ਨਵੀਂ ਦਿੱਲੀ: ਹਰਿਆਣਾ ਦੇ ਸੋਨੀਪਤ ਤੋਂ ਇੱਕ ਨੂੰਹ ਦਾ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਨੂੰਹ ਵੱਖ-ਵੱਖ ਸਮੇਂ ‘ਤੇ ਆਪਣੀ ਸੱਸ ਨੂੰ ਕਈ ਵਾਰ ਕੁੱਟਦੀ ਨਜ਼ਰ ਆ ਰਹੀ ਹੈ। ਕੁੱਟਮਾਰ ਦਾ ਇਹ ਵੀਡੀਓ ਵੀ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਹ ਮਾਮਲਾ ਜ਼ਿਲ੍ਹੇ ਦੇ ਪਿੰਡ ਸੰਦਲ ਖੁਰਦ ਦਾ ਹੈ। ਜਿੱਥੇ ਬਜ਼ੁਰਗ ਸੱਸ ਨੇ ਦੋਸ਼ ਲਾਇਆ ਹੈ ਕਿ ਉਸ ਦੀ ਨੂੰਹ ਨੇ ਉਸ ਦੀ ਕੁੱਟਮਾਰ ਕੀਤੀ ਹੈ।
ਬਜ਼ੁਰਗ ਸੱਸ ਅਨੁਸਾਰ ਉਸ ਦੇ ਪੋਤੇ ਵੱਲੋਂ ਲਿਆਂਦੀ ਇਕ ਰੋਟੀ ਜ਼ਿਆਦਾ ਖਾਣ ਕਾਰਨ ਉਸ ਦੀ ਕੁੱਟਮਾਰ ਕੀਤੀ ਗਈ। ਸੱਸ ਦੀ ਸ਼ਿਕਾਇਤ ‘ਤੇ ਹੁਣਪੁਲਿਸ ਨੇ ਦੋਸ਼ੀ ਔਰਤ ਅਤੇ ਉਸ ਦੇ ਭਰਾ ਨੂੰ ਗ੍ਰਿਫਤਾਰ ਕਰ ਲਿਆ ਹੈ, ਜਿਨ੍ਹਾਂ ਨੂੰ ਅਦਾਲਤ ‘ਚ ਪੇਸ਼ ਕਰਕੇ ਜੇਲ ਭੇਜ ਦਿੱਤਾ ਜਾਵੇਗਾ।ਐੱਸਐੱਸਪੀ ਨੂੰ ਦਿੱਤੀ ਸ਼ਿਕਾਇਤ ਵਿੱਚ 75 ਸਾਲਾ ਔਰਤ ਨੇ ਦੱਸਿਆ ਕਿ ਉਸ ਦਾ ਤਿੰਨ ਸਾਲ ਦਾ ਪੋਤਾ ਹੈ। ਉਸ ਦੀ ਨੂੰਹ ਉਸ ਨੂੰ ਦੋਵੇਂ ਵਕਤ ਦੋ ਰੋਟੀਆਂ ਖਾਣ ਲਈ ਦਿੰਦੀ ਹੈ। ਉਸ ਦਾ ਤਿੰਨ ਸਾਲ ਦਾ ਪੋਤਾ ਪੰਜ ਦਿਨ ਪਹਿਲਾਂ ਉਸ ਲਈ ਇੱਕ ਹੋਰ ਰੋਟੀ ਲੈ ਕੇ ਆਇਆ ਸੀ। ਪੋਤੇ ਦੇ ਜ਼ੋਰ ਪਾਉਣ ’ਤੇ ਉਸ ਨੇ ਰੋਟੀ ਖਾਧੀ। ਉਦੋਂ ਤੋਂ ਨੂੰਹ ਉਸ ਦੀ ਕੁੱਟਮਾਰ ਕਰ ਰਹੀ ਹੈ।
ਵਾਇਰਲ ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਇਕ ਨੂੰਹ ਪਹਿਲਾਂ ਘਰ ਦੇ ਗੇਟ ‘ਤੇ ਆਪਣੀ ਸੱਸ ਨੂੰ ਕੁੱਟ ਰਹੀ ਹੈ ਅਤੇ ਕੁਝ ਸਮੇਂ ਬਾਅਦ ਘਰ ਦੇ ਅੰਦਰ ਵੀ ਉਸ ਨੂੰ ਕੁੱਟ ਰਹੀ ਹੈ। ਬਜ਼ੁਰਗ ਔਰਤ ਬਹੁਤ ਦੁਖੀ ਅਤੇ ਡਰੀ ਹੋਈ ਹੈ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਬਜ਼ੁਰਗ ਔਰਤ ਦਾ ਬੇਟਾ ਵੀ ਆਪਣੀ ਮਾਂ ਨੂੰ ਛੁਡਵਾਉਣ ਲਈ ਆਉਂਦਾ ਹੈ ਪਰ ਨੂੰਹ ਉਸ ਤੋਂ ਵੀ ਨਾਰਾਜ਼ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
