ਮੋਸਕੋ: ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਰੂਸ ਵਿੱਚ ਘਟਦੀ ਆਬਾਦੀ ਦੇ ਮੱਦੇਨਜ਼ਰ ਔਰਤਾਂ ਨੂੰ 10 ਜਾਂ ਇਸ ਤੋਂ ਵੱਧ ਬੱਚੇ ਪੈਦਾ ਕਰਨ ਦੀ ਪੇਸ਼ਕਸ਼ ਕੀਤੀ ਹੈ। ਰਿਪੋਰਟਾਂ ਮੁਤਾਬਕ 10 ਬੱਚਿਆਂ ਨੂੰ ਜਨਮ ਦੇਣ ਅਤੇ ਉਨ੍ਹਾਂ ਦੇ ਜ਼ਿੰਦਾ ਹੋਣ ‘ਤੇ ਔਰਤ ਨੂੰ ਲਗਭਗ 13 ਲੱਖ ਰੁਪਏ (13,500 ਪਾਊਂਡ) ਦਿੱਤੇ ਜਾਣਗੇ।
ਦੱਸ ਦਈਏ ਕਿ ਕੋਰੋਨਾ ਮਹਾਮਾਰੀ ਸੰਕਟ ਅਤੇ ਯੂਕਰੇਨ ਨਾਲ ਜੰਗ ਤੋਂ ਬਾਅਦ ਰੂਸ ਵਿੱਚ ਆਬਾਦੀ ਸੰਕਟ ਪੈਦਾ ਹੋ ਗਿਆ ਹੈ। ਇਸ ਨਾਲ ਨਜਿੱਠਣ ਲਈ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਦੇਸ਼ ਦੀਆਂ ਔਰਤਾਂ ਨੂੰ ਇੱਕ ਅਨੋਖੀ ਪੇਸ਼ਕਸ਼ ਕਰਦੇ ਹੋਏ ਕਿਹਾ ਕਿ ਜੇਕਰ ਹਰ ਔਰਤ 10 ਜਾਂ ਇਸ ਤੋਂ ਵੱਧ ਬੱਚਿਆਂ ਨੂੰ ਜਨਮ ਦਿੰਦੀ ਹੈ ਅਤੇ ਉਨ੍ਹਾਂ ਨੂੰ ਜ਼ਿੰਦਾ ਰੱਖਣ ਵਿੱਚ ਸਮਰੱਥ ਹੈ ਤਾਂ ਸਰਕਾਰ ਬਦਲੇ ਵਿੱਚ ਉਸ ਨੂੰ 13 ਲੱਖ ਰੁਪਏ ਦੇਵੇਗੀ।
ਇੱਕ ਅੰਦਾਜ਼ੇ ਮੁਤਾਬਕ ਰੂਸ ਨੇ ਇਸ ਸਾਲ ਮਾਰਚ ਤੋਂ ਬਾਅਦ ਹਰ ਰੋਜ਼ ਸਭ ਤੋਂ ਵੱਧ ਕੋਰੋਨਾ ਵਾਇਰਸ ਦੇ ਮਾਮਲੇ ਦਰਜ ਕੀਤੇ ਹਨ। ਇਸ ਤੋਂ ਇਲਾਵਾ ਯੂਕਰੇਨ ਨਾਲ ਹੋਈ ਜੰਗ ਵਿੱਚ ਲਗਭਗ 50 ਹਜ਼ਾਰ ਫੌਜੀਆਂ ਦੇ ਵੀ ਮਾਰੇ ਜਾਣ ਦਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ। ਰੂਸੀ ਸਿਆਸਤ ਅਤੇ ਸੁਰੱਖਿਆ ਮਾਹਰ ਡਾਕਟਰ ਜੈਨੀ ਮੈਥਰਸ ਮੁਤਾਬਕ ਪੁਤਿਨ ਹਮੇਸ਼ਾ ਇਹ ਕਹਿੰਦੇ ਰਹੇ ਹਨ ਕਿ ਰੂਸ ਵਿੱਚ ਵੱਡੇ ਪਰਿਵਾਰ ਵਾਲੇ ਜ਼ਿਆਦਾ ਦੇਸ਼ ਭਗਤ ਰਹੇ ਹਨ। ਸੋਵਿਅਤ ਯੁੱਗ ਦਾ ਪੁਰਸਕਾਰ ਉਨ੍ਹਾਂ ਔਰਤਾਂ ਨੂੰ ਦਿੱਤਾ ਜਾਂਦਾ ਹੈ ਜਿਨ੍ਹਾਂ ਦੇ 10 ਜਾਂ ਇਸ ਤੋਂ ਵੱਧ ਬੱਚੇ ਹੁੰਦੇ ਸਨ। ਰੂਸ ਵਿੱਚ ਇਨ੍ਹਾਂ ਨੂੰ ‘ਮਦਰ ਹੀਰੋਇਨ’ ਕਿਹਾ ਜਾਂਦਾ ਹੈ। ਇਹ ਇੱਕ ਵਾਰ ਫਿਰ ਰੂਸ ਦੇ ਜਨਸੰਖਿਆ ਸੰਕਟ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਹੈ, ਜੋ ਯੂਕਰੇਨ ਨਾਲ ਯੁੱਧ ਤੋਂ ਬਾਅਦ ਹੋਰ ਗਹਿਰਾ ਗਿਆ ਹੈ।
ਇਸ ਨਵੀਂ ਪੇਸ਼ਕਸ਼ ਦੇ ਤਹਿਤ ਅਜਿਹਾ ਕਰਨ ਵਾਲੀਆਂ ਰੂਸੀ ਔਰਤਾਂ ਨੂੰ 10 ਲੱਖ ਰੂਬਲ ਯਾਨੀ ਸਾਢੇ 13 ਹਜ਼ਾਰ ਪਾਊਂਡ ਦਾ ਭੁਗਤਾਨ ਮਿਲੇਗਾ। ਇਹ ਉਨ੍ਹਾਂ ਦੇ ਦਸਵੇਂ ਬੱਚੇ ਦੇ ਪਹਿਲੇ ਜਨਮ ਦਿਨ ‘ਤੇ ਦਿੱਤਾ ਜਾਵੇਗਾ, ਇੱਕ ਸ਼ਰਤ ਇਹ ਵੀ ਹੈ ਕਿ ਬਾਕੀ ਦੇ 9 ਬੱਚੇ ਵੀ ਉਦੋਂ ਤੱਕ ਜ਼ਿੰਦਾ ਹੋਣ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
