ਬਰੈਂਪਟਨ ‘ਚ 60 ਸਾਲਾ ਪੰਜਾਬੀ ਲਾਪਤਾ

TeamGlobalPunjab
1 Min Read

ਬਰੈਂਪਟਨ: ਬਰੈਂਪਟਨ ਵਿਖੇ ਬੀਤੀ 7 ਅਪ੍ਰੈਲ ਤੋਂ ਲਾਪਤਾ ਹੋਏ ਬਲਬੀਰ ਸਿੰਘ ਦੀ ਕੋਈ ਜਾਣਕਾਰੀ ਨਹੀਂ ਮਿਲ ਰਹੀ ਅਤੇ ਯਾਰਕ ਰੀਜਨ ਦੀ ਪੁਲਿਸ ਵੱਲੋਂ 60 ਸਾਲਾ ਬਲਬੀਰ ਸਿੰਘ ਦੀ ਭਾਲ ਲਈ ਲੋਕਾਂ ਦੀ ਸਹਾਇਤਾ ਮੰਗੀ ਹੈ।

ਯਾਰਕ ਰੀਜਨ ਵਿਚ ਪੈਦੇ ਈਸਟ ਗਵੀਲਿਬਰੀ ਕਸਬੇ ਨਾਲ ਸਬੰਧਤ ਬਲਬੀਰ ਲੇਸ਼ਰ ਨੂੰ ਆਖਰੀ ਵਾਰ 7 ਅਪ੍ਰੈਲ ਨੂੰ ਬਰੈਂਪਟਨ ਦੀ ਚਿੰਗੁਕੋਜੀ ਰੋਡ ਅਤੇ ਵਿਲੀਅਮਜ਼ ਪਾਰਕਵੇਅ ਇਲਾਕੇ ਵਿਚ ਵੇਖਿਆ ਗਿਆ ਸੀ ਜਿਥੇ ਉਹ ਕਿਸੇ ਨੂੰ ਮਿਲਣ ਗਏ ਸਨ ਪਰ ਵਾਪਸ ਨਹੀਂ ਪਰਤੇ।

ਬਲਬੀਰ ਲੇਸ਼ਰ ਦਾ ਕੱਦ 5 ਫੁੱਟ 7 ਇੰਚ ਅਤੇ ਵਜ਼ਨ ਲਗਭਗ 82 ਕਿਲੋ ਹੈ। ਉਨ੍ਹਾ ਦਾ ਸਰੀਰ ਦਰਮਿਆਨਾ ਅਤੇ ਅੱਖਾਂ ਦਾ ਰੰਗ ਭੂਰਾ ਹੈ। ਪੁਲਿਸ ਨੇ ਦੱਸਿਆ ਕਿ ਆਖਰੀ ਵਾਰ ਵੇਖੇ ਜਾਣ ਵਾਲੇ ਬਲਬੀਰ ਨੇ ਗੂੜ੍ਹੇ ਰੰਗ ਦੀ ਪੈਂਟ ਅਤੇ ਜ਼ਿਪ ਵਾਲੀ ਜੈਕਟ ਪਹਿਨੀ ਹੋਈ ਸੀ। ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇ ਕਿਸੇ ਕੋਲ ਬਲਬੀਰ ਲੇਸ਼ਰ ਬਾਰੇ ਕੋਈ ਜਾਣਕਾਰੀ ਹੋਵੇ ਤਾਂ ਤੁਰਤ ਯਾਰਕ ਰੀਜਨ ਦੇ ਜਾਂਚਕਰਤਾਵਾਂ ਨਾਲ ਸੰਪਰਕ ਕਰੇ।

Share this Article
Leave a comment