ਨਿਊਜ਼ ਡੈਸਕ: ਰੋਟਾਨ ਟਾਪੂ ਤੋਂ ਲਾ ਸੇਈਬਾ ਲਈ ਜਾ ਰਿਹਾ ਇੱਕ ਜਹਾਜ਼ ਹੋਂਡੂਰਸ ਦੇ ਤੱਟ ‘ਤੇ ਹਾਦਸਾਗ੍ਰਸਤ ਹੋ ਗਿਆ, ਜਿਸ ਵਿੱਚ ਮਸ਼ਹੂਰ ਸੰਗੀਤਕਾਰ ਔਰੇਲੀਓ ਮਾਰਟੀਨੇਜ਼ ਸਮੇਤ 12 ਲੋਕਾਂ ਦੀ ਮੌਤ ਹੋ ਗਈ। ਜਹਾਜ਼ ‘ਚ 17 ਯਾਤਰੀ ਸਵਾਰ ਸਨ, ਜਿਨ੍ਹਾਂ ‘ਚੋਂ 5 ਲੋਕਾਂ ਨੂੰ ਬਚਾ ਲਿਆ ਗਿਆ ਹੈ।
ਪਿਛਲੇ ਸੋਮਵਾਰ, ਰੋਟਾਨ ਆਈਲੈਂਡ ਤੋਂ ਲਾ ਸੇਈਬਾ ਲਈ ਉਡਾਣ ਭਰਦੇ ਸਮੇਂ ਲਾਂਹਾਸਾ ਏਅਰਲਾਈਨਜ਼ ਦਾ ਇੱਕ ਜਹਾਜ਼ ਨੁਕਸਾਨਿਆ ਗਿਆ ਸੀ। ਸਥਾਨਿਕ ਪੁਲਿਸ ਨੇ ਦੱਸਿਆ ਕਿ ਜਹਾਜ਼ ਸਹੀ ਢੰਗ ਨਾਲ ਉਡਾਣ ਨਹੀਂ ਭਰ ਸਕਿਆ ਅਤੇ ਸਮੁੰਦਰ ਵਿੱਚ ਡਿੱਗ ਗਿਆ। ਸਥਾਨਿਕ ਮਛੇਰਿਆਂ ਨੇ ਲੋਕਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ, ਜਿਸ ਵਿਚ ਕੁਝ ਜਾਨਾਂ ਬਚ ਗਈਆਂ। ਇਸ ਘਟਨਾ ‘ਤੇ ਹੋਂਡੂਰਸ ਸਿਵਲ ਐਰੋਨਾਟਿਕਸ ਏਜੰਸੀ ਨੇ ਕਿਹਾ ਕਿ ਘਟਨਾ ਦੇ ਕਾਰਨਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਜਹਾਜ਼ ਦੁਰਘਟਨਾ ਵਿੱਚ ਔਰੇਲੀਓ ਮਾਰਟਿਨੇਜ਼ ਸੁਆਜ਼ੋ ਦੀ ਵੀ ਮੌਤ ਹੋ ਗਈ, ਜੋ ਗਾਰੀਫੁਨਾ ਸੰਗੀਤ ਵਿੱਚ ਆਪਣੇ ਯੋਗਦਾਨ ਲਈ ਜਾਣਿਆ ਜਾਂਦਾ ਸੀ। ਇਸ ਦੇ ਨਾਲ ਹੀ ਉਹ ਰਾਜਨੀਤੀ ਵਿੱਚ ਵੀ ਕਾਫੀ ਸਰਗਰਮ ਸਨ। ਜਹਾਜ਼ ਹਾਦਸੇ ਵਿੱਚ ਸੰਗੀਤਕਾਰ ਸਮੇਤ 12 ਲੋਕਾਂ ਦੀ ਮੌਤ ਹੋ ਗਈ ਸੀ। ਉਸਦੀ ਮੌਤ ਤੋਂ ਬਾਅਦ ਉਸਦੇ ਭਤੀਜੇ ਨੇ ਕਿਹਾ ਕਿ ਮਾਰਟੀਨੇਜ਼ ਹੋਂਡੂਰਸ ਤੋਂ ਗਾਰੀਫੁਨਾ ਸੰਗੀਤ ਦਾ ਇੱਕ ਮਸ਼ਹੂਰ ਮਾਡਲ ਸੀ। ਸੁਲਾ ਵੈਲੀ ਦੇ ਅਫਰੀਕੀ ਵੰਸ਼ਜਾਂ ਦੇ ਪ੍ਰਧਾਨ ਹੰਬਰਟੋ ਕੈਸਟੀਲੋ ਨੇ ਉਸ ਨੂੰ ‘ਗਰੀਫੁਨਾ ਸੱਭਿਆਚਾਰ ਦਾ ਰਾਜਦੂਤ’ ਕਿਹਾ। ਔਰੇਲੀਓ ਮਾਰਟੀਨੇਜ਼ ਦਾ ਜਨਮ 1969 ਵਿੱਚ ਪਲੇਪਲੇਆ, ਹੋਂਡੂਰਸ ਵਿੱਚ ਹੋਇਆ ਸੀ। ਉਹ ਮੱਧ ਅਮਰੀਕਾ ਦੇ ਇੱਕ ਅਫਰੀਕੀ-ਆਵਾਸੀ ਸਮੂਹ, ਗੈਰੀਫੁਨਾ ਨਾਲ ਜੁੜ ਗਿਆ, ਅਤੇ ਕਾਫ਼ੀ ਪ੍ਰਸਿੱਧੀ ਪ੍ਰਾਪਤ ਕੀਤੀ। ਸਾਲ 1990 ਵਿੱਚ, ਉਸਨੇ ਸੰਗੀਤ ਦੀ ਦੁਨੀਆ ਵਿੱਚ ਪ੍ਰਵੇਸ਼ ਕੀਤਾ ਅਤੇ ਲੋਸ ਗਾਟੋਸ ਬ੍ਰਾਵੋਸ ਨਾਮਕ ਬੈਂਡ ਦਾ ਮੁੱਖ ਗਾਇਕ ਬਣ ਗਿਆ। ਉਸਦੀ ਪਹਿਲੀ ਐਲਬਮ ‘ਗਰੀਫੁਨਾ ਸੋਲ’ ਨੇ ਉਸਨੂੰ ਅੰਤਰਰਾਸ਼ਟਰੀ ਮਾਨਤਾ ਦਿਵਾਈ। ਸੰਗੀਤ ਤੋਂ ਇਲਾਵਾ ਮਾਰਟੀਨੇਜ਼ ਨੇ ਰਾਜਨੀਤੀ ਵਿੱਚ ਵੀ ਹੱਥ ਅਜ਼ਮਾਇਆ ਸੀ।
ਨੋਟ: ਪੰਜਾਬੀ ਦੀਆਂ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੀ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ Global Punjab TV ਦੇ YouTube ਚੈਨਲ ਨੂੰ Subscribe ਕਰੋ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ ‘ਤੇ ਵੀ Follow ਕਰ ਸਕਦੇ ਹੋ। ਸਾਡੀ ਵੈੱਬਸਾਈਟ https://globalpunjabtv.com/ ‘ਤੇ ਜਾ ਕੇ ਵੀ ਹੋਰ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
