Breaking News

ਗਾਇਕ ਮਾਸ਼ਾ ਅਲੀ ਦਾ ਨਵਾਂ ਗੀਤ “ਰੈੱਡ ਚਿਲੀ” ਹੋਇਆ ਰਿਲੀਜ਼

ਨਿਊਜ਼ ਡੈਸਕ:  ਇੱਕ ਮਸ਼ਹੂਰ ਅੰਤਰਰਾਸ਼ਟਰੀ ਬਿਜ਼ਨੈਸ ਇੰਟਰਪ੍ਰਾਈਜ਼, ‘ਮਾਨ ਟਰੇਡਰਜ਼ ਲਿਮਿਟੇਡ’ ਨੇ ਹਾਲ ਹੀ ਵਿੱਚ ਪੰਜਾਬੀ ਇੰਡਸਟਰੀ ਵਿੱਚ ਆਪਣੇ ਪੈਰ ਜਮਾਉਂਦਿਆਂ, MTL ਪ੍ਰੋਡਕਸ਼ਨ ਦਾ ਜਸ਼ਨ ਮਨਾਉਣ ਲਈ ਰਿਆਤ ਬਾਹਰਾ ਯੂਨੀਵਰਸਿਟੀ ਵਿੱਚ ਇੱਕ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਸੀ। ਪ੍ਰੋਡਕਸ਼ਨ ਹਾਊਸ ਨੇ ਪੰਜਾਬੀ ਇੰਡਸਟਰੀ ਦੇ ਮਸ਼ਹੂਰ ਗਾਇਕ ਮਾਸ਼ਾ ਅਲੀ ਦੁਆਰਾ ਗਾਇਆ ਆਪਣਾ ਨਵਾਂ ਗੀਤ “ਰੈੱਡ ਚਿਲੀ” ਪੇਸ਼ ਕੀਤਾ, ਜਿਸਦਾ ਵਿਸ਼ਵ ਪੱਧਰ ‘ਤੇ ਸਰੋਤਿਆਂ ਵੱਲੋਂ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਗਿਆ। ਗੀਤ ਦੀ ਗੱਲ ਕਰੀਏ ਤਾਂ ਪੈਪੀ ਨੰਬਰ ਦੇ ਬੋਲ ਮਨਪ੍ਰੀਤ ਸ਼ੇਰਗਿੱਲ ਨੇ ਲਿਖੇ ਹਨ, ਵੀਡੀਓ ਨੂੰ ਪਰਮਵੀਰ ਸਿੰਘ ਨੇ ਡਾਇਰੈਕਟ ਕੀਤਾ ਹੈ ਅਤੇ ਇਸਨੂੰ ਮਿਊਜ਼ਿਕ ਬਿਰਗੀ ਵੀਰਜ ਨੇ ਦਿੱਤਾ ਹੈ।

ਦਰਸ਼ਕਾਂ ਨੇ ਹਮੇਸ਼ਾ ਮਾਸ਼ਾ ਅਲੀ ਨੂੰ ਰੋਮਾਂਟਿਕ ਅਤੇ ਉਦਾਸ ਗੀਤ ਗਾਉਂਦਿਆਂ ਦੇਖਿਆ ਹੈ ਪਰ ਇਸ ਵਾਰ ਦਰਸ਼ਕ ਆਪਣੇ ਚਹੇਤੇ ਗਾਇਕ ਨੂੰ ਰੋਮਾਂਟਿਕ ਪਾਰਟੀ ਨੰਬਰ ਦੇ ਨਵੇਂ ਰੂਪ ਵਿੱਚ ਦੇਖ ਕੇ ਹੈਰਾਨ ਰਹਿ ਗਏ। ਇਹ ਗੀਤ ਇੱਕ ਰੋਮਾਂਟਿਕ ਪਾਰਟੀ ਟ੍ਰੈਕ ਹੈ ਜੋ ਵਿਸ਼ੇਸ਼ ਕਲਾਕਾਰਾਂ, ਅਸ਼ਟਮੀ ਅਸ਼ਟ ਅਤੇ ਦਿਸ਼ਾਂਤ ਗੁਲੀਆ ਦੀ ਸੁਹਜ ਅਤੇ ਰੋਮਾਂਟਿਕ ਵਾਇਬਸ ਨਾਲ ਭਰਪੂਰ ਕੈਮਿਸਟਰੀ ਨੂੰ ਦਰਸਾਉਂਦਾ ਹੈ।

ਮਾਸ਼ਾ ਅਲੀ ਨੇ ਆਪਣੇ ਨਵੇਂ ਹੋਏ ਰਿਲੀਜ਼ ਗੀਤ ਬਾਰੇ ਖੁਸ਼ੀ ਪ੍ਰਗਟਾਈ, ਕਿਹਾ, “ਅਸੀਂ ਚਾਹੁੰਦੇ ਸੀ ਕਿ ਇਹ ਗੀਤ ਜਨੂੰਨ ਅਤੇ ਖੁਸ਼ੀ ਦੀਆਂ ਭਾਵਨਾਵਾਂ ਨੂੰ ਪੇਸ਼ ਕਰੇ ਜਿਸ ਨੂੰ ਸੁਣਕੇ ਖੁਸ਼ ਹੋ ਸਕਣ। “ਰੈੱਡ ਚਿਲੀ” ਦਾ ਅਨੁਭਵ ਮੇਰੇ ਲਈ ਬਹੁਤ ਖੁਸ਼ੀ ਵਾਲਾ ਸੀ ਜਿਥੇ ਮੈਨੂੰ ਕੁਝ ਨਵਾਂ ਕਰਨ ਲਈ  ਮਿਲਿਆ। ਹਾਂ, ਅਸੀਂ ਹਰ ਕਿਸੇ ਤੋਂ ਜਿੰਨੀ ਪ੍ਰਸ਼ੰਸਾ ਪ੍ਰਾਪਤ ਕਰ ਰਹੇ ਹਾਂ, ਇਹ ਦਰਸਾਉਂਦਾ ਹੈ ਕਿ ਸਾਡੇ ਸਾਰੇ ਯਤਨਾਂ ਦਾ ਨਤੀਜਾ  ਖੂਬਸੂਰਤੀ ਨਾਲ ਉਭਾਰ ਕੇ ਨਿਕਲਿਆ ਹੈ।”

MTL ਪ੍ਰੋਡਕਸ਼ਨ ਦੇ ਮਾਲਕ ਗੁਰਵਿੰਦਰ ਮਾਨ ਨੇ ਆਪਣੀ ਖੁਸ਼ੀ ਜ਼ਾਹਿਰ ਕਰਦਿਆਂ ਕਿਹਾ, “MTL ਪ੍ਰੋਡਕਸ਼ਨ ਨੂੰ ਪ੍ਰਸ਼ੰਸਕਾਂ ਵੱਲੋਂ ਕੀਤਾ ਗਿਆ ਨਿੱਘਾ ਸੁਆਗਤ ਨੂੰ ਬਿਆਨ ਕਰਨ ਲਈ ਸ਼ਬਦ ਕਾਫੀ ਨਹੀਂ ਹਨ। ਪੰਜਾਬੀ ਇੰਡਸਟਰੀ ਦੇ ਸਭ ਤੋਂ ਮਸ਼ਹੂਰ ਕਲਾਕਾਰਾਂ ਵਿੱਚੋਂ ਇੱਕ ਮਾਸ਼ਾ ਅਲੀ ਦਾ ਇਸ ਰਿਲੀਜ਼ ਦੇ ਨਾਲ ਇੱਕ ਵਿਲੱਖਣ ਕਿਰਦਾਰ ਸਾਨੂੰ ਦੇਖਣ ਨੂੰ ਮਿਲੇਗਾ। ਮੈਨੂੰ ਉਮੀਦ ਹੈ ਕਿ ਅੱਗੇ ਆਉਣ ਵਾਲੇ ਹੋਰ ਗੀਤਾਂ ਨੂੰ ਵੀ ਇੰਨਾ ਹੀ ਪਿਆਰ ਤੇ ਭਰਵਾਂ ਹੁੰਗਾਰਾ ਮਿਲੇਗਾ।”

Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.

Check Also

ਬਰੈਂਪਟਨ ‘ਚ ਪੈਟਰੋਲ ਪੰਪ ‘ਤੇ ਪੰਜਾਬੀ ਸਿੱਖ ਕੁੜੀ ਦਾ ਗੋਲੀਆਂ ਮਾਰ ਕੇ ਕਤਲ

ਬਰੈਂਪਟਨ : ਕੈਨੇਡਾ ਦੇ ਬਰੈਂਪਟਨ ਵਿਖੇ 21 ਸਾਲਾ ਸਿੱਖ ਕੁੜੀ ਪਵਨਪ੍ਰੀਤ ਕੌਰ ਦੀ ਗੋਲੀਆਂ ਮਾਰ …

Leave a Reply

Your email address will not be published. Required fields are marked *