ਨਿਊਯਾਰਕ : ਅਮਰੀਕੀ ਰਿਪਬਲਿਕਨ ਸੈਨੇਟਰ ਲਿੰਡਸੇ ਗ੍ਰਾਹਮ ਇੱਕ ਵੱਡਾ ਬਿਆਨ ਦਿੰਦਿਆਂ ਨੇ ਕਿਹਾ ਹੈ ਕਿ ਰੂਸ ‘ਚ ਕਿਸੇ ਨੂੰ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦਾ ਕਤਲ ਕਰ ਦੇਣਾ ਚਾਹੀਦਾ ਹੈ। ਲਿੰਡਸੇ ਗ੍ਰਾਹਮ ਨੇ ਇੱਕ ਇੰਟਰਵਿਊ ਦੌਰਾਨ ਕਿਹਾ, ‘ਕੀ ਰੂਸ ‘ਚ ਬਰੂਟਸ ਹੈ? ਕੀ ਰੂਸੀ ਫੌਜ ਵਿੱਚ ਇੱਕ ਹੋਰ ਕਰਨਲ ਸਟੌਫੇਨਬਰਗ ਹੈ? ਇਸ ਜੰਗ ਨੂੰ ਖਤਮ ਕਰਨ ਦਾ ਇੱਕੋ ਇੱਕ ਤਰੀਕਾ ਹੈ, ਰੂਸ ‘ਚ ਕਿਸੇ ਨੂੰ ਇਸ ਵਿਅਕਤੀ ਨੂੰ ਬਾਹਰ ਕੱਢਣਾ ਪਵੇਗਾ।’
ਦੱਖਣੀ ਕੈਰੋਲੀਨਾ ਤੋਂ ਰਿਪਬਲਿਕਨ ਸੰਸਦ ਮੈਂਬਰ ਲਿੰਡਸੇ ਨੇ ਕਿਹਾ ਕਿ ਜੇਕਰ ਅਜਿਹਾ ਕੀਤਾ ਜਾਂਦਾ ਹੈ ਤਾਂ ਇਹ ਦੇਸ਼ ਅਤੇ ਦੁਨੀਆ ਦੀ ਬਹੁਤ ਵੱਡੀ ਸੇਵਾ ਹੋਵੇਗੀ। ਇਹ ਕੰਮ ਸਿਰਫ਼ ਰੂਸੀ ਲੋਕ ਹੀ ਕਰ ਸਕਦੇ ਹਨ, ਕਹਿਣਾ ਅਸਾਨ ਹੈ ਪਰ ਕਰਨਾ ਮੁਸ਼ਕਲ ਹੈ।’
— Lindsey Graham (@LindseyGrahamSC) March 4, 2022
ਲਿੰਡਸੇ ਨੇ ਇਹ ਗੱਲਾਂ ਇੱਕ ਚੈਨਲ ਦੇ ਨਾਲ ਲਾਈਵ ਪ੍ਰੋਗਰਾਮ ‘ਚ ਕਹੀਆਂ। ਇਸ ਤੋਂ ਇਲਾਵਾ ਨੇ ਵੀ ਕਿਹਾ ਕਿ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਪੁਤਿਨ ਨੂੰ ਪ੍ਰਤਿਭਾਸ਼ਾਲੀ ਕਹਿਣਾ ਇੱਕ ਵੱਡੀ ਗਲਤੀ ਸੀ।
ਦੱਸਣਯੋਗ ਹੈ ਕਿ ਬਰੂਟਸ ਨੇ ਇੱਕ ਰੋਮਨ ਜਨਰਲ ਦਾ ਕਤਲ ਕੀਤਾ ਸੀ, ਜਦਕਿ ਸਟੌਫੇਨਬਰਗ ਨੇ ਹਿਟਲਰ ਦਾ ਕਤਲ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
