ਵੈਸਟਮਿੰਸਟਰ: ਆਮ ਤੌਰ ਤੇ ਸਕੂਲਾਂ ਦੇ ਬਾਹਰ ਜਾਂ ਅੰਦਰ ਅਸੀਂ ਕਈ ਤਰਾਂ ਦੀਆਂ ਗਲਤ ਵਾਰਦਾਤਾਂ ਹੋਣ ਦੀਆਂ ਖਬਰਾਂ ਸੁਣਦੇ ਰਹਿੰਦੇ ਹਾਂ, ਹਾਲ ਹੀ ‘ਚ ਜਿਹੜੀ ਹਰਕਤ ਇੱਕ ਸਕੂਲ ਦੇ ਬਾਹਰ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਇਹ ਸ਼ਰਮਿੰਦਗੀ ਭਰਿਆ ਹੈ। ਪੁਲਿਸ ਇੱਕ ਅਜਿਹੇ ਵਿਅਕਤੀ ਦੀ ਨਿਊ ਵੈਸਟਮਿੰਸਟਰ ਵਿਚ ਕਰ ਰਹੀ ਹੈ, ਜਿਸ ਨੇ ਅਜਿਹੀ ਕਰਤੂਤ ਇੱਕ ਸਕੂਲ ਦੇ ਬਾਹਰ ਬਚਿਆਂ ਅੱਗੇ ਕੀਤੀ ਜੋ ਕਿ ਨਾਂ ਬਖਸ਼ਣ ਯੋਗ ਹੈ।
ਦੱਸਣਯੋਗ ਹੈ ਕਿ ਗਲੈਨਬਰੂਕ ਮਿਡਲ ਸਕੂਲ ਦੇ ਬਾਹਰ ਇੱਕ ਵਿਅਕਤੀ ਨੇ ਬੱਚਿਆਂ ਅੱਗੇ ਗਲਤ ਤਰੀਕੇ ਨਾਲ ਆਪਣੇ ਨਿੱਜੀ ਅੰਗਾ ਨੂੰ ਪੇਸ਼ ਕੀਤਾ। ਸਕੂਲ ਦੇ ਸਟਾਫ ਨੇ ਮੰਗਲਵਾਰ 11 ਵਜੇ ਦੇ ਕਰੀਬ ਪੁਲਿਸ ਨੂੰ ਫੋਨ ਕਰਕੇ ਵਿਦਿਆਰਥੀਆਂ ਦੇ ਇੱਕ ਗਰੁੱਪ ਅੱਗੇ ਕੀਤੀ ਗਈ ਇਸ ਅਸ਼ਲੀਲ ਹਰਕਤ ਦੀ ਰਿਪੋਰਟ ਦਰਜ ਕਰਵਾਈ।
ਸਾਰਜੈਂਟ ਨੇ ਕਿਹਾ ਕਿ ਇਥੇ ਬਹੁਤ ਸਾਰੇ ਗਵਾਹ ਸਨ, ਜਿਨ੍ਹਾਂ ਨੇ ਇਸ ਘਟਨਾ ਨੂੰ ਦੇਖਿਆ ਇਸ ਲਈ ਜਾਂਚਕਰਤਾ ਵੱਧ ਤੋਂ ਵੱਧ ਜਾਣਕਾਰੀ ਇੱਕਠੀ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਹਾਲਾਂਕੀ ਇਸ ਤਰਾਂ ਦੀਆਂ ਸਥਿਤੀਆਂ ਬਹੁਤ ਜ਼ਿਆਦਾ ਆਮ ਨਹੀਂ ਹਨ ਪਰ, ਇਹ ਕਿਸੇ ਵੀ ਵਿਅਕਤੀ ਲਈ ਗਵਾਹੀ ਦੇਣ ਲਈ ਚਿੰਤਾਜਨਕ ਵੀ ਹਨ। ਸ਼ੱਕੀ ਵਿਅਕਤੀ ਦੀ ਉਮਰ 40 ਤੋਂ 50 ਸਾਲ ਦੇ ਦਰਮਿਆਨ ਦੱਸੀ ਜਾ ਰਹੀ ਹੈ ਜਿਸਦਾ ਕੱਦ ਪੰਜ ਫੁੱਟ ਛੇ ਇੰਚ ਹੈ। ਗਵਾਹਾਂ ਨੇ ਕਿਹਾ ਕਿ ਉਹ ਸਕੂਲ ਦੇ ਮੈਦਾਨ ਤੋਂ 8ਵੇਂ ਐਵਨਿਊ ਦੇ ਪਾਰ ਮੈਕਬਰਾਈਡ ਬੁਲੇਵਾਰਡ ਤੇ ਰਾਇਅਲ ਸਕੁਏਅਰ ਪਾਰਕਿੰਗ ਲਾਟ ਵਲ ਭੱਜ ਗਿਆ। ਜੇ ਕਿਸੇ ਨੂੰ ਇਸ ਖਬਰ ਦੀ ਜਾਣਕਾਰੀ ਹੈ ਤਾਂ ਪੁਲਿਸ ਨਾਲ 604-525-5411 ਤੇ ਸਪੰਰਕ ਕਰ ਸਕਦਾ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
