰਤੀ ਚੌਂਕਬੰਦ ਹੋਣ ਨਾਲ ਆਉਣ ਵਾਲੇ ਤਿਉਹਾਰਾਂ ਦੇ ਸੀਜ਼ਨ ਵਿੱਚ ਹਾਲਤ ਹੋਰ ਵੀ ਬਦਤਰ ਹੋਣ ਜਾ ਰਹੀ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
