ਮੰਬਈ- ਹਾਲ ਹੀ ‘ਚ ਸੁਪਰਸਟਾਰ ਸ਼ਾਹਰੁਖ ਖਾਨ ਦੇ ਇੱਕ ਫੈਨ ਦੀ ਖ਼ਬਰ ਸੋਸ਼ਲ ਮੀਡੀਆ ਅਤੇ ਨਿਊਜ਼ ਪੋਰਟਲ ‘ਤੇ ਛਾਈ ਹੋਈ ਹੈ। ਮਿਸਰ ਦੇ ਇਕ ਨਾਗਰਿਕ ਨੇ ਇਕ ਭਾਰਤੀ ਔਰਤ ਦੀ ਇਹ ਕਹਿ ਕੇ ਮਦਦ ਕੀਤੀ ਕਿ ਤੁਸੀਂ ਸ਼ਾਹਰੁਖ ਖਾਨ ਦੇ ਦੇਸ਼ ਤੋਂ ਹੋ, ਇਸ ਲਈ ਮੈਂ ਤੁਹਾਡੇ ‘ਤੇ ਭਰੋਸਾ ਕਰ ਰਿਹਾ ਹਾਂ। ਇਹ ਔਰਤ ਕਿਸੇ ਤਕਨੀਕੀ ਖਰਾਬੀ ਕਾਰਨ ਪੈਸੇ ਟਰਾਂਸਫਰ ਨਹੀਂ ਕਰ ਸਕੀ ਅਤੇ ਉਸ ਨੇ ਟਿਕਟ ਬੁੱਕ ਕਰਵਾਉਣੀ ਸੀ। ਇਸ ਮਿਸਰੀ ਏਜੰਟ ਨੇ ਭਾਰਤੀ ਔਰਤ ਦੀ ਮਦਦ ਕੀਤੀ।
ਸੁਪਰਸਟਾਰ ਸ਼ਾਹਰੁਖ ਖਾਨ ਨੇ ਆਪਣੇ ਇਸ ਪ੍ਰਸ਼ੰਸਕ ਨੂੰ ਆਪਣੀ ਹਸਤਾਖਰ ਕੀਤੀ ਹੋਈ ਤਸਵੀਰ ਅਤੇ ਇੱਕ ਨਿੱਜੀ ਤੌਰ ‘ਤੇ ਲਿਖਿਆ ਨੋਟ ਭੇਜਿਆ ਹੈ। ਅਸ਼ਵਨੀ ਦੇਸ਼ਪਾਂਡੇ ਨਾਮ ਦੀ ਇਸ ਮਹਿਲਾ ਪ੍ਰੋਫੈਸਰ ਨੇ ਸ਼ਨੀਵਾਰ ਨੂੰ ਇੱਕ ਟਵੀਟ ਵਿੱਚ ਕਿਹਾ ਕਿ ਸ਼ਾਹਰੁਖ ਖਾਨ ਨੇ ਇਸ ਘਟਨਾ ‘ਤੇ ਨੋਟਿਸ ਲਿਆ ਅਤੇ ਆਪਣੀ ਇੱਕ ਆਟੋਗ੍ਰਾਫ ਕੀਤੀ ਫੋਟੋ ਅਤੇ ਇੱਕ ਹੱਥ ਲਿਖਤ ਨੋਟ ਆਪਣੇ ਪ੍ਰਸ਼ੰਸਕ ਨੂੰ ਭੇਜਿਆ।
A very happy ending to this story. 3 photos signed by SRK arrived today, one with the nicest message for the Egyptian travel agent, one for his daughter & one for mine @Ketaki_Varma 🥰🥰 Thanks @pooja_dadlani for getting in touch & of course to 👑 @iamsrk for the gracious gesture https://t.co/lYd431dBUq pic.twitter.com/Rhn1ocQlbo
— Ashwini_Deshpande (@_ADeshpande) January 22, 2022
- Advertisement -
ਇੰਨਾ ਹੀ ਨਹੀਂ ਸ਼ਾਹਰੁਖ ਖਾਨ ਨੇ ਇਸ ਔਰਤ ਅਤੇ ਉਸ ਦੀ ਬੇਟੀ ਲਈ ਆਪਣੀ ਆਟੋਗ੍ਰਾਫ ਵਾਲੀ ਤਸਵੀਰ ਵੀ ਭੇਜੀ ਹੈ। ਅਸ਼ਵਨੀ ਨੇ ਹਾਲ ਹੀ ‘ਚ ਇਸ ਵਿਦੇਸ਼ੀ ਨਾਲ ਇਕ ਤਸਵੀਰ ਵੀ ਸ਼ੇਅਰ ਕੀਤੀ ਹੈ, ਜਿਸ ਨੇ ਉਸ ਦੀ ਮਦਦ ਕੀਤੀ ਸੀ। ਫੋਟੋ ਸ਼ੇਅਰ ਕਰਦੇ ਹੋਏ ਉਸ ਨੇ ਲਿਖਿਆ, ‘ਮੇਰੇ ਪਤੀ ਅਤੇ ਮੈਂ ਆਖਿਰਕਾਰ ਇਸ ਵਿਅਕਤੀ ਨੂੰ ਮਿਲੇ ਜੋ ਲਗਾਤਾਰ ਚਰਚਾ ‘ਚ ਰਿਹਾ ਹੈ।’
My husband & I finally met the man in this story today! I told him about the tsunami of good cheer his story generated. @RedChilliesEnt: he would be delighted with a photo of @iamsrk, autographed in his daughter’s name if possible. Please DM me if this can be arranged, thanks! 😊 https://t.co/Ea9nckNqFm pic.twitter.com/q44KeOVTw7
— Ashwini_Deshpande (@_ADeshpande) January 10, 2022
- Advertisement -
ਉਨ੍ਹਾਂ ਲਿਖਿਆ, ‘ਮੈਂ ਇਸ ਵਿਅਕਤੀ ਨੂੰ ਉਸ ਸਕਾਰਾਤਮਕ ਸੁਨਾਮੀ ਬਾਰੇ ਦੱਸਿਆ ਜੋ ਵਧਾਈਆਂ ਅਤੇ ਤਾਰੀਫਾਂ ਦੇ ਤੌਰ ‘ਤੇ ਇਸ ਸਮੇਂ ਇੰਟਰਨੈੱਟ ‘ਤੇ ਛਾਈ ਹੋਈ ਹੈ।’ ਤੁਹਾਨੂੰ ਦੱਸ ਦੇਈਏ ਕਿ ਇਹ ਪੂਰੀ ਕਹਾਣੀ ਨਵੇਂ ਸਾਲ ਦੇ ਜਸ਼ਨ ਤੋਂ ਪਹਿਲਾਂ ਸ਼ੁਰੂ ਹੋਈ ਜਦੋਂ ਸ਼ਾਹਰੁਖ ਖਾਨ ਦੇ ਇੱਕ ਪ੍ਰਸ਼ੰਸਕ ਨੇ ਮਿਸਰ ਜਾਣ ਵਾਲੀ ਇਸ ਔਰਤ ਦੀ ਮਦਦ ਕੀਤੀ ਅਤੇ ਬਿਨਾਂ ਪੈਸੇ ਟਰਾਂਸਫਰ ਕੀਤੇ ਉਸ ਦੀਆਂ ਟਿਕਟਾਂ ਬੁੱਕ ਕਰਵਾ ਦਿੱਤੀਆਂ। ਆਦਮੀ ਨੇ ਔਰਤ ਨੂੰ ਕਿਹਾ ਕਿ ਤੁਸੀਂ ਸ਼ਾਹਰੁਖ ਦੇ ਦੇਸ਼ ਤੋਂ ਹੋ, ਇਸ ਲਈ ਮੈਂ ਤੁਹਾਡੇ ‘ਤੇ ਭਰੋਸਾ ਕਰ ਰਿਹਾ ਹਾਂ। ਤੁਸੀਂ ਮੈਨੂੰ ਬਾਅਦ ਵਿੱਚ ਪੈਸੇ ਭੇਜ ਦਿਓ। ਮੈਂ ਇਹ ਹਰ ਕਿਸੇ ਲਈ ਨਹੀਂ ਕਰਦਾ।
