ਨਿਊਜ਼ ਡੈਸਕ: ਟਾਈਗਰ ਸ਼ਰਾਫ਼ ਅਤੇ ਦਿਸ਼ਾ ਪਟਾਨੀ ਨੂੰ ਲਾਕਡਾਊਨ ਦੌਰਾਨ ਬਾਹਰ ਘੁੰਮਣਾ ਮਹਿੰਗਾ ਪੈ ਗਿਆ। ਉਨ੍ਹਾਂ ਖ਼ਿਲਾਫ਼ ਐੱਫਆਈਆਰ ਦਰਜ ਕੀਤੀ ਗਈ ਹੈ। ਉੱਥੇ ਹੀ ਮੁੰਬਈ ਪੁਲਿਸ ਨੇ ਇਸ ਘਟਨਾ ‘ਤੇ ਟਵੀਟ ਕਰਦੇ ਹੋਏ ਲੋਕਾਂ ਨੂੰ ਸਾਵਧਾਨ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ।
ਟਵੀਟ ‘ਚ ਉਨ੍ਹਾਂ ਨੇ ਟਾਈਗਰ ਅਤੇ ਦਿਸ਼ਾ ਦਾ ਨਾਮ ਨਹੀਂ ਲਿਖਿਆ ਪਰ ਉਨ੍ਹਾਂ ਦੀ ਫ਼ਿਲਮਾਂ ਦੇ ਨਾਮ ਨਾਲ ਇਸ਼ਾਰਾ ਕੀਤਾ ਹੈ। ਰਿਪੋਰਟਾਂ ਮੁਤਾਬਕ ਟਾਈਗਰ ਅਤੇ ਦਿਸ਼ਾ ਬੈਂਡਸਟੈਂਡ ਦੇ ਨੇੜੇ ਘੁੰਮ ਰਹੇ ਸਨ।
ਮੁੰਬਈ ਪੁਲਿਸ ਨੇ ਆਪਣੇ ਟਵੀਟ ਵਿੱਚ ਲਿਖਿਆ, ਵਾਇਰਸ ਕਾਰਨ ਚੱਲ ਰਹੀ ‘WAR’ ਵਿਚਾਲੇ ਬਾਂਦਰਾਂ ਦੀਆਂ ਗਲੀਆਂ ‘ਚ ‘Malang’ ਹੋਣਾ ਦੋ ਅਦਾਕਾਰਾਂ ਨੂੰ ਭਾਰੀ ਪੈ ਗਿਆ। ਜਿਨ੍ਹਾਂ ‘ਤੇ ਸੈਕਸ਼ਨ 188, 34 IPC ਦੇ ਤਹਿਤ ਬਾਂਦਰਾ ਪੁਲਿਸ ਸਟੇਸ਼ਨ ਵਿੱਚ FIR ਦਰਜ ਕੀਤੀ ਗਈ ਹੈ। ਅਸੀ ਮੁੰਬਈ ਦੇ ਲੋਕਾਂ ਨੂੰ ਅਪੀਲ ਕਰਦੇ ਹਾਂ ਕਿ ਉਹ ਬਗੈਰ ਕਿਸੇ ਵਜ੍ਹਾ ‘Heropanti’ ਨਾਂ ਕਰਨ ਜਿਸ ਨਾਲ ਕੋਵਿਡ-19 ਦੇ ਖਿਲਾਫ ਸੁਰੱਖਿਆ ਵਿੱਚ ਕੋਈ ਲਾਪਰਵਾਹੀ ਹੋਵੇ।
In the ongoing ‘War’ against the virus, going ‘Malang’ on the streets of Bandra cost dearly to two actors who have been booked under sections 188, 34 IPC by
Bandra PStn . We request all Mumbaikars to avoid unnecessary ‘Heropanti’ which can compromise on safety against #COVID19
— Mumbai Police (@MumbaiPolice) June 3, 2021
ਪੁਲਿਸ ਮੁਤਾਬਕ ਦਿਸ਼ਾ ਤੇ ਟਾਈਗਰ ਬੈਂਡਸਟੈਂਡ ਦੇ ਨੇੜੇ ਘੁੰਮਦੇ ਨਜ਼ਰ ਆਏ ਤੇ ਦੁਪਹਿਰ ਦੋ ਵਜੇ ਤੋਂ ਬਾਅਦ ਘਰ ਤੋਂ ਬਾਹਰ ਨਿਕਲਣ ਦੀ ਕੋਈ ਖਾਸ ਵਜ੍ਹਾ ਨਹੀਂ ਦੱਸ ਸਕੇ। ਇੱਕ ਦਿਨ ਪਹਿਲਾਂ ਟਾਈਗਰ ਅਤੇ ਦਿਸ਼ਾ ਕਾਰ ‘ਚ ਘੁੰਮ ਰਹੇ ਸਨ ਤਾਂ ਉਨ੍ਹਾਂ ਨੂੰ ਪੁਲਿਸ ਨੇ ਰੋਕਿਆ ਸੀ। ਰਿਪੋਰਟਾਂ ਸਨ ਕਿ ਮੰਗਲਵਾਰ ਨੂੰ ਜਿੰਮ ਤੋਂ ਪਰਤਣ ਤੋਂ ਬਾਅਦ ਉਹ ਘਰ ਜਾ ਰਹੇ ਸਨ।
