ਨਿਊਜ਼ ਡੈਸਕ: ਚੀਨ ਦੇ ਸ਼ੇਨਜ਼ੇਨ ‘ਚ ਮੰਗਲਵਾਰ ਨੂੰ ਉਸ ਵੇਲੇ ਭਾਜੜਾਂ ਪੈ ਗਈਆਂ, ਜਦੋਂ ਇੱਥੇ ਇੱਕ ਇਮਾਰਤ ਝੂਲਣ ਲੱਗੀ। ਚੀਨ ਦੀਆਂ ਸਭ ਤੋਂ ਉੱਚੀਆਂ ਇਮਾਰਤਾਂ ‘ਚੋਂ ਇਕ ਐੱਸਈਜੀ ਪਲਾਜ਼ਾ ਦੇ ਝੂਲਣ ਤੋਂ ਬਾਅਦ ਇਸ ਨੂੰ ਖਾਲੀ ਕਰਵਾਇਆ ਗਿਆ। ਇਸ ਦੌਰਾਨ ਇੱਥੇ ਸ਼ਾਪਿੰਗ ਲਈ ਪੁੱਜੇ ਲੋਕਾਂ ਵਿੱਚ ਭਾਜੜਾਂ ਪੈ ਗਈਆਂ। ਲੋਕ ਜਾਨਾਂ ਬਚਾਉਣ ਲਈ ਇੱਧਰ-ਉੱਧਰ ਭੱਜਣ ਲੱਗੇ।
Breaking news.This afternoon,Shenzhen SEG Building was shaken, people were evacuated urgently. .This building has 79 floors..😱😱😱 pic.twitter.com/fXdSaoFKuq
— Sharing travel (@lsjngs) May 18, 2021
ਲਗਭਗ 300 ਮੀਟਰ ਉੱਚੀ ਇਮਾਰਤ ਦੁਪਹਿਰ 1 ਵਜੇ ਅਚਾਨਕ ਬਗੈਰ ਕਿਸੇ ਵਜ੍ਹਾ ਝੂਲਣ ਲੱਗੀ। ਇਮਾਰਤ ਵਿੱਚ ਮੌਜੂਦ ਲੋਕਾਂ ਨੂੰ ਜਲਦੀ ਬਾਹਰ ਨਿਕਲਣ ਨੂੰ ਕਿਹਾ ਗਿਆ। ਇਸ ਇਮਾਰਤ ਦੇ ਆਸ-ਪਾਸ ਘੁੰਮ ਰਹੇ ਲੋਕਾਂ ਨੇ ਬਿਲਡਿੰਗ ਨੂੰ ਹਿੱਲਦਾ ਵੇਖ ਕੇ ਭੱਜਣਾ ਸ਼ੁਰੂ ਕਰ ਦਿੱਤਾ। ਬਾਅਦ ‘ਚ ਲਗਭਗ 3 ਵਜੇ ਇਮਾਰਤ ਨੂੰ ਸੀਲ ਕਰ ਦਿੱਤਾ ਗਿਆ।
People are evacuating and pedestrian scrambling for safety when the SEG Plaza, a 345.8m tall building in Huaqiang North, a distinct in Shenzhen shook and swayed violently around 1pm today. #madeinchina pic.twitter.com/9ACuGLFUE2
— Kenneth Cole 😷🇭🇰🇹🇼🇹🇭🇮🇳🇲🇲 (@Kenneth50029151) May 18, 2021
ਸਾਲ 2000 ‘ਚ ਬਣੇ ਇਸ ਟਾਵਰ ‘ਚ ਇਲੈਕਟ੍ਰੋਨਿਕਸ ਦਾ ਬਹੁਤ ਵੱਡਾ ਬਾਜ਼ਾਰ ਹੈ ਤੇ ਇੱਥੇ ਕਈ ਦਫ਼ਤਰ ਹਨ। ਸ਼ੇਨਜ਼ੇਨ ਚੀਨ ਵਿੱਚ ਸਭ ਤੋਂ ਤੇਜ਼ੀ ਨਾਲ ਵਿਕਸਿਤ ਹੋ ਰਹੇ ਸ਼ਹਿਰਾਂ ‘ਚੋਂ ਇੱਕ ਹੈ। ਉੱਧਰ ਐਮਰਜੈਂਸੀ ਮੈਨੇਜਮੈਂਟ ਦੇ ਅਧਿਕਾਰੀ ਜਾਂਚ ‘ਚ ਲੱਗ ਗਏ ਹਨ ਕਿ ਇਮਾਰਤ ਦੇ ਝੂਲਣ ਦੀ ਕੀ ਵਜ੍ਹਾ ਹੈ। ਭੂਚਾਲ ‘ਤੇ ਨਜ਼ਰ ਰੱਖਣ ਵਾਲੀਆਂ ਕਈ ਸੰਸਥਾਵਾਂ ਵੱਲੋਂ ਮਿਲੇ ਡਾਟਾ ‘ਚ ਪਾਇਆ ਗਿਆ ਹੈ ਕਿ ਇਸ ਘਟਨਾ ਦੌਰਾਨ ਧਰਤੀ ‘ਚ ਕਿਸੇ ਤਰ੍ਹਾਂ ਦੇ ਭੂਚਾਲ ਦੇ ਝਟਕੇ ਮਹਿਸੂਸ ਨਹੀਂ ਹੋਏ ਹਨ।
