ਚੰਡੀਗੜ੍ਹ: ਚੋਣ ਕਮਿਸ਼ਨ ਨੇ ਅੱਠ ਜ਼ਿਲ੍ਹਿਆਂ ਦੇ ਐੱਸਐੱਸਪੀ ਦੇ ਤਬਾਦਲੇ ਕੀਤੇ ਹਨ। ਜਾਣਕਾਰੀ ਦਿੰਦਿਆਂ ਮੁੱਖ ਚੋਣ ਅਫ਼ਸਰ (ਸੀ.ਈ.ਓ.) ਪੰਜਾਬ ਡਾ. ਐਸ. ਕਰੁਣਾ ਰਾਜੂ ਨੇ ਦੱਸਿਆ ਕਿ ਚੋਣ ਕਮਿਸ਼ਨ ਨੇ ਗਿਰੀਸ਼ ਦਿਆਲਨ ਨੂੰ ਡੀ.ਸੀ.-ਕਮ-ਡੀ.ਈ.ਓ ਫ਼ਿਰੋਜ਼ਪੁਰ ਨਿਯੁਕਤ ਕੀਤਾ ਹੈ, ਜਦਕਿ ਵਿਨੀਤ ਕੁਮਾਰ ਨਵੇਂ ਡੀ.ਸੀ.-ਕਮ-ਡੀ.ਈ.ਓ. ਬਠਿੰਡਾ ਹੋਣਗੇ।
8 ਐੱਸ. ਐੱਸ. ਪੀ ਜਿੰਨ੍ਹਾਂ ਦਾ ਤਬਾਦਲਾ ਕੀਤਾ ਗਿਆ ਹੈ ਉਹ ਹਨ: ਨਵਜੋਤ ਸਿੰਘ ਮਾਹਲ ਦੀ ਜਗ੍ਹਾ ਹਰਜੀਤ ਸਿੰਘ ਮੋਹਾਲੀ ਦੇ ਐਸ.ਐਸ.ਪੀ ਹੋਣਗੇ ਤੇ ਕੁਲਵੰਤ ਸਿੰਘ ਹੀਰ ਦੀ ਥਾਂ ਧਰੂਮਨ ਐੱਚ. ਨਿੰਬਲੇ ਹੁਸ਼ਿਆਰਪੁਰ ਦੇ ਐਸ.ਐਸ.ਪੀ ਹੋਣਗੇ । ਇਸੇ ਤਰ੍ਹਾਂ ਰਾਜਬਚਨ ਸੰਧੂ ਦੀ ਜਗ੍ਹਾ ਪਾਟਿਲ ਕੇਤਨ ਬਲੀਰਾਮ ਲੁਧਿਆਣਾ ਦਿਹਾਤੀ ਦੇ ਐਸ.ਐਸ.ਪੀ ਤੇ ਰਾਕੇਸ਼ ਕੌਸ਼ਲ ਦੀ ਥਾਂ ਦੀਪਕ ਹਿਲੋਰੀ ਅੰਮ੍ਰਿਤਸਰ ਦਿਹਾਤੀ ਦੇ ਐਸ.ਐਸ.ਪੀ ਨਿਯੁਕਤ ਕੀਤੇ ਗਏ ਹਨ। ਹਰਵਿੰਦਰ ਸਿੰਘ ਦੀ ਜਗ੍ਹਾ ਗੁਲਨੀਤ ਸਿੰਘ ਖੁਰਾਣਾ ਹੋਣਗੇ ਤਰਨਤਾਰਨ ਦੇ ਐਸ.ਐਸ.ਪੀ , ਅਜੇ ਮਲੂਜਾ ਦੀ ਥਾਂ ਅਮਨੀਤ ਕੌਂਡਲ ਬਠਿੰਡਾ ਦੇ ਐਸ.ਐਸ.ਪੀ ਹੋਣਗੇ।ਸਰਬਜੀਤ ਸਿੰਘ ਦੀ ਜਗ੍ਹਾ ਸੰਦੀਪ ਕੁਮਾਰ ਮਲਿਕ ਸ੍ਰੀ ਮੁਕਤਸਰ ਸਾਹਿਬ ਦੇ ਐਸ.ਐਸ.ਪੀ, ਸੰਦੀਪ ਗੋਇਲ ਦੀ ਥਾਂ ਸਰਤਾਜ ਸਿੰਘ ਚਾਹਲ ਫਤਿਹਗੜ੍ਹ ਸਾਹਿਬ ਦੇ ਐਸ.ਐਸ.ਪੀ ਹੋਣਗੇ।
