ਵਾਸ਼ਿੰਗਟਨ: ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਆਪਣਾ ਖੁਦ ਦਾ ਸੋਸ਼ਲ ਮੀਡੀਆ ਪਲੇਟਫਾਰਮ ਬਣਾਉਣ ਦਾ ਐਲਾਨ ਕੀਤਾ ਹੈ। ਟਰੰਪ ਨੇ ਇਸ ਸੋਸ਼ਲ ਮੀਡੀਆ ਪਲੇਟਫਾਰਮ ਦਾ ਨਾਮ ਟਰੁੱਥ ਸੋਸ਼ਲ ਰੱਖ ਦਿੱਤਾ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਸ ਨੂੰ ਸਾਲ 2022 ਦੀ ਸ਼ੁਰੂਆਤ ‘ਚ ਲਾਂਚ ਕਰ ਦਿੱਤਾ ਜਾਵੇਗਾ। ਟਰੰਪ ਦਾ ਇਹ ਬਿਆਨ ਫੇਸਬੁੱਕ ਤੇ ਟਵਿੱਟਰ ਵਲੋਂ ਉਨ੍ਹਾਂ ਦੇ ਅਕਾਊਂਟ ਤੋਂ ਬੈਨ ਨਾਂ ਹਟਾਉਣ ਤੋਂ ਬਾਅਦ ਆਇਆ ਹੈ।
ਰਿਪੋਰਟਾਂ ਮੁਤਾਬਕ ਇਸ ਸੋਸ਼ਲ ਮੀਡੀਆ ਪਲੇਟਫਾਰਮ ਨੂੰ ਟਰੰਪ ਮੀਡੀਆ ਐਂਡ ਟੈਕਨਾਲੌਜੀ ਗਰੁੱਪ ਬਣਾ ਰਹੀ ਹੈ। ਗਰੁੱਪ ਨੇ ਕਿਹਾ ਕਿ ਉਹ ਵਰਤਮਾਨ ਲਿਬਰਲ ਮੀਡੀਆ ਸੰਘ ਦਾ ਵਿਰੋਧੀ ਸੋਸ਼ਲ ਮੀਡੀਆ ਨੈਟਵਰਕ ਤਿਆਰ ਕਰੇਗੀ ਅਤੇ ਸਿਲੀਕੌਨ ਵੈਲੀ ਦੀ ਦਿੱਗਜ ਟੈਕ ਕੰਪਨੀਆਂ ਦਾ ਮੁਕਾਬਲਾ ਕਰੇਗੀ।
ਟਰੰਪ ਨੇ ਇਸ ਐਲਾਨ ’ਤੇ ਕਿਹਾ, ਮੈਂ ਟਰੁੱਥ ਸੋਸ਼ਲ ਅਤੇ ਟੀਐਮਟੀਜੀ ਦਾ ਗਠਨ ਵੱਡੀ ਕੰਪਨੀਆਂ ਦੇ ਅੱਤਿਆਚਾਰ ਦੇ ਖ਼ਿਲਾਫ਼ ਖੜ੍ਹੇ ਹੋਣ ਦੇ ਲਈ ਕੀਤਾ ਹੈ। ਅਸੀਂ ਅਜਿਹੀ ਦੁਨੀਆ ‘ਚ ਰਹਿ ਰਹੇ ਹਾਂ ਜਿੱਥੇ ਤਾਲਿਬਾਨ ਦੀ ਟਵਿਟਰ ’ਤੇ ਵੱਡੇ ਪੱਥਰ ’ਤੇ ਹਾਜ਼ਰੀ ਹੈ ਪਰ ਆਪ ਦੇ ਪਸੰਦੀਦਾ ਅਮਰੀਕੀ ਰਾਸ਼ਟਰਪਤੀ ਦੀ ਆਵਾਜ਼ ਨੂੰ ਦਬਾ ਦਿੱਤਾ ਗਿਆ ਹੈ।
ਟਰੰਪ ਨੇ ਕਿਹਾ, ਮੈਨੂੰ ਇਹ ਮਨਜ਼ੂਰ ਨਹੀਂ ਹੈ। ਮੈਂ ਬਹੁਤ ਜਲਦ ਟਰੁੱਥ ਸੋਸ਼ਲ ’ਤੇ ਪਹਿਲਾ ਟਰੁੱਥ ਪੋਸਟ ਕਰਨ ਦੇ ਲਈ ਬਹੁਤ ਉਤਸ਼ਾਹਤ ਹਾਂ।
