ਪੁਲਵਾਮਾ ਹਮਲਾ: ਜੈਸ਼ ਦੇ ਇਸ ਅੱਤਵਾਦੀ ਨੇ ਖੋਹ ਲਏ ਭਾਰਤ ਮਾਂ ਦੇ 44 ਸਪੂਤ

ਚੰਡੀਗੜ੍ਹ: ਕਸ਼ਮੀਰ ਤੋਂ ਸ੍ਰੀਨਗਰ ਜਾ ਰਹੀ ਸੀਆਰਪੀਐਫ ਦੀ 70 ਗੱਡੀਆਂ ਦੇ ਕਾਫਲੇ ‘ਤੇ ਕਸ਼ਮੀਰ ਦੇ ਪੁਲਵਾਮਾ ‘ਚ ਅੱਤਵਾਦੀਆਂ ਨੇ ਹਮਲਾ ਕਰ ਦਿੱਤਾ। ਹਮਲੇ ‘ਚ ਹੁਣ ਤੱਕ 40 ਤੋਂ ਵੱਧ ਜਵਾਨ ਸ਼ਹੀਦ ਹੋ ਗਏ ਹਨ ਅਤੇ 25 ਤੋਂ ਜਿਆਦਾ ਜ਼ਖਮੀ ਹਨ। ਇਸ ਕਾਫਲੇ ‘ਚ ਸੀਆਰਪੀਐਫ ਦੇ 2500 ਜਵਾਨ ਸ਼ਾਮਲ ਸਨ।

ਇਸ ਹਮਲੇ ਦੀ ਜ਼ਿਮੇਦਾਰੀ ਜੈਸ਼-ਏ-ਮੁਹੰਮਦ ਨੇ ਲਈ ਹੈ ਕਾਰ ਨਾਲ ਟੱਕਰ ਮਾਰਨ ਵਾਲਾ ਸਥਾਨਕ 21 ਸਾਲਾ ਦਹਿਸ਼ਤਗਰਦ ‘ਆਦਿਲ ਅਹਿਮਦ’ ਪਿਛਲੇ ਸਾਲ ਹੀ ਅਪ੍ਰੈਲ ਮਹੀਨੇ ’ਚ ਜੈਸ਼-ਏ-ਮੁਹੰਮਦ ਨਾਲ ਜੁੜਿਆ ਸੀ। ਜੈਸ਼-ਏ-ਮੁਹੰਮਦ ਨੇ ਇਸ ਹਮਲੇ ਦੀ ਜ਼ਿੰਮੇਵਾਰੀ ਲਈ ਹੈ।

ਹਮਲੇ ਤੋਂ ਪਹਿਲਾਂ ਆਦਿਲ ਨੇ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ ’ਤੇ ਪਾਈ ਸੀ। ਜਿਸ ਵੀਡੀਓ ਵਿੱਚ ਆਦਿਲ ਆਧੁਨਿਕ ਹਥਿਆਰਾਂ ਨਾਲ ਲੈਸ ਨਜ਼ਰ ਆ ਰਿਹਾ ਹੈ।

ਪੁਲਿਸ ਸੂਤਰਾਂ ਮੁਤਾਬਕ 10ਵੀਂ ਪਾਸ ਆਦਿਲ ‘ਸੀ ਕੈਟਾਗਰੀ’ ਦਾ ਦਹਿਸ਼ਤਗਰਦ ਸੀ। ਪਰਿਵਾਰ ਮੁਤਾਬਕ ਉਹ ਪਿਛਲੇ ਸਾਲ ਘਰੋਂ ਚਲਾ ਗਿਆ ਸੀ ਅਤੇ ਉਸ ਤੋਂ ਬਾਅਦ ਪਰਿਵਾਰ ਨਾਲ ਉਸ ਦਾ ਕੋਈ ਸੰਪਰਕ ਨਹੀਂ ਰਿਹਾ ਸੀ। ਵਿਡੀੳ ‘ਚ ‘ਆਦਿਲ’ ਵੱਲੋਂ ਕਿਹਾ ਗਿਆ ਕਿ, ”ਬਹੁਤ ਹੀ ਜਲਦ ਉਸਨੂੰ ਜਿੱਤ ਪ੍ਰਾਪਤ ਹੋਵੇਗੀ।” ਵੀਡੀੳ ਦੇ ਬੋਲਾਂ ਤੋਂ ਸਾਫ ਪਤਾ ਲੱਗ ਰਿਹਾ ਹੈ ਕਿ ਕਿਵੇਂ ਇਸ 21 ਸਾਲਾ ਦਹਿਸ਼ਤਗਰਦ ਦਾ ਦਿਮਾਗ ਕਾਬੂ ਕਰ ਇਸਨੂੰ ਅਤਵਾਦੀਆਂ ਵੱਲੋਂ ਵਰਤਿਆ ਗਿਆ ਹੈ।