ਚੰਡੀਗੜ੍ਹ: ਸੂਬੇ ਵਿਚ ਨਿਜ਼ਾਮੁਦੀਨ ਮਰਕਜ਼ ਤੋਂ ਪਰਤੇ ਜਮਾਤੀਆਂ ਦੇ ਵਧਦੇ ਮਾਮਲਿਆਂ ਨੂੰ ਦੇਖਦਿਆਂ ਪੰਜਾਬ ਸਰਕਾਰ ਨੇ ਜਮਾਤ ਵਿਚ ਸ਼ਾਮਲ ਹੋਏ ਲੋਕਾਂ ਲਈ ਅਲਟੀਮੇਟਮ ਜਾਰੀ ਕੀਤਾ ਹੈ।
ਦਸਣਯੋਗ ਹੈ ਕਿ ਪੰਜਾਬ ਸਣੇ ਕਈ ਰਾਜਾਂ ਵਿੱਚ ਜਮਾਤੀਆਂ ਨੇ ਆਪਣਾ ਫੋਨ ਬੰਦ ਕਰ ਲਿਆ ਹੈ, ਤਾਂਕਿ ਪੁਲਿਸ ਅਤੇ ਸਿਹਤ ਵਿਭਾਗ ਦੀ ਟੀਮ ਉਨ੍ਹਾਂ ਤੱਕ ਨਾਂ ਪਹੁੰਚ ਸਕੇ। ਇਸ ਤੋਂ ਪਰੇਸ਼ਾਨ ਹੋ ਸਰਕਾਰ ਨੇ ਕਿਹਾ ਹੈ ਕਿ ਅਗਲੇ 24 ਘੰਟੇ ਦੇ ਅੰਦਰ ਮਰਕਜ਼ ਤੋਂ ਪਰਤੇ ਲੋਕ, ਜੋ ਹੁਣ ਤੱਕ ਸੂਬੇ ਵਿੱਚ ਲੁਕੇ ਹੋਏ ਹਨ। ਉਹ ਨੇੜੇ ਦੇ ਪੁਲਿਸ ਸਟੇਸ਼ਨ ਵਿੱਚ ਰਿਪੋਰਟ ਕਰਨ। ਜੇਕਰ ਉਹ ਅਜਿਹਾ ਨਹੀਂ ਕਰਦੇ ਹਨ ਤਾਂ ਫਿਰ ਉਨ੍ਹਾਂ ਦੇ ਖਿਲਾਫ ਕਾਰਵਾਈ ਕੀਤੀ ਜਾਵੇਗੀ।
#PunjabHealthDepartment gives 24-hour deadline to all Tabligh Jamaat (TJ) participants of the Delhi Nizamuddin Markaz event, who were hiding out in the state, to report to the nearest police station, or else face criminal prosecution.@DGPPunjabPolice @PunjabPoliceInd
#Covid19
— CMO Punjab (@CMOPb) April 7, 2020
ਦਰਅਸਲ ਪੰਜਾਬ ਵਿੱਚ ਹੁਣ ਤੱਕ ਸੰਕਰਮਣ ਦੇ 99 ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਇਸ ਵਿੱਚ 15 ਤੋਂ ਜ਼ਿਆਦਾ ਤਬਲੀਗੀ ਜਮਾਤ ਨਾਲ ਸਬੰਧਤ ਦੱਸੇ ਜਾ ਰਹੇ ਹਨ। ਅਜਿਹੇ ਵਿੱਚ ਸਰਕਾਰ ਨੂੰ ਡਰ ਹੈ ਕਿ ਜੇਕਰ ਤਬਲੀਗੀ ਜਮਾਤ ਦੇ ਲੋਕਾਂ ਦੀ ਜਾਂਚ ਕਰਕੇ ਉਨ੍ਹਾਂ ਨੂੰ ਆਇਸੋਲੈਟ ਨਹੀਂ ਕੀਤਾ ਗਿਆ ਤਾਂ ਸੰਕਰਮਣ ਦੇ ਅੰਕੜੇ ਤੇਜੀ ਨਾਲ ਵੱਧ ਸਕਦੇ ਹਨ।
ਪੰਜਾਬ ਵਿਚ ਜਮਾਤੀਆਂ ਦੀ ਸਥਿਤੀ
-ਪ੍ਰੋਗਰਾਮ ਵਿਚ ਸ਼ਾਮਲ ਹੋ ਕੇ ਪਰਤੇ 467
-ਟ੍ਰੇਸ ਕੀਤੇ 445
-ਟੈਸਟ ਹੋਏ 350
-ਨੈਗੇਟਿਵ 111
-ਪੌਜ਼ਿਟਿਵ 17
-ਰਿਪੋਰਟ ਦਾ ਇੰਤਜ਼ਾਰ 227
