ਸਾਰਾ ਅਲੀ ਖਾਨ ਨੇ ਦੀਵਾਲੀ ਪਾਰਟੀ ਦਾ ਕੀਤਾ ਆਯੋਜਨ

ਨਿਊਜ਼ ਡੈਸਕ: ਸਾਰਾ ਅਲੀ ਖਾਨ ਨੇ ਹਾਲ ਹੀ ‘ਚ ਆਪਣੇ ਪਰਿਵਾਰ ਅਤੇ ਇੰਡਸਟਰੀ ਦੇ ਦੋਸਤਾਂ ਲਈ ਦੀਵਾਲੀ ਪਾਰਟੀ ਦਾ ਆਯੋਜਨ ਕੀਤਾ। ਸਾਰਾ ਅਲੀ ਖਾਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੋਂ ਇਸ ਦੀਵਾਲੀ ਪਾਰਟੀ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ‘ਚ ਸਾਰਾ ਅਲੀ ਖਾਨ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ। ਸਾਰਾ ਅਲੀ ਖਾਨ ਨੇ ਆਪਣੇ ਭਰਾ ਇਬਰਾਹਿਮ ਅਤੇ ਮਾਂ ਅੰਮ੍ਰਿਤਾ ਸਿੰਘ ਨਾਲ ਕੁਝ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ। ਸਾਰਾ ਨੇ ਇਹ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ ਅਤੇ ਆਪਣੇ ਪ੍ਰਸ਼ੰਸਕਾਂ ਨੂੰ ਧਨਤੇਰਸ ਦੀਆਂ ਵਧਾਈਆਂ ਦਿੱਤੀਆਂ ਹਨ।

ਇਨ੍ਹਾਂ ਤਸਵੀਰਾਂ ‘ਚ ਸਾਰਾ ਅਲੀ ਖਾਨ ਨੇ ਸਫੈਦ ਅਤੇ ਗੋਲਡਨ ਰੰਗ ਦਾ ਆਊਟਫਿਟ ਪਾਇਆ ਹੋਇਆ ਹੈ। ਸਾਰਾ ਦੀ ਮਾਂ ਅੰਮ੍ਰਿਤਾ ਅਤੇ ਭਰਾ ਇਬਰਾਹਿਮ ਦੇ ਪਹਿਰਾਵੇ ਦਾ ਰੰਗ ਸੁਮੇਲ ਵੀ ਚਿੱਟਾ ਅਤੇ ਸੁਨਹਿਰੀ ਹੈ।

ਸਾਰਾ ਅਲੀ ਖਾਨ ਨੇ ਗੋਲਡਨ ਬਲਾਊਜ਼ ਅਤੇ ਓਵਰਆਲ ਜੈਕੇਟ ਦੇ ਨਾਲ ਸੁਨਹਿਰੀ ਅਤੇ ਚਿੱਟੇ ਰੰਗ ਦਾ ਸ਼ਰਾਰਾ ਪਹਿਨਿਆ ਹੋਇਆ ਸੀ। ਇਸ ਦੀਵਾਲੀ ਪਾਰਟੀ ਦਾ ਆਯੋਜਨ ਸਾਰਾ ਨੇ ਆਪਣੇ ਘਰ ਕੀਤਾ ਸੀ।

ਸਾਰਾ ਅਲੀ ਖਾਨ ਨੂੰ ਹਾਲ ਹੀ ‘ਚ ਮਸ਼ਹੂਰ ਚੈਟ ਸ਼ੋਅ ‘ਕੌਫੀ ਵਿਦ ਕਰਨ’ ‘ਚ ਅਨੰਨਿਆ ਪਾਂਡੇ ਨਾਲ ਦੇਖਿਆ ਗਿਆ ਸੀ। ਸਾਰਾ ਅਲੀ ਖਾਨ ਅਤੇ ਅਨਨਿਆ ਪਾਂਡੇ ਨੇ ਇਸ ਸ਼ੋਅ ਦੌਰਾਨ ਕਈ ਵੱਡੇ ਰਾਜ਼ ਖੋਲ੍ਹੇ ਸਨ।

ਸਾਰਾ ਅਲੀ ਖਾਨ ਦੇ ਸਾਬਕਾ ਬੁਆਏਫ੍ਰੈਂਡ ਕਾਰਤਿਕ ਆਰੀਅਨ ਨੇ ਵੀ ਉਨ੍ਹਾਂ ਦੀ ਦੀਵਾਲੀ ਪਾਰਟੀ ‘ਚ ਸ਼ਿਰਕਤ ਕੀਤੀ।ਸਰਾ ਦੀ ਪਾਰਟੀ ‘ਚ ਕਰਨ ਜੌਹਰ, ਅਨਨਿਆ ਪਾਂਡੇ, ਨਿਧੀ ਦੱਤਾ, ਸਿੱਧੀ ਦੱਤਾ, ਸਾਬਕਾ ਅਭਿਨੇਤਰੀ ਬਿੰਦੀਆ ਦੱਤਾ ਅਤੇ ਆਦਿਤਿਆ ਰਾਏ ਕਪੂਰ ਵਰਗੀਆਂ ਬਾਲੀਵੁੱਡ ਹਸਤੀਆਂ ਨੇ ਸ਼ਿਰਕਤ ਕੀਤੀ।