ਵੈਨਕੂਵਰ: ਕੈਨੇਡਾ ਤੋਂ ਡਿਪੋਰਟ ਹੋਏ ਤੇ ਥਾਈਲੈਂਡ ‘ਚ ਕਤਲ ਗਏ ਪੰਜਾਬੀ ਗੈਂਗਸਟਰ ਜਿਮੀ ਸੰਧੂ ਦਾ ਕਤਲ ਕਰ ਕੇ ਫ਼ਰਾਰ ਹੋਏ ਦੋ ਜਣਿਆਂ ਵਿਚੋਂ ਇਕ ਨੂੰ ਕੈਨੇਡਾ ਪੁਲਿਸ ਨੇ ਕਾਬੂ ਕਰ ਲਿਆ ਹੈ। ਜਾਣਕਾਰੀ ਮੁਤਾਬਕ ਮੈਥਿਊ ਡੂਪਰੇ ਨੂੰ ਬੀ.ਸੀ. ਦੇ ਟ੍ਰੇਲ ਕਸਬੇ ਤੋਂ ਕਾਬੂ ਕੀਤਾ ਗਿਆ ਜਦਕਿ ਦੂਜਾ ਕਤਲ ਜੀਨ ਲਾਰਕੈਂਪ ਹਾਲੇ ਵੀ ਫ਼ਰਾਰ ਹੈ।
ਦੱਸਣਯੋਗ ਹੈ ਕਿ ਸਾਲ 2016 ਵਿੱਚ ਕੈਨੇਡਾ ਤੋਂ ਡਿਪੋਰਟ ਕੀਤੇ ਗਏ ਭਾਰਤੀ ਗੈਂਗਸਟਰ ਜਿਮੀ ਸਿੰਘ ਸੰਧੂ ਦਾ ਬੀਤੀ 5 ਫਰਵਰੀ ਨੂੰ ਥਾਈਲੈਂਡ ਦੇ ਪਕੇਟ ਹੋਟਲ ਵਿੱਚ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਸੀ। ਨੈਸ਼ਨਲ ਪੁਲਿਸ ਚੀਫ਼ ਨੇ ਜਾਣਕਾਰੀ ਦਿੰਦੇ ਦੱਸਿਆ ਸੀ ਕਿ ਕੈਨੇਡੀਅਨ ਅਧਿਕਾਰੀਆਂ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਸੀ ਕਿ ਸੰਧੂ ਦਾ ਪਾਸਪੋਰਟ ਅਸਲੀ ਸੀ, ਪਰ ਉਹ ਗ਼ਲਤ ਜਾਣਕਾਰੀ ਦੇ ਆਧਾਰ ‘ਤੇ ਬਣਵਾਇਆ ਗਿਆ ਸੀ। ਉਨਾਂ ਨੇ ਇਹ ਵੀ ਦੱਸਿਆ ਕਿ ਜਿਮੀ ਸੰਧੂ ਪ੍ਰਾਈਵੇਟ ਜੈੱਟ ਰਾਹੀਂ ਮਲੇਸ਼ੀਆ ਤੋਂ ਥਾਈਲੈਂਡ ਵਿੱਚ ਦਾਖ਼ਲ ਹੋਇਆ ਸੀ, ਪਰ ਕਿਸੇ ਵੀ ਦੇਸ਼ ਨੇ ਥਾਈਲੈਂਡ ਨੂੰ ਸੰਧੂ ਦੀ ਗ੍ਰਿਫ਼ਤਾਰੀ ਦਾ ਵਾਰੰਟ ਜਾਂ ਕੋਈ ਰੋਡ ਨੋਟਿਸ ਨਹੀਂ ਭੇਜਿਆ ਗਿਆ ਸੀ।
ਉਥੇ ਹੀ ਦੂਜੇ ਪਾਸੇ ਬ੍ਰਿਟਿਸ਼ ਕੋਲੰਬੀਆ ਪੁਲਿਸ ਦੇ ਸੂਤਰਾਂ ਨੇ ਮੀਡੀਆ ਕੋਲ ਪੁਸ਼ਟੀ ਕਰਦਿਆਂ ਦੱਸਿਆ ਸੀ ਕਿ ਗੈਂਗਸਟਰ ਜਿਮੀ ਸੰਧੂ ਦਾ ਬੀ.ਸੀ. ਦੇ ਯੂਨਾਈਟਡ ਨੇਸ਼ਨਸ ਗਿਰੋਹ ਨਾਲ ਸਬੰਧ ਸੀ, ਜਿਸ ਦਾ ਬਰਦਰਸ ਕੀਪਰਸ ਗਿਰੋਹ ਨਾਲ ਲੰਬੇ ਸਮੇਂ ਤੋਂ ਦੁਸ਼ਮਣੀ ਚੱਲ ਰਹੀ ਸੀ। ਸੰਧੂ ਦੇ ਕਤਲ ਤੋਂ ਬਾਅਦ ਲੋਅਰ ਮੇਨਲੈਂਡ ‘ਚ ਸ਼ਾਂਤ ਹੋਈ ਗੈਂਗਵਾਰ ਦੇ ਮੁੜ ਸ਼ੁਰੂ ਹੋਣ ਦੇ ਕਿਆਸ ਲਗਾਏ ਜਾ ਰਹੇ ਹਨ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
