ਬਰੈਂਪਟਨ: ਬਰੈਂਪਟਨ ਤੋਂ ਚੋਰੀ ਹੋਏ ਟਰੱਕ ਦੇ ਮਾਮਲੇ ‘ਚ 2 ਪੰਜਾਬੀਆਂ ਖਿਲਾਫ ਦੋਸ਼ ਆਇਦ ਕੀਤੇ ਗਏ ਹਨ। ਜਾਣਕਾਰੀ ਮੁਤਾਬਕ ਬਰੈਂਪਟਨ ਤੋਂ ਚੋਰੀ ਹੋਇਆ ਟਰਾਂਸਪੋਰਟ ਟਰੱਕ ਪੁਲਿਸ ਨੇ ਕੁਝ ਕਿਲੋਮੀਟਰ ਦੇ ਫਾਸਲੇ ਤੋਂ ਬਰਾਮਦ ਕਰਦਿਆਂ ਦੋ ਪੰਜਾਬੀਆਂ ਨੂੰ ਕਾਬੂ ਕਰ ਲਿਆ, ਇਸ ਤੋਂ ਇਲਾਵਾ ਪੁਲਿਸ ਵਲੋਂ ਉਨ੍ਹਾਂ ਖਿਲਾਫ ਦੋਸ਼ ਵੀ ਆਇਦ ਕਰ ਦਿੱਤੇ ਗਏ ਹਨ।
ਗ੍ਰਿਫਤਾਰ ਕੀਤੇ ਗਏ ਪੰਜਾਬੀਆਂ ਦੀ ਪਛਾਣ 44 ਸਾਲ ਦੇ ਜਸਵਿੰਦਰ ਅਟਵਾਲ ਅਤੇ 30 ਸਾਲ ਦੇ ਨਵਤੇਜ ਸਿੰਘ ਵਜੋਂ ਕੀਤੀ ਗਈ ਹੈ। ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨੇ ਜਾਣਕਾਰੀ ਦਿੰਦੇ ਦੱਸਿਆ ਕਿ ਜਸਵਿੰਦਰ ਅਟਵਾਲ ਬਰੈਂਪਟਨ ਦਾ ਵਸਨੀਕ ਹੈ ਜਦਕਿ ਨਵਤੇਜ ਸਿੰਘ ਨੌਰਥ ਯਾਰਕ ‘ਚ ਰਹਿੰਦਾ ਹੈ।
ਇਹ ਚੋਰੀ ਦੀ ਵਾਰਦਾਤ ਬਰੈਂਪਟਨ ਦੇ ਏਅਰਪੋਰਟ ਰੋਡ ਅਤੇ ਮੇਅਫੀਲਡ ਰੋਡ ਇਲਾਕੇ ਵਿਚ ਪਹਿਲੀ ਸਤੰਬਰ ਦੀ ਸਵੇਰ ਵਾਪਰੀ। ਪੀਲ ਰੀਜਨਲ ਪੁਲਿਸ ਵੱਲੋਂ ਚੋਰੀ ਦੀ ਵਾਰਦਾਤ ਬਾਰੇ ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਨਾਲ ਜਾਣਕਾਰੀ ਸਾਂਝੀ ਕੀਤੀ ਗਈ ਅਤੇ ਪਹਿਲੀ ਸਤੰਬਰ ਨੂੰ ਹੀ ਦੁਪਹਿਰ 12.30 ਵਜੇ ਗਸ਼ਤ ਕਰ ਰਹੇ ਓਨਟਾਰੀਓ ਪ੍ਰੋਵਿੰਸ਼ੀਅਲ ਪੁਲਿਸ ਦੇ ਇੱਕ ਅਫ਼ਸਰ ਨੂੰ ਟਰੱਕ ਮਿਲ ਗਿਆ। ਪੁਲਿਸ ਅਫ਼ਸਰ ਗਸ਼ਤ ਕਰ ਰਿਹਾ ਸੀ ਤਾਂ ਉਸ ਨੂੰ ਬਗੈਰ ਨੰਬਰ ਪਲੇਟਾਂ ਵਾਲਾ ਇਕ ਟਰੱਕ ਨਜ਼ਰ ਆਇਆ ਜੋ ਕੈਲੇਡਨ ਦੇ ਮਰਚੈਂਟ ਰੋਡ ’ਤੇ ਖੜ੍ਹਾ ਸੀ।
ਜਦੋਂ ਪੁਲਿਸ ਅਫ਼ਸਰ ਨੇ ਨੇੜੇ ਜਾ ਕੇ ਦੇਖਿਆ ਤਾਂ ਦੋ ਵਿਅਕਤੀ ਅੰਦਰ ਸੌਂ ਰਹੇ ਸਨ, ਜਿਨ੍ਹਾਂ ਨੂੰ ਉਠਾ ਕੇ ਕਾਗਜ਼ ਪੱਤਰ ਮੰਗੇ ਗਏ ਪਰ ਉਹ ਕੁਝ ਵੀ ਦਿਖਾਉਣ ਵਿਚ ਅਸਫ਼ਲ ਰਹੇ। ਇਸੇ ਦੌਰਾਨ ਦੋਹਾਂ ਨੇ ਟਰੱਕ ਲੈ ਕੇ ਫਰਾਰ ਹੋਣ ਦਾ ਯਤਨ ਕੀਤਾ ਅਤੇ ਪੁਲਿਸ ਦੀ ਗੱਡੀ ਨੂੰ ਟੱਕਰ ਮਾਰ ਦਿੱਤੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
