ਨਿਊਜ਼ ਡੈਸਕ: ਕਿਊਬੈਕ ਨੇ ਗੇਅ ਅਤੇ ਬਾਏ-ਸੈਕਸੁਅਲ ਮਰਦਾਂ ਦੁਆਰਾ ਖ਼ੂਨਦਾਨ ਕਰਨ ‘ਤੇ ਪਾਬੰਦੀ ਨੂੰ ਹਟਾ ਦਿੱਤਾ ਹੈ। ਹੇਮਾ-ਕਿਊਬੇਕ ਨੇ ਆਪਣੀ ਨੀਤੀ ਹਟਾ ਦਿੱਤੀ ਹੈ ਜੋ ਇਸ ਸਮੂਹ ਦੇ ਲੋਕਾਂ ਨੂੰ ਜਿਨਸੀ ਤੌਰ ‘ਤੇ ਸਰਗਰਮ ਹੋਣ ਤੋਂ ਬਾਅਦ ਤਿੰਨ ਮਹੀਨਿਆਂ ਲਈ ਖੂਨਦਾਨ ਕਰਨ ਤੋਂ ਰੋਕਦੀ ਹੈ। ਹੁਣ ਪ੍ਰੋਵਿੰਸ ਵਿੱਚ ਖ਼ੂਨਦਾਨ ਕਰਨ ਤੋਂ ਪਹਿਲਾਂ ਸਾਰੇ ਵਿਅਕਤੀਆਂ ਨੂੰ ਲਿੰਗ ਜਾਂ ਜਿਨਸੀ ਰੁਝਾਨ ਨੂੰ ਧਿਆਨ ਵਿੱਚ ਰੱਖੇ ਬਗ਼ੈਰ ਸਾਰੇ ਵਿਅਕਤੀ ਇੱਕੋ ਤਰ੍ਹਾਂ ਦੇ ਸ਼ੁਰੂਆਤੀ ਮੁਲਾਂਕਣ ਵਿੱਚੋਂ ਲੰਘਣਗੇ।
ਦਸਣਯੋਗ ਹੈ ਕਿ ਹੁਣ ਕਿਊਬੈਕ ਕੈਨੇਡਾ ਦਾ ਆਖਰੀ ਸੂਬਾ ਬਣ ਗਿਆ ਹੈ ਜਿਸ ਵਿੱਚ ਬਾਏ-ਸੈਕਸੁਅਲ ਮਰਦਾਂ ਦੁਆਰਾ ਖ਼ੂਨਦਾਨ ਕਰਨ ‘ਤੇ ਪਾਬੰਦੀ ਨੂੰ ਹਟਾਇਆ ਗਿਆ ਹੈ। ਕੈਨੇਡਾ ਨੇ 1992 ਵਿਚ ਸਮਲਿੰਗੀ ਮਰਦਾਂ ਦੇ ਖੂਨਦਾਨ ਕਰਨ ‘ਤੇ ਪਾਬੰਦੀ ਲਗਾ ਦਿਤੀ ਸੀ। ਜਿਸ ਤੋਂ ਬਾਅਦ 2013 ‘ਚ ਉਨ੍ਹਾਂ ਨੂੰ ਖੂਨਦਾਨ ਦੀ ਇਜ਼ਾਜਤ ਮਿਲ ਗਈ ਸੀ ਪਰ ਇਹ ਇਜ਼ਾਜਤ ਉਨ੍ਹਾਂ ਲਈ ਸੀ ਜਿੰਨ੍ਹਾਂ ਨੂੰ ਦੂਜੇ ਮਰਦ ਨਾਲ ਸਬੰਧ ਬਣਾਏ ਨੂੰ ਘਟੋ-ਘਟ ਪੰਜ ਸਾਲ ਹੋ ਗਏ ਹੋਣ। ਉਸਤੋਂ ਬਾਅਦ ਇਸ ਮਿਆਦ ਨੂੰ ਇੱਕ ਸਾਲ ਕਰ ਦਿੱਤਾ ਗਿਆ ਸੀ ਅਤੇ 2019 ਵਿਚ ਇਹ ਤਿੰਨ ਮਹੀਨੇ ਦੀ ਰਹਿ ਗਈ ਸੀ।
ਕੰਜ਼ਰਵੇਟਿਵ ਐਮਪੀ ਐਰਿਕ ਡੰਕਨ ਨੇ ਲਿਬਰਲ ਸਰਕਾਰ ਤੋਂ ਸਮਲਿੰਗੀ ਮਰਦਾਂ ਦੇ ਖ਼ੂਨਦਾਨ ਕਰਨ ‘ਤੇ ਲੱਗੀ ਪਾਬੰਦੀ ਹਟਾਉਣ ਦੀ ਮੰਗ ਕਰਨ ਲਈ ਇੱਕ ਪ੍ਰਾਈਵੇਟ ਮੈਂਬਰ ਬਿਲ ਵੀ ਪੇਸ਼ ਕੀਤਾ ਸੀ। ਅਪ੍ਰੈਲ 2022 ਦੌਰਾਨ , ਕੈਨੇਡੀਅਨ ਬਲੱਡ ਸਰਵਿਸੇਜ਼ ਵੱਲੋਂ ਤਿੰਨ ਮਹੀਨਿਆਂ ਦੌਰਾਨ ਕਿਸੇ ਮਰਦ ਨਾਲ ਸਬੰਧ ਬਣਾਉਣ ਵਾਲੇ ਮਰਦ ਉੱਪਰ ਖ਼ੂਨਦਾਨ ਕਰਨ ‘ਤੇ ਪਾਬੰਦੀ ਲਗਾਉਣ ਵਾਲੀ ਨੀਤੀ ਖਤਮ ਕਰ ਦਿਤੀ ਸੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
