ਵਰੁਣ ਧਵਨ ਨਾਲ ਵੱਡੇ ਪਰਦੇ ‘ਤੇ ਨਜ਼ਰ ਆ ਸਕਦੀ ਹੈ ਪਲਕ ਤਿਵਾਰੀ

ਮੁੰਬਈ- ਟੀਵੀ ਦੀ ਪ੍ਰੇਰਨਾ ਯਾਨੀ ਸ਼ਵੇਤਾ ਤਿਵਾਰੀ ਦੀ ਧੀ ਪਲਕ ਤਿਵਾਰੀ ਇਨ੍ਹੀਂ ਦਿਨੀਂ ਚਰਚਾ ਵਿੱਚ ਬਣੀ ਹੋਈ ਹੈ। ਉਨ੍ਹਾਂ ਨੇ ਇੰਡਸਟਰੀ ‘ਚ ਕਦਮ ਰੱਖਦੇ ਹੀ ਸਾਰਿਆਂ ‘ਤੇ ਆਪਣਾ ਜਾਦੂ ਚਲਾ ਦਿੱਤਾ ਹੈ। ਉਨ੍ਹਾਂ ਨੇ ਆਪਣੇ ਸਟਾਈਲ ਅਤੇ ਗਲੈਮਰ ਨਾਲ ਤਾਂ ਸਾਰੀਆਂ ਨੂੰ ਹੈਰਾਨ ਕੀਤਾ ਹੀ ਹੈ, ਹੁਣ ਉਸਦਾ ਇੱਕ ਵੀਡੀਓ ਵੀ ਵਾਇਰਲ ਹੋ ਰਿਹਾ ਹੈ, ਜਿਸ ਵਿੱਚ ਉਹ ਅਭਿਨੇਤਾ ਵਰੁਣ ਧਵਨ ਨਾਲ ਨਜ਼ਰ ਆ ਰਹੀ ਹੈ।

ਹਾਲ ਹੀ ‘ਚ ਪਲਕ ਤਿਵਾਰੀ ਨੇ ‘ਬਿਜਲੀ’ ਗੀਤ ਨਾਲ ਡੈਬਿਊ ਕੀਤਾ ਸੀ, ਜਿਸ ਤੋਂ ਬਾਅਦ ਲੋਕ ਉਸ ਨੂੰ ‘ਬਿਜਲੀ ਗਰਲ’ ਦੇ ਨਾਂ ਨਾਲ ਬੁਲਾਉਣ ਲੱਗੇ ਹਨ। ਹੁਣ ਉਸ ਦੀ ਇੱਕ ਵੀਡੀਓ ਜੋ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਉਹ ਵਰੁਣ ਧਵਨ ਨਾਲ ਤਾਲ ਤੋਂ ਤਾਲ ਮਿਲਾ ਰਹੀ ਹੈ। ਪਲਕ ਅਤੇ ਵਰੁਣ ਦਾ ਇਹ ਡਾਂਸ ਵੀਡੀਓ ਕਿਸੇ ਸੈੱਟ ਦਾ ਲੱਗ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਕਿਆਸ ਲਗਾਏ ਜਾ ਰਹੇ ਹਨ ਕਿ ਦੋਵੇਂ ਜਲਦ ਹੀ ਕਿਸੇ ਗੀਤ ਜਾਂ ਫਿਲਮ ‘ਚ ਇਕੱਠੇ ਨਜ਼ਰ ਆਉਣਗੇ।

ਵੀਡੀਓ ‘ਚ ਪਲਕ ਤਿਵਾਰੀ ਨੂੰ ਲਾਲ ਰੰਗ ਦੀ ਸ਼ਾਰਟ ਡਰੈੱਸ ‘ਚ ਬੇਹੱਦ ਗਲੈਮਰਸ ਨਜ਼ਰ ਆ ਰਹੀ ਹੈ। ਇਸ ਦੇ ਨਾਲ ਹੀ ਵਰੁਣ ਧਵਨ ਵੀ ਕੂਲ ਡੂਡ ਦੇ ਰੂਪ ‘ਚ ਉਨ੍ਹਾਂ ਨਾਲ ਕੈਜ਼ੂਅਲ ਜੈਕੇਟ ਅਤੇ ਜੀਨਸ ‘ਚ ਨਜ਼ਰ ਆ ਰਹੇ ਹਨ। ਵੀਡੀਓ ‘ਚ ਪਲਕ ਤਿਵਾਰੀ ਅਤੇ ਵਰੁਣ ਧਵਨ ਗੀਤ ਦੀ ਧੁਨ ‘ਤੇ ਜ਼ਬਰਦਸਤ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ।

ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਪ੍ਰਸ਼ੰਸਕ ਖੁਸ਼ੀ ਨਾਲ ਝੂਮ ਉੱਠੇ ਹਨ ਅਤੇ ਉਨ੍ਹਾਂ ਦੇ ਕਿਸੇ ਮਿਊਜ਼ਿਕ ਵੀਡੀਓ ਦਾ ਇੰਤਜ਼ਾਰ ਕਰ ਰਹੇ ਹਨ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਜਿੱਥੇ ਵਰੁਣ ਧਵਨ ‘ਭੇਡੀਆ’, ‘ਜੁਗ ਜੁਗ ਜੀਓ’ ਵਰਗੀਆਂ ਫਿਲਮਾਂ ‘ਚ ਨਜ਼ਰ ਆਉਣ ਵਾਲੇ ਹਨ। ਇਸ ਦੇ ਨਾਲ ਹੀ ਪਲਕ ਤਿਵਾਰੀ ਫਿਲਮ ‘ਰੋਜ਼ੀ’ ਰਾਹੀਂ ਬਾਲੀਵੁੱਡ ‘ਚ ਡੈਬਿਊ ਕਰਨ ਜਾ ਰਹੀ ਹੈ।