ਭਿਆਨਕ ਹਾਦਸਾ : ਚਾਰ ਕੌਮਾਂਤਰੀ ਖਿਡਾਰੀਆਂ ਦੀ ਹੋਈ ਮੌਤ, 3 ਜ਼ਖਮੀ

ਧਿਆਨਚੰਦ ਟ੍ਰਾਫੀ ਹਾਕੀ ਟੂਰਨਾਮੈਂਟ ਦੇ ਸੈਮੀਫਾਇਨਲ ਮੇਚ ਖੇਡਣ ਜਾ ਰਹੇ ਚਾਰ ਹਾਕੀ ਖਿਡਾਰੀ ਦੀ ਅੱਜ ਉਸ ਸਮੇਂ ਮੌਤ ਹੋ ਗਈ ਜਦੋਂ ਉਨ੍ਹਾਂ ਦੀ ਕਾਰ ਇੱਕ ਦਰੱਖਤ ਨਾਲ ਟਕਰਾ ਕੇ ਉਲਟ ਗਈ। ਇਸ ਭਿਆਨਕ ਸੜਕ ਹਾਦਸੇ ਦੌਰਾਨ ਚਾਰ ਖਿਡਾਰੀਆਂ ਦੀ ਮੌਕੇ ‘ਤੇ ਹੀ ਮੌਤ ਹੋਈ ਜਦੋਂ ਕਿ ਤਿੰਨ ਖਿਡਾਰੀ ਗੰਭੀਰ ਰੂਪ ਵਿੱਚ ਜ਼ਖਮੀ ਦੱਸੇ ਜਾਂਦੇ ਹਨ। ਇਸ ਸਬੰਧੀ ਪੁਸ਼ਟੀ ਕਰਦਿਆਂ ਹੋਸ਼ੰਗਾਬਾਦ ਦੇਹਾਤ ਥਾਣੇ ਦੇ ਮੁਖੀ ਆਸ਼ੀਸ਼ ਪੰਵਾਰ ਨੇ ਦੱਸਿਆ ਇਹ ਘਟਨਾ ਅੱਜ ਸਵੇਰ 7 ਵਜੇ ਦੇ ਕਰੀਬ ਦੀ ਹੈ।

ਜਾਣਕਾਰੀ ਮੁਤਾਬਿਕ ਥਾਣਾ ਮੁਖੀ ਨੇ ਕਿਹਾ ਕਿ ਮੁੱਢਲੀ ਜਾਂਚ ਤੋਂ ਇੰਝ ਲਗਦਾ ਹੈ ਕਿ ਗੱਡੀ ਅਨਿਯੰਤਰਨ ਹੋ ਕੇ ਦਰੱਖਤ ਨਾਲ ਟਕਰਾਉਣ ਨਾਲ ਪਲਟ ਗਈ। ਇਹ ਸਾਰੇ ਖਿਡਾਰੀ ਭੋਪਾਲ  ਦੇ ਮੱਧਪ੍ਰਦੇਸ ਹਾਕੀ ਅਕੈਡਮੀ ਦੇ ਖਿਡਾਰੀ ਦੱਸੇ ਜਾਂਦੇ ਹਨ। ਮ੍ਰਿਤਕ ਖਿਡਾਰੀਆਂ ਵਿੱਚ ਸ਼ਾਹਨਵਾਜ ਹੁਸੈਨ (ਇੰਦੌਰ), ਆਦਰਸ਼ ਹਰਦੂਆ (ਇਟਾਰਸੀ), ਅਸ਼ੀਸ਼ ਲਾਲ (ਜਬਲਪੁਰ) ਅਤੇ ਅਨਿਕੇਤ ਵਰੁਣ (ਗਵਾਲੀਅਰ) ਦੇ ਨਾਮ ਸ਼ਾਮਲ ਦੱਸੇ ਜਾਂਦੇ ਹਨ ਅਤੇ ਜ਼ਖਮੀ ਖਿਡਾਰੀਆਂ ਵਿੱਚ ਸ਼ਾਨ ਗਲੇਡਵਿਨ (22), ਸਾਹਿਲ ਚੌਰੇ (19) ਅਤੇ ਅਕਸ਼ੈ ਅਵਸਥੀ (18) ਸ਼ਾਮਲ ਹਨ।ਇਸ ਭਿਆਨਕ ਸੜਕ ਹਾਦਸੇ ‘ਤੇ ਮੱਧ ਪ੍ਰਦੇਸ ਦੇ ਮੁੱਖ ਮੰਤਰੀ ਨੇ ਵੀ ਦੁੱਖ ਜਾਹਰ ਕੀਤਾ ਹੈ।

होशंगाबाद में हॉकी टूर्नामेंट में शामिल होने जा रहे हॉकी खिलाड़ियों के वाहन की रैसलपुर गाँव के पास दुर्घटना होने की ख़बर बेहद दुखद।
दुर्घटना में मृत खिलाड़ियों के परिवारों के प्रति मेरी शोक संवेदनाएँ।
1/2

— Kamal Nath (@OfficeOfKNath) October 14, 2019