ਦੁਬਈ : ਆਬੂਧਾਬੀ ਦੇ ਕ੍ਰਾਊਨ ਪ੍ਰਿੰਸ ਸ਼ੇਖ ਮੁਹੰਮਦ ਬਿਨ ਜਾਇਦ ਅਲ ਨਹਯਾਨ ਨੇ ਮਸ਼ਹੂਰ ਭਾਰਤੀ ਕਾਰੋਬਾਰੀ ਯੂਸੁਫ ਅਲੀ ਐਮਏ ਨੂੰ ਸਰਕਾਰ ਦੇ ਸਰਵਉੱਚ ਸੰਗਠਨ ‘ਚ ਉਪ ਮੁੱਖੀ ਨਿਯੁਕਤ ਕੀਤਾ ਹੈ। ਇਹ ਸੰਗਠਨ ਯੂਏਈ ਦੇ ਸਾਰੇ ਕਾਰੋਬਾਰਾਂ ਦੀ ਨਿਗਰਾਨੀ ਕਰਦਾ ਹੈ। 29 ਮੈਂਬਰੀ ਇਸ ਬੋਰਡ ‘ਚ ਸ਼ਾਮਲ ਕੀਤੇ ਜਾਣ ਵਾਲੇ ਉਹ ਇਕੱਲੇ ਭਾਰਤੀ ਹਨ।
65 ਸਾਲਾ ਯੂਸੁਫ ਅਲੀ ਆਬੂਧਾਬੀ ਸਥਿਤ ਲੁਲੁ ਗਰੁੱਪ ਦੇ ਮੁਖੀ ਤੇ ਮੈਨੇਜਿੰਗ ਡਾਇਰੈਕਟਰ ਹਨ। ਇਹ ਕੰਪਨੀ ਕਈ ਦੇਸ਼ਾਂ ‘ਚ ਹਾਈਪਮਾਰਕਿਟ ਤੇ ਰਿਟੇਲ ਕੰਪਨੀਆਂ ਦਾ ਸੰਚਾਲਨ ਕਰਦੀ ਹੈ। ਕ੍ਰਾਊਨ ਪ੍ਰਿੰਸ ਸ਼ੇਖ ਮੁਹੰਮਦ ਨੇ ਆਬੁਧਾਬੀ ਚੈਂਬਰ ਆਫ ਦਾ ਮਰਸ ਐਂਡ ਇੰਡਸਟਰੀ (ਏਡੀਸੀਸੀਆਈ) ਦੇ ਡਾਇਰੈਕਟਰ ਨੂੰ ਇੱਕ ਨਵੇਂ ਬੋਰਡ ਦੇ ਗਠਨ ਦੀ ਤਜਵੀਜ਼ ਜਾਰੀ ਕੀਤੀ ਸੀ।
ਏਡੀਸੀਸੀਆਈ ਦੇ ਮੁਖੀ ਅਬਦੁੱਲਾ ਮੁਹੰਮਦ ਅਲਮਜਰੋਈ ਤੇ ਯੂਸੁਫਅਲੀ ਉਪ ਮੁਖੀ ਨਿਯੁਕਤ ਕੀਤੇ ਗਏ ਹਨ।
ਏਡੀਸੀਸੀਆਈ ਆਬੂਧਾਬੀ ‘ਚ ਸਥਾਪਿਤ ਸਾਰੇ ਕਾਰੋਬਾਰਾਂ ਦਾ ਸੰਗਠਨ ਹੈ। ਇਹ ਖਿੱਤੇ ਦਾ ਸਭ ਤੋਂ ਰਈਸ ਰਸੂਖ ਵਾਲਾ ਸੰਗਠਨ ਹੈ। ਇੱਥੋਂ ਦੇ ਸਾਰੇ ਅਸਰਦਾਰ ਤੇ ਵੱਡੇ ਕਾਰੋਬਾਰਾਂ ਨੂੰ ਏਡੀਸੀਸੀਆਈ ਤੋਂ ਹੀ ਲਾਇਸੈਂਸ ਲੈਣਾ ਪੈਂਦਾ ਹੈ।
