ਟੋਰਾਂਟੋ : ਓਂਂਟਾਰੀਓ ਸੂਬੇ ਵਿੱਚ ਕੋਵਿਡ ਵੈਕਸੀਨ ਦੀ ਦੂਜੀ ਖੁਰਾਕ ਨੂੰ ਲੈ ਕੇ ਤਿਆਰੀਆਂ ਮੁਕੰਮਲ ਹੋ ਚੁੱਕੀਆਂ ਹਨ। ਸੂਬੇ ਦੇ ਸਿਹਤ ਵਿਭਾਗ ਨੇ 70 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੇ ਵਿਅਕਤੀਆਂ ਨੂੰ ਵੈਕਸੀਨ ਦੀ ਦੂਜੀ ਖੁਰਾਕ ਲਈ ਬੁਕਿੰਗ ਕਰਵਾਉਣ ਲਈ ਕਿਹਾ ਹੈ । ਅਜਿਹਾ ਸੂਬੇ ਨੂੰ ਵੈਕਸੀਨ ਦੀ ਸਪਲਾਈ ਵਿੱਚ ਸੁਧਾਰ ਹੋਣ ਤੋਂ ਬਾਅਦ ਕੀਤਾ ਗਿਆ ਹੈ।
ਸੂਬੇ ਦੇ ਪ੍ਰੀਮੀਅਰ ਡਗ ਫੋਰਡ ਅਨੁਸਾਰ ਵੈਕਸੀਨੇਸ਼ਨ ਦੀ ਦੂਜੀ ਖੁਰਾਕ ਦਾ ਦੌਰ ਅੱਗੇ ਵਧਾਇਆ ਜਾ ਰਿਹਾ ਹੈ। ਸਿਹਤ ਵਿਭਾਗ ਵੱਲੋਂ 70 ਸਾਲ + ਉਹਨਾਂ ਵਿਅਕਤੀਆਂ ਨੂੰ ਸੱਦਾ ਹੈ ਜਿਨ੍ਹਾਂ ਨੇ ਆਪਣੀ ਪਹਿਲੀ ਐਮਆਰਐਨਏ ਟੀਕੇ (ਫਾਈਜ਼ਰ ਜਾਂ ਮਾਡਰਨਾ) ਦੀ ਖੁਰਾਕ 18 ਅਪ੍ਰੈਲ, 2021 ਨੂੰ ਜਾਂ ਇਸ ਤੋਂ ਪਹਿਲਾਂ ਲਈ ਹੈ, ਉਹ ਹੁਣ ਦੂਜੀ ਖੁਰਾਕ ਲਈ ਬੁਕਿੰਗ ਕਰਵਾ ਸਕਦੇ ਹਨ।
Ontario is accelerating second doses of the #COVID19 vaccine ahead of schedule!
Individuals 70+ in 2021, as well as those who received a first dose of an mRNA vaccine on or before April 18, are invited to book an accelerated second dose appointment. https://t.co/6O9RkL6iUD pic.twitter.com/m2gnF90E2B
— Doug Ford (@fordnation) June 6, 2021
ਓਂਟਾਰੀਓ ਦੀ ਫੋਰਡ ਸਰਕਾਰ ਨੂੰ ਉਮੀਦ ਹੈ ਕਿ ਜੂਨ ਵਿਚ ਫਾਈਜ਼ਰ ਕੋਵਿਡ-19 ਵੈਕਸੀਨ ਦੀਆਂ ਲਗਭਗ 4.7 ਮਿਲੀਅਨ ਖੁਰਾਕਾਂ ਅਤੇ ਜੁਲਾਈ ਵਿਚ ਲਗਭਗ 3.54 ਮਿਲੀਅਨ ਖੁਰਾਕਾਂ ਮਿਲਣਗੀਆਂ । ਪ੍ਰਾਂਤ ਨੂੰ ਮਾਡਰਨਾ ਵੈਕਸੀਨ ਦੀਆਂ 1,93,000 ਖੁਰਾਕਾਂ ਵੀ ਮਿਲੀਆਂ ਹਨ।
ਟੀਕਿਆਂ ਦੀ ਇਸ ਭਰੋਸੇਮੰਦ ਅਤੇ ਵਧੀ ਹੋਈ ਸਪਲਾਈ ਨੇ ਸੂਬੇ ਨੂੰ ਸਾਰੇ ਜਨਤਕ ਸਿਹਤ ਇਕਾਈਆਂ ਅਤੇ ਵੱਖ-ਵੱਖ ਚੈਨਲਾਂ ਰਾਹੀਂ ਵੈਕਸੀਨ ਟੀਕੇ ਤੇਜ਼ੀ ਨਾਲ ਪਹੁੰਚ ਕਰਨ ਦੀ ਆਗਿਆ ਦਿੱਤੀ ਹੈ, ਜਿਸ ਵਿੱਚ ਸਮੂਹ ਟੀਕਾਕਰਨ ਕਲੀਨਿਕਾਂ, ਹਸਪਤਾਲਾਂ ਦੇ ਕਲੀਨਿਕਾਂ, ਫਾਰਮੇਸੀਆਂ ਅਤੇ ਮੁੱਢਲੀਆਂ ਦੇਖਭਾਲ ਦੀਆਂ ਸੈਟਿੰਗਾਂ ਸ਼ਾਮਲ ਹਨ।
ਸੋਮਵਾਰ, 7 ਜੂਨ, 2021 ਨੂੰ ਸਵੇਰੇ 8:00 ਵਜੇ ਤੋਂ 70 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਵਿਅਕਤੀ ਅਤੇ ਨਾਲ ਹੀ ਉਹ ਵਿਅਕਤੀ ਜਿਨ੍ਹਾਂ ਨੇ 18 ਅਪ੍ਰੈਲ 2021 ਨੂੰ ਜਾਂ ਉਸ ਤੋਂ ਪਹਿਲਾਂ ਕਿਸੇ ਐਮਆਰਐਨਏ ਟੀਕੇ ਦੀ ਪਹਿਲੀ ਖੁਰਾਕ ਪ੍ਰਾਪਤ ਕੀਤੀ ਸੀ, ਦੂਜੀ ਖੁਰਾਕ ਲਈ ਬੁਕਿੰਗ ਕਰਵਾ ਸਕਦੇ ਹਨ।
