ਲੰਡਨ: ਕਾਰਟੂਨ ਕਿਰਦਾਰ ਬੱਚਿਆਂ ਦੇ ਮਨੋਰੰਜਨ ਲਈ ਹੁੰਦੇ ਹਨ ਪਰ ਕੁਝ ਨੁਕਸਾਨਦਾਇਕ ਵੀ ਹੋ ਸਕਦੇ ਹਨ। ਬ੍ਰਿਟੇਨ ਦੀ ਪੁਲਿਸ ਨੇ ਅਜਿਹੇ ਹੀ ਇਕ ਕਾਰਟੂਨ ਕਿਰਦਾਰ ਨੂੰ ਲੈ ਕੇ ਅਲਰਟ ਜਾਰੀ ਕੀਤਾ ਹੈ। ਪੁਲਿਸ ਨੇ ਮਾਪਿਆਂ ਨੂੰ ‘ਹੱਗੀ ਵੱਗੀ’ ਨਾਮ ਦੇ ਕਾਰਟੂਨ ਕਿਰਦਾਰ ਤੋਂ ਸੁਚੇਤ ਰਹਿਣ ਲਈ ਕਿਹਾ ਹੈ।
ਰਿਪੋਰਟ ਮੁਤਾਬਕ ਇਹ ਕਾਰਟੂਨ ਕਰੈਕਟਰ ਨੁਕਸਾਨਦੇਹ ਨਹੀਂ ਲੱਗਦਾ, ਸਗੋਂ ਖਤਰਨਾਕ ਕਿਰਦਾਰ ਹੈ। ਜੋ ਬੱਚਿਆਂ ਨੂੰ ਆਪਣੇ ਜੰਪਿੰਗ ਤਰੀਕਿਆਂ ਨਾਲ ਰੋਮਾਂਚਿਤ ਕਰਦਾ ਹੈ । ਇਸ ਤੋਂ ਪ੍ਰੇਰਿਤ ਹੋ ਕੇ ਅਜਿਹਾ ਕਰਨ ਨਾਲ ਰੀੜ੍ਹ ਦੀ ਹੱਡੀ ਨੂੰ ਨੁਕਸਾਨ ਪਹੁੰਚ ਸਕਦਾ ਹੈ।
ਇਹ ਕਾਰਟੂਨ ਚਰਿੱਤਰ 2021 ਵਿੱਚ ਲਾਂਚ ਕੀਤਾ ਗਿਆ ਸੀ। ਇਹ ਤਿੱਖੇ ਦੰਦਾਂ ਅਤੇ ਘੁੰਗਰਾਲੇ ਵਾਲਾਂ ਵਾਲਾ ਨੀਲਾ ਰਿੱਛ ਹੈ ਅਤੇ ਕਾਰਟੂਨ ਸ਼ੋਅ ਪੋਪੀ ਪਲੇਟਾਈਮ ਵਿੱਚ ਦਿਖਾਈ ਦਿੰਦਾ ਹੈ।ਇਸ ਬਾਰੇ ਯੂਨਾਈਟਿਡ ਕਿੰਗਡਮ ਦੀ ਦੱਖਣੀ-ਪੱਛਮੀ ਇੰਗਲੈਂਡ ਪੁਲਿਸ ਨੇ ਚੇਤਾਵਨੀ ਦਿੱਤੀ ਹੈ ਕਿ ਮਾਪੇ ਆਪਣੇ ਬੱਚਿਆਂ ਨੂੰ ਇਸ ਕਿਰਦਾਰ ਦੀ ਵੀਡੀਓ ਦੇਖਣ ਤੋਂ ਰੋਕਣ।
ਪੁਲਿਸ ਦਾ ਕਹਿਣਾ ਹੈ ਕਿ ਇਨ੍ਹਾਂ ਵੀਡੀਓਜ਼ ਨੂੰ ਦੇਖਣ ਤੋਂ ਬਾਅਦ ਬੱਚਿਆਂ ਵਿੱਚ ਮਾੜਾ ਪ੍ਰਭਾਵ ਪੈ ਸਕਦਾ ਹੈ। ਇਨ੍ਹਾਂ ਵਿੱਚ ਬੱਚਿਆਂ ਦਾ ਡਰਨਾ, ਪਰੇਸ਼ਾਨ ਹੋਣਾ ਅਤੇ ਭਿਆਨਕ ਸੁਪਨੇ ਆਉਣਾ ਆਦਿ ਸ਼ਾਮਲ ਹਨ। ਇਸ ਪਾਤਰ ਵਿੱਚ ਇੱਕ ਡਰਾਉਣੀ ਵੀਡੀਓ ਗੇਮ ਵੀ ਹੈ। PEGI12 ਰੇਟਿੰਗ ਵਾਲੀ ਇਹ ਗੇਮ ਐਪ ਅਤੇ ਐਂਡ੍ਰਾਇਡ ਸਟੋਰ ‘ਤੇ ਉਪਲਬਧ ਹੈ।
