ਬੋਬੀਨੀ: ਫਰਾਂਸ ਦੇ ਇਤਿਹਾਸ ‘ਚ ਪਹਿਲੀ ਵਾਰ ਦਸਤਾਰਧਾਰੀ ਸਿੱਖ ਨੂੰ ਡਿਪਟੀ ਮੇਅਰ ਵਜੋਂ ਚੁਣਿਆ ਗਿਆ ਹੈ। ਫਰਾਂਸ ਦੇ ਰਹਿਣ ਵਾਲੇ ਰਣਜੀਤ ਸਿੰਘ ਗੁਰਾਇਆ ਨੇ ਬੋਬੀਨੀ ਦੇ ਡਿਪਟੀ ਮੇਅਰ ਵਜੋਂ ਸਹੁੰ ਚੁੱਕੀ ਹੈ। ਰਣਜੀਤ ਗੁਰਾਇਆ ਦਾ ਪਿਛੋਕੜ ਪੰਜਾਬ ਦੇ ਗੁਰਦਾਸਪੁਰ ਜ਼ਿਲ੍ਹੇ ਦੇ ਸੇਖਾ ਪਿੰਡ ਦਾ ਹੈ।
ਰਣਜੀਤ ਸਿੰਘ ਨੂੰ ਐਸੋਸੀਏਸ਼ਨ, ਸੋਸ਼ਲ ਹੈਲਪ ਅਤੇ ਆਈਟੀ ਐਡਮਿਨਿਸਟਰੇਸ਼ਨ ਵਿਭਾਗ ਦਿੱਤੇ ਗਏ ਹਨ। ਇਸ ਮੌਕੇ ਰਣਜੀਤ ਸਿੰਘ ਨੇ ਕਿਹਾ ਕਿ ਉਹ ਸਿੱਖਾਂ ਨੂੰ ਆ ਰਹੀਆਂ ਮੁਸ਼ਕਲਾਂ ਦੇ ਹੱਲ ਲਈ ਇੱਕ ਲਾਬੀ ਵੀ ਕਾਇਮ ਕਰਨਗੇ।
ਇਸ ਤੋਂ ਪਹਿਲਾਂ ਸਿੱਖ ਸੰਗਠਨ ਯੂਨਾਈਟਿਡ ਸਿੱਖਸ ਨੇ ਰਣਜੀਤ ਸਿੰਘ ਅਤੇ 2 ਹੋਰ ਫ੍ਰੈਂਚ ਸਿੱਖ ਨੌਜਵਾਨਾ, ਜਸਵੀਰ ਸਿੰਘ ਅਤੇ ਬਿਕਰਮਜੀਤ ਸਿੰਘ ਲਈ ਕਾਨੂੰਨੀ ਲੜਾਈ ਲੜੀ ਸੀ, ਜਿਨ੍ਹਾਂ ਨੂੰ 2004 ਵਿਚ ਫ੍ਰੈਂਚ ਸਕੂਲਾਂ ‘ਚ ਦਸਤਾਰ ਬੈਨ ਹੋਣ ਤੋਂ ਬਾਅਦ ਸਕੂਲ ‘ਚੋਂ ਕੱਢ ਦਿੱਤਾ ਗਿਆ ਸੀ।
- Advertisement -
ਬਾਅਦ ਵਿਚ ਯੂਨਾਈਟਿਡ ਸਿੱਖ ਕਾਨੂੰਨੀ ਟੀਮ ਨੇ ਇਹ ਕੇਸ ਜਿੱਤ ਲਿਆ ਜੋ ਬਿਕਰਮਜੀਤ ਸਿੰਘ ਵੱਲੋਂ ਸਾਲ 2012 ਵਿਚ ਸੰਯੁਕਤ ਰਾਸ਼ਟਰ ਮਨੁੱਖੀ ਅਧਿਕਾਰ ਕਮੇਟੀ ਦੇ ਕੋਲ ਦਾਇਰ ਕੀਤਾ ਗਿਆ ਸੀ।
Félicitations à Ranjit Singh, premier français de confession #Sikh à être élu Adjoint au Maire de la ville de #Bobigny. Nous lui souhaitons un très bon mandat au service des Balbyniennes et Balbyniens.#Municipales2020 pic.twitter.com/lXJxLsm2PQ
— Sikhs de France (@SikhsdeFrance) July 6, 2020
ਸਿੱਖਾਂ ਲਈ ਇਹ ਬਹੁਤ ਮਾਣ ਵਾਲੀ ਗੱਲ ਹੈ ਕਿ ਜਿੱਥੇ ਸਿੱਖਾਂ ਦੀ ਦਸਤਾਰ ਸਣੇ ਹੋਰ ਧਾਰਮਿਕ ਚਿੰਨ੍ਹਾਂ ਨੂੰ ਬੈਨ ਕਰ ਦਿੱਤਾ ਗਿਆ ਸੀ, ਉੱਥੇ ਅੱਜ ਇੱਕ ਦਸਤਾਰਧਾਰੀ ਨੌਜਵਾਨ ਨੂੰ ਡਿਪਟੀ ਮੇਅਰ ਵੱਜੋਂ ਚੁਣਿਆ ਗਿਆ ਹੈ।
- Advertisement -
The newly elected 1st #SikhFrench Deputy Mayor of #Paris suburb #Bobigny. This is a monumental achievement, the sangat is proud of Veer #RanjitSingh. May Guru give him wisdom, success & many blessings.
Congratulations Deputy Mayor Ranjit Singh.#Sikhs #UNITEDSIKHS #DeputyMayor pic.twitter.com/MbKusSSwNB
— UNITED SIKHS (@unitedsikhs) July 5, 2020
