ਨਿਊਜ਼ ਡੈਸਕ: ਇਹ ਗੱਲ ਤਾਂ ਸੁਣੀ ਹੋਵੇਗੀ ਝੂਠ ਹਮੇਸ਼ਾਂ ਨਹੀਂ ਰਹਿੰਦਾ ਕਦੀ ਨਾ ਕਦੀ ਸੱਚ ਸਾਹਮਣੇ ਆ ਜਾਂਦਾ ਹੈ। ਐਸੈਕਸ ਦੀ ਰਹਿਣ ਵਾਲੀ ਕੈਥੀ ਰਿਚਰਡਸਨ ਨਾਂ ਦੀ 35 ਸਾਲਾ ਔਰਤ ਨੇ 2 ਵਿਅਕਤੀਆਂ ‘ਤੇ 10 ਵਾਰ ਬਲਾਤਕਾਰ ਕਰਨ ਦਾ ਦੋਸ਼ ਲਾਇਆ ਸੀ। ਪਰ ਬਾਅਦ ਵਿਚ ਪੁਲਿਸ ਦੀ ਜਾਂਚ ਵਿਚ ਪਤਾ ਲੱਗਾ ਕਿ ਇਹ ਸਾਰੇ ਦੋਸ਼ ਝੂਠੇ ਸਨ।
ਸਥਾਨਕ ਪੁਲਿਸ ਮੁਤਾਬਕ ਔਰਤ ਦੇ ਦੋਸ਼ਾਂ ਦੀ ਜਾਂਚ ਲਈ ਪੁਲਿਸ ਵਿਭਾਗ ਦੀਆਂ ਕਈ ਟੀਮਾਂ ਕਰੀਬ 60 ਵਾਰ ਸਰਗਰਮ ਹੋਈਆਂ। ਇਸ ਦੌਰਾਨ ਔਰਤ ਦੇ ਦੋਸ਼ਾਂ ਦੀ ਜਾਂਚ ਲਈ ਫੋਰੈਂਸਿਕ ਜਾਂਚ ਕਰਕੇ ਇਕੱਠੇ ਕੀਤੇ ਸਬੂਤਾਂ ਤੋਂ ਸੱਚਾਈ ਦਾ ਪਤਾ ਲੱਗਿਆ ਹੈ। ਰਿਪੋਰਟ ਦੇ ਅਨੁਸਾਰ, ਜਾਂਚ ਅਧਿਕਾਰੀਆਂ ਨੇ ਪਾਇਆ ਕਿ ਸੀਸੀਟੀਵੀ, ਫੋਨ ਡੇਟਾ ਅਤੇ ਆਟੋਮੈਟਿਕ ਨੰਬਰ ਪਲੇਟ ਰਿਕਗਨੀਸ਼ਨ (ਏਐਨਪੀਆਰ) ਕੈਮਰਿਆਂ ਤੋਂ ਮਿਲੀ ਜਾਣਕਾਰੀ ਤੋਂ ਪਤਾ ਲੱਗਿਆ ਹੈ ਕਿ ਕਥਿਤ ਦੋਸ਼ੀ ਉਸ ਸਮੇਂ ਖੇਤਰ ਵਿੱਚ ਦੂਰ-ਦੂਰ ਤੱਕ ਨਜ਼ਰ ਨਹੀਂ ਆ ਰਹੇ ਸਨ। ਇਸ ਦੇ ਬਾਵਜੂਦ ਦੋਸ਼ ਲਗਾਉਣ ਵਾਲੀ ਔਰਤ ਆਪਣੇ ਬਿਆਨ ‘ਤੇ ਕਾਇਮ ਰਹੀ।
ਪਿਛਲੇ ਸਾਲ 28 ਮਈ 2021 ਨੂੰ ਸਥਾਨਕ ਪੁਲਿਸ ਨੇ ਦੋਸ਼ੀ ਔਰਤ ਰਿਚਰਡਸਨ ਨੂੰ ਗ੍ਰਿਫਤਾਰ ਕਰਕੇ ਅਦਾਲਤ ‘ਚ ਪੇਸ਼ ਕੀਤਾ ਸੀ। ਹੁਣ ਉਸੇ ਝੂਠੇ ਕੇਸ ਵਿੱਚ ਔਰਤ ਨੂੰ ਪੰਜ ਸਾਲ ਇੱਕ ਮਹੀਨੇ ਦੀ ਸਖ਼ਤ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਇਸ ਅਪਰਾਧ ਦੀ ਜਾਂਚ ਟੀਮ ਦੀ ਅਗਵਾਈ ਕਰ ਰਹੇ ਪੁਲਿਸ ਅਧਿਕਾਰੀ ਨੇ ਕਿਹਾ, ‘ਬੇਕਸੂਰਾਂ ਨੂੰ ਬਚਾਉਣਾ ਵੀ ਸਾਡਾ ਕੰਮ ਹੈ।ਉਨ੍ਹਾਂ ਕਿਹਾ ਕਿ ਜਦੋਂ ਵੀ ਬਲਾਤਕਾਰ ਜਾਂ ਜਿਨਸੀ ਸ਼ੋਸ਼ਣ ਦਾ ਮਾਮਲਾ ਆਉਂਦਾ ਹੈ, ਉਨ੍ਹਾਂ ਦਾ ਧਿਆਨ ਪੀੜਤ ਯਾਨੀ ਦੋਸ਼ੀ ‘ਤੇ ਹੁੰਦਾ ਹੈ। ਇਸ ਦੇ ਬਾਵਜੂਦ ਉਹ ਹੋਰ ਪਹਿਲੂਆਂ ਨੂੰ ਨਜ਼ਰਅੰਦਾਜ਼ ਨਹੀਂ ਕਰਦੇ। ਕਿਉਂਕਿ ਬਲਾਤਕਾਰ ਉਹ ਭਿਆਨਕ ਅਪਰਾਧ ਹੈ, ਜਿਸ ਦਾ ਪੀੜਤ ਦੇ ਮਨ ‘ਤੇ ਡੂੰਘਾ ਪ੍ਰਭਾਵ ਪੈਂਦਾ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
