ਫਰਿਜ਼ਨੋ (ਗੁਰਿੰਦਰਜੀਤ ਨੀਟਾ ਮਾਛੀਕੇ/ ਕੁਲਵੰਤ ਧਾਲੀਆਂ): ਅਮਰੀਕਾ ਵਿੱਚ ਕੋਰੋਨਾ ਵਾਇਰਸ ਨਾਲ ਜੱਦੋਜਹਿਦ ਕਰਨ ਦੇ ਤਕਰੀਬਨ ਡੇਢ ਸਾਲ ਬਾਅਦ ਜਿੰਦਗੀ ਮੁੜ ਲੀਹ ‘ਤੇ ਆਉਣ ਲੱਗੀ ਹੈ। ਕੋਰੋਨਾ ਬਿਮਾਰੀ ਤੋਂ ਕੁੱਝ ਹੱਦ ਤੱਕ ਮਿਲੀ ਨਿਜਾਤ ਦੇ ਬਾਅਦ ਕੈਲੀਫੋਰਨੀਆ ਦੇ ਸ਼ਹਿਰ ਫਰਿਜ਼ਨੋ ਵਿਖੇ ਮੇਲਿਆਂ ਦਾ ਸਿਲਸਿਲਾ ਸ਼ੁਰੂ ਹੋ ਚੁੱਕਿਆ ਹੈ। ਇਸੇ ਲੜੀ ਤਹਿਤ ਫਰਿਜ਼ਨੋ ‘ਚ 24 ਜੁਲਾਈ ਦਿਨ ਸ਼ਨੀਵਾਰ ਨੂੰ ਸ਼ਾਮੀਂ 3 ਵਜੇ ਗੋਲਡਨ ਪੈਲਿਸ ਵਿੱਚ ਤੀਆਂ ਦਾ ਮੇਲਾ ਲੱਗ ਰਿਹਾ ਹੈ।
ਸਾਉਣ ਮਹੀਨਾ ਦਿਨ ਤੀਆਂ ਦੇ, ਸਭੇ ਸਹੇਲੀਆਂ ਆਈਆਂ,
ਨੀ ਸੰਤੋਂ ਸ਼ਾਮੋ ਹੋਈਆਂ ਕੱਠੀਆਂ, ਵੱਡੇ ਘਰਾਂ ਦੀਆਂ ਜਾਈਆਂ,
ਨੀ ਗੈਰੀ ਦੀ ਵਹੁਟੀ ਦਾ , ਚਾਅ ਚੁੱਕਿਆ ਨਾ ਜਾਵੇ,
ਭੱਜ ਭੱਜ ਆਜੋ ਨੀ, ਗੋਲਡਨ ਪੈਲਿਸ ਪਿਆ ਬੁਲਾਵੇ।
ਇਸ ਮੇਲੇ ਵਿੱਚ ਗਿੱਧੇ, ਭੰਗੜੇ, ਬੋਲੀਆਂ, ਇਨਡੋਰ ਡਾਂਸ ਫਲੋਰ ਦੇ ਨਾਲ ਡੀ ਜੇ ਦਾ ਵੀ ਪ੍ਰਬੰਧ ਹੋਵੇਗਾ। ਇਸਦੇ ਇਲਾਵਾ ਬ੍ਰਾਈਡਲ ਸ਼ੋਅ ਦੇ ਨਾਲ ਕਾਫੀ ਇਨਾਮ ਵੀ ਦਿੱਤੇ ਜਾਣਗੇ। ਇਸ ਤੀਆਂ ਦੇ ਮੇਲੇ ਦੀ ਟਿਕਟ 10 ਡਾਲਰ ਰੱਖੀ ਗਈ ਹੈ, ਪਰ ਜੇਕਰ ਕੋਈ ਮੇਲੇ ਵਿੱਚ ਜਲਦੀ ਪਹੁੰਚੇਗਾ ਤਾਂ ਟਿਕਟ ਨਾਲ ਦਾਖਲਾ 5 ਡਾਲਰ ਵਿੱਚ ਮਿਲ ਸਕਦਾ ਹੈ ਅਤੇ 10 ਸਾਲ ਤੱਕ ਦੇ ਬੱਚੇ ਲਈ ਐਂਟਰੀ ਫਰੀ ਹੈ। ਇਸ ਮੇਲੇ ਵਿੱਚ ਕਿਸਾਨੀ ਸੰਘਰਸ ਨਾਲ ਸਬੰਧਿਤ ਇੱਕ ਪ੍ਰੋਗਰਾਮ ਵੀ ਖਿੱਚ ਦਾ ਕੇਂਦਰ ਹੋਵੇਗਾ। ਜਿਕਰਯੋਗ ਹੈ ਕਿ ਇਹ ਤੀਆਂ ਦਾ ਮੇਲਾ ਖਾਸ ਤੌਰ ‘ਤੇ ਸਿਰਫ ਔਰਤਾਂ ਲਈ ਹੋਵੇਗਾ। ਇਸ ਮੇਲੇ ਬਾਰੇ ਜਿਆਦਾ ਜਾਣਕਾਰੀ ਗੋਲਡਨ ਪੈਲਿਸ ਨਾਲ 209-213-1377 ‘ਤੇ ਸੰਪਰਕ ਕੀਤਾ ਜਾ ਸਕਦਾ ਹੈ।
