ਪ੍ਰਸਿੱਧ ਬਾਲੀਵੁੱਡ ਅਦਾਕਾਰ ਕਿਰਨ ਕੁਮਾਰ ਦੀ ਕੋਰੋਨਾ ਰਿਪੋਰਟ ਆਈ ਪੋਜੀਟੀਵ

ਮੁੰਬਈ : ਕੋਰੋਨਾ ਵਾਇਰਸ ਦਾ ਪ੍ਰਕੋਪ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ। ਇਸ ਭੈੜੀ ਬਿਮਾਰੀ ਨੇ ਬਾਲੀਵੁੱਡ ਅਭਿਨੇਤਾ ਕਿਰਨ ਕੁਮਾਰ ਨੂੰ ਵੀ ਆਪਣੀ ਗ੍ਰਿਫ਼ਤ ਵਿਚ ਲੈ ਲਿਆ ਹੈ । ਜੀ ਹੈ ਅੱਜ ਉਨ੍ਹਾਂ ਦੀ ਕੋਰੋਨਾਵਾਇਰਸ ਰਿਪੋਰਟ ਸਕਾਰਾਤਮਕ ਆਈ ਹੈ। ਰਿਪੋਰਟ ਅਨੁਸਾਰ, ਦਿੱਗਜ ਅਭਿਨੇਤਾ ਨੇ ਆਪਣੇ ਆਪ ਨੂੰ ਪਿਛਲੇ 10 ਦਿਨ ਤੋਂ ਇਕਾਂਤਵਾਸ ਕਰ ਲਿਆ ਹੈ ।
ਕਿਰਨ ਕੁਮਾਰ ਨੇ ਦਸਿਆ ਕਿ ਉਹ ਠੀਕ ਹਨ ਅਤੇ ਉਨ੍ਹਾਂ ਨੇ 14 ਮਈ ਨੂੰ ਆਪਣਾ ਕੋਰੋਨਾ ਵਾਇਰਸ ਟੈਸਟ ਕਰਵਾਇਆ ਸੀ ਅਤੇ ਉਸ ਦਿਨ ਤੋਂ ਹੀ ਉਨ੍ਹਾਂ ਨੇ ਆਪਣੇ ਆਪ ਨੂੰ ਇਕਾਂਤਵਾਸ ਵਿਚ ਰੱਖਿਆ ਸੀ । ਕਿਰਨ ਮੁਤਾਬਿਕ ਉਸ ਦੇ ਸਰੀਰ ਵਿੱਚੋ ਕੋਰੋਨਾ ਵਾਇਰਸ ਦੇ ਕੋਈ ਲੱਛਣ ਦਿਖਾਈ ਨਹੀਂ ਦਿਤੇ । ਰਿਪੋਰਟਾਂ ਅਨੁਸਾਰ ਕੁਮਾਰ ਦਾ ਅਗਲਾ ਟੈਸਟ 25 ਮਈ, ਸੋਮਵਾਰ ਨੂੰ ਲਿਆ ਜਾਵੇਗਾ।
ਦੱਸ ਦੇਈਏ ਕਿ 74 ਸਾਲਾ ਅਦਾਕਾਰ ਵੱਡੇ ਅਤੇ ਛੋਟੇ ਦੋਵੇਂ ਪਰਦੇ ‘ਤੇ ਆਪਣੇ ਕੰਮ ਲਈ ਮਸ਼ਹੂਰ ਹਨ । ਕਿਰਨ ਕੁਮਾਰ ਨੇ ਸੈਂਕੜੇ ਬਾਲੀਵੁੱਡ ਫਿਲਮਾਂ ਵਿੱਚ ਕੰਮ ਕੀਤਾ ਹੈ ਅਤੇ ਹਿੰਦੀ ਸ਼ੋਅ ਦੇ ਨਾਲ ਭੋਜਪੁਰੀ ਅਤੇ ਗੁਜਰਾਤੀ ਟੀਵੀ ਸੀਰੀਅਲ ਵਿੱਚ ਵੀ ਨਜ਼ਰ ਆ ਚੁਕੇ ਹਨ ।