ਨਿਊਜ਼ ਡੈਸਕ: ਕੈਪੀਟਲ ਮਾਰਕੀਟ ਰੈਗੂਲੇਟਰ ਸੇਬੀ (SEBI) ਨੇ 10 ਲੋਕਾਂ ‘ਤੇ 85 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਇਨ੍ਹਾਂ 10 ਲੋਕਾਂ ‘ਤੇ ਸ਼ੇਅਰ ਬਾਜ਼ਾਰ ‘ਚ ਸੂਚੀਬੱਧ ਕੰਪਨੀ ਮਿਲੀਟੂਨਜ਼ ਐਂਟਰਟੇਨਮੈਂਟ ਲਿਮਟਿਡ (ਐਮਈਐਲ) ਦੇ ਸ਼ੇਅਰਾਂ ਦੀ ਕੀਮਤ ‘ਚ ਹੇਰਾਫੇਰੀ ਕਰਨ ਦਾ ਦੋਸ਼ ਹੈ।
SEBI ਨੇ ਵੱਖ-ਵੱਖ ਲੋਕਾਂ ‘ਤੇ 5-10 ਲੱਖ ਦੇ ਵਿਚਕਾਰ ਵੱਖ-ਵੱਖ ਜੁਰਮਾਨੇ ਲਗਾਏ ਹਨ। ਜਿਨ੍ਹਾਂ ‘ਤੇ ਸੇਬੀ ਨੇ ਕੁੱਲ 85 ਲੱਖ ਰੁਪਏ (ਸੇਬੀ ਪੈਨਲਟੀ) ਦਾ ਜ਼ੁਰਮਾਨਾ ਲਗਾਇਆ ਹੈ, ਉਨ੍ਹਾਂ ‘ਚ ਪ੍ਰਿਯੇਸ਼ਭਾਈ ਸਥਵਾੜਾ, ਸੇਜਲਬੇਨ ਪ੍ਰਯਾਸ਼ਕੁਮਾਰ ਸਥਵਾਰਾ ਸ਼ਾਮਲ ਹਨ। ਸੁਰੇਸ਼ ਰਮਨਲਾਲ ਪ੍ਰਜਾਪਤੀ, ਧਰਮੇਸ਼ਭਾਈ ਜੇ ਵਾਘੇਲਾ, ਵਿਜੇ ਮਧੂਸੂਦਨਭਾਈ ਕੋਸ਼ਤੀ, ਪਰਮਾਰ ਮੁਕੇਸ਼ਕੁਮਾਰ, ਮੇਹੁਲਕੁਮਾਰ ਬਲਵੰਤੀਭਾਈ ਟੁੰਡੀਆ, ਹਰੀਸ਼ਕੁਮਾਰ ਸਾਕਾਰੀਆ, ਰੇਖਾਬੇਨ ਹਰੀਸ਼ਭਾਈ ਸਾਕਾਰੀਆ ਅਤੇ ਮੋਬੋਨੇਅਰ ਵਾਇਰਲੈੱਸ ਸ਼ਾਮਿਲ ਹਨ। ਮਾਰਕੀਟ ਵਾਚਡੋਗ ਨੇ ਇਨ੍ਹਾਂ ਲੋਕਾਂ ‘ਤੇ ਕੁੱਲ 85 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ।
ਸਕਿਓਰਿਟੀਜ਼ ਐਂਡ ਐਕਸਚੇਂਜ ਬੋਰਡ ਆਫ ਇੰਡੀਆ (SEBI) ਨੇ ਸਕਿਓਰਿਟੀ ਕਲਾਊਡ ਟੈਕਨਾਲੋਜੀਜ਼ ਲਿਮਟਿਡ (ਐੱਸ.ਟੀ.ਐੱਲ.) ਅਤੇ ਇਸ ਦੇ ਤਿੰਨ ਨਿਰਦੇਸ਼ਕਾਂ ‘ਤੇ ਇਕ ਤੋਂ ਤਿੰਨ ਸਾਲਾਂ ਦੀ ਮਿਆਦ ਲਈ ਪ੍ਰਤੀਭੂਤੀ ਬਾਜ਼ਾਰ ਵਿਚ ਵਪਾਰ ਕਰਨ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ‘ਤੇ ਕੁੱਲ 10 ਕਰੋੜ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਗਿਆ ਹੈ। ਮਾਰਕੀਟ ਰੈਗੂਲੇਟਰ (ਸੇਬੀ) ਨੇ ਇਹ ਕਦਮ ਕੰਪਨੀ ਦੁਆਰਾ ਕਥਿਤ ਤੌਰ ‘ਤੇ ਆਪਣੇ ਵਿੱਤੀ ਬਿਆਨਾਂ ਵਿੱਚ ਗਲਤ ਜਾਣਕਾਰੀ ਦੇਣ ਲਈ ਚੁੱਕਿਆ ਹੈ।
SEBI ਵੱਲੋਂ ਦਿੱਤੇ ਹੁਕਮਾਂ ਵਿੱਚ ਕਿਹਾ ਗਿਆ ਸੀ ਕਿ ਕੰਪਨੀ ਦੇ ਨਿਰਦੇਸ਼ਕ ਸੁਰੇਸ਼ ਵੈਂਕਟਚਾਰੀ, ਆਰਐਸ ਰਮਾਨੀ ਅਤੇ ਗੁਰੂਮੂਰਤੀ ਜੈਰਾਮਨ ਛੇ ਮਹੀਨੇ ਤੋਂ ਇੱਕ ਸਾਲ ਤੱਕ ਕਿਸੇ ਵੀ ਸੂਚੀਬੱਧ ਕੰਪਨੀ ਜਾਂ ਇੰਟਰਮੀਡੀਏਟ ਵਿੱਚ ਡਾਇਰੈਕਟਰ ਜਾਂ ਪ੍ਰਬੰਧਨ ਪੱਧਰ ਦਾ ਕੋਈ ਵੀ ਅਹੁਦਾ ਨਹੀਂ ਸੰਭਾਲ ਸਕਣਗੇ। ਹੁਕਮਾਂ ਮੁਤਾਬਿਕ SEBI ਨੇ STL ‘ਤੇ 4 ਕਰੋੜ ਰੁਪਏ, ਵੈਂਕਟਚਾਰੀ ‘ਤੇ 3 ਕਰੋੜ ਰੁਪਏ, ਰਮਾਨੀ ‘ਤੇ 2 ਕਰੋੜ ਰੁਪਏ ਅਤੇ ਜੈਰਾਮਨ ‘ਤੇ 1 ਕਰੋੜ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
