Home / North America / ਜੱਜ ਨੇ ਬਲਾਤਕਾਰ ਪੀੜਤਾ ਨੂੰ ਪੁੱਛੇ ਅਜਿਹੇ ਬੇਹੁਦਾ ਸਵਾਲ, ਸਜ਼ਾ ਦੀ ਹੋਈ ਸਿਫਾਰਿਸ਼

ਜੱਜ ਨੇ ਬਲਾਤਕਾਰ ਪੀੜਤਾ ਨੂੰ ਪੁੱਛੇ ਅਜਿਹੇ ਬੇਹੁਦਾ ਸਵਾਲ, ਸਜ਼ਾ ਦੀ ਹੋਈ ਸਿਫਾਰਿਸ਼

ਨਿਊ ਜਰਸੀ: ਅਜਿਹੇ ਮਾਮਲੇ ਬਹੁਤ ਘੱਟ ਹੀ ਸਾਹਮਣੇ ਆਉਂਦੇ ਹਨ ਜਿਸ ਵਿੱਚ ਮੁਲਜ਼ਮਾਂ ਨੂੰ ਸਜ਼ਾ ਸੁਣਾਉਣ ਵਾਲੇ ਜੱਜ ਨੂੰ ਹੀ ਸਜ਼ਾ ਸੁਣਾਈ ਜਾਵੇ ਅਜਿਹਾ ਹੀ ਇੱਕ ਮਾਮਲਾ ਅਮਰੀਕਾ ਦੇ ਨਿਊਜਰਸੀ ਤੋਂ ਸਾਹਮਣੇ ਆਇਆ ਹੈ ਜਿੱਥੇ ਨੈਤਿਕਤਾ ਕਮੇਟੀ ਨੇ ਇੱਕ ਜੱਜ ਨੂੰ ਤਿੰਨ ਮਹੀਨੇ ਲਈ ਬਿਨਾਂ ਸੈਲਰੀ ਤੋਂ ਸਸਪੈਂਡ ਕਰਨ ਦਾ ਸੁਝਾਅ ਦਿੱਤਾ ਹੈ। ਨਿਊ ਜਰਸੀ ਦੇ ਇਸ ਜੱਜ ਨੇ ਇੱਕ ਮਹਿਲਾ ਤੋਂ ਯੋਨ ਸ਼ੋਸ਼ਣ ਤੋਂ ਬਚਣ ਲਈ ‘ਆਪਣੀਆ ਲੱਤਾਂ ਨੂੰ ਬੰਦ ਕਰਨ’ ਵਰਗਾ ਸਵਾਲ ਪੁੱਛਿਆ ਸੀ। ਇਸ ਕਮੇਟੀ ਨੇ ਸੁਪੀਰੀਅਰ ਕੋਰਟ ਦੇ ਜੱਜ ਜੋਨ ਰੂਸੋ ਦੇ ਮਾਮਲੇ ‘ਚ ਬੁੱਧਵਾਰ ਨੂੰ ਆਪਣੀ ਸਿਫਾਰਸ਼ਾਂ ਰਾਜ ਦੇ ਸੁਪਰੀਮ ਕੋਰਟ ਦੇ ਸਾਹਮਣੇ ਰੱਖੀਆ। ਜੋਨ ਰੂਸਾ ਸਾਉਥ ਨਿਊ ਜਰਸੀ ਦੇ ਓਸਨ ਕਾਉਂਟੀ ਬੈਂਚ ਵਿੱਚ ਜੱਜ ਹਨ 2017 ਵਲੋਂ ਉਹ ਪ੍ਰਬੰਧਕੀ ਛੁੱਟੀ ‘ਤੇ ਹਨ । 2016 ਵਿੱਚ ਮਹਿਲਾ ਰੂਸੋ ਦੇ ਸਾਹਮਣੇ ਪੇਸ਼ ਹੋਈ ਸੀ ਤੇ ਪੀੜਤਾ ਨੇ ਬਲਾਤਕਾਰੀ ਖਿਲਾਫ ਹਿਰਾਸਤੀ ਆਦੇਸ਼ ਦੀ ਮੰਗ ਕੀਤੀ ਸੀ। ਕੋਰਟ ‘ਚ ਹੋਈ ਗੱਲਬਾਤ ਦੇ ਰਿਕਾਰਡ ਦੇ ਮੁਤਾਬਕ ਜਦੋਂ ਮਹਿਲਾ ਨੇ ਵਿਅਕਤੀ ਨਾਲ ਆਪਣੀ ਮੁਲਾਕਾਤ ਦਾ ਜ਼ਿਕਰ ਕੀਤਾ ਤਾਂ ਉਸ ਵੇਲੇ ਰੂਸੋ ਨੲ ਪੁੱਛਿਆ, ਕੀ ਤੈਨੂੰ ਪਤਾ ਹੈ ਕਿ ਕਿਸੇ ਨੂੰ ਆਪਣੇ ਨਾਲ ਸਬੰਧ ਬਨਾਉਣ ਤੋਂ ਕਿਵੇਂ ਰੋਕਣਾ ਹੈ? ਜਦੋਂ ਮਹਿਲਾ ਨੇ ਹਾਂ ਵਿੱਚ ਜਵਾਬ ਦਿੱਤਾ ਤਾਂ ਰੂਸੋ ਨੇ ਕਿਹਾ, ਕੀ ਤੂੰ ਆਪਣੀਆਂ ਲੱਤਾਂ ਬੰਦ ਕੀਤੀਆਂ ? ਪੁਲਿਸ ਨੂੰ ਬੁਲਾਇਆ ? ਕੀ ਤੂੰ ਇਹਨਾਂ ਵਿੱਚੋਂ ਕੋਈ ਵੀ ਕੰਮ ਕੀਤਾ ? ਕੋਰਟ ਦੀ ਕਾਰਵਾਈ ਅਤੇ ਸੁਣਵਾਈ ਦੌਰਾਨ, ਰੂਸੋ ਨੇ ਕਾਨੂੰਨੀ ਨਿਯਮਾਂ ਦੀ ਉਲੰਘਣਾ ਕੀਤੀ । ਉਨ੍ਹਾਂਨੇ ਕਿਹਾ ਕਿ ਉਹ ਜ਼ਿਆਦਾ ਜਾਣਕਾਰੀ ਪਾਉਣਾ ਚਾਹੁੰਦੇ ਸਨ ਅਤੇ ਮਹਿਲਾ ਨੂੰ ਅਪਮਾਨਿਤ ਕਰਨ ਦੀ ਕੋਸ਼ਿਸ਼ ਨਹੀਂ ਕਰ ਰਹੇ ਸਨ। ਪੈਨਲ ਨੇ ਬੁੱਧਵਾਰ ਨੂੰ ਕਿਹਾ , ਰੂਸੋ ਦਾ ਰਵਈਆ ਨਾ ਸਿਰਫ ਬੇਲੋੜਾ ਤੇ ਅਨੁਚਿਤ ਸੀ ਸਗੋਂ ਪੀੜਤਾ ਨਾਲ ਉਨ੍ਹਾਂ ਸਵਾਲਾਂ ਦਾ ਪੁੱਛਿਆ ਜਾਣਾ ਬੇਹੱਦ ਖ਼ਰਾਬ ਸੀ। ਜੁਲਾਈ ਵਿੱਚ ਇਸ ਮਾਮਲੇ ਦੀ ਆਖਰੀ ਸੁਣਵਾਈ ਹੋਵੇਗੀ ਅਤੇ ਰੂਸੋ ਨੂੰ ਪੈਨਲ ਦੀ ਸਿਫਾਰਿਸ਼ ‘ਤੇ ਪ੍ਰਤੀਕਿਰਆ ਦੇਣ ਦਾ ਮੌਕਾ ਮਿਲੇਗਾ।

Check Also

 ਟਰੰਪ ਨੇ ਕਿਹੜੀਆਂ ਤੋੜੀਆਂ ਹਨ ਅਮਰੀਕਾ ਦੀਆਂ ਪਰੰਪਰਾਵਾਂ; ਡੇਢ ਸੌ ਸਾਲ ਪੁਰਾਣਾ ਇਤਿਹਾਸ ਦੁਹਰਾਇਆ

ਵਰਲਡ ਡੈਸਕ: ਡੋਨਾਲਡ ਟਰੰਪ ਨੇ ਹੁਣ ਸਾਬਕਾ ਰਾਸ਼ਟਰਪਤੀ ਵਜੋਂ ਅਮਰੀਕੀ ਇਤਿਹਾਸ ’ਚ ਦਾਖਲ ਹੋ ਗਿਆ …

Leave a Reply

Your email address will not be published. Required fields are marked *