ਨਿਊਜ਼ ਡੈਸਕ: ਪੋਲੈਂਡ ਦੀ ਕੈਰੋਲਿਨਾ ਬੀਲਾਵਸਕਾ (Karolina Bielawska) ਦੇ ਸਿਰ ਮਿਸ ਵਰਲਡ 2021 ਦਾ ਤਾਜ ਸਜਿਆ ਹੈ। ਮਿਸ ਵਰਲਡ 2021 ਦੇ ਮੁਕਾਬਲੇ ਨੂੰ ਪਿਊਰਤੋ ਰਿਕੋ (Puerto Rico) ਵਿੱਚ ਆਯੋਜਿਤ ਕੀਤਾ ਗਿਆ ਸੀ। ਪਿਊਰਤੋ ਰਿਕੋ ਦੇ ਕੋਕਾ-ਕੋਲਾ ਮਿਊਜ਼ਿਕ ਹਾਲ ਵਿੱਚ ਕੈਰੋਲਿਨਾ ਬੀਲਾਵਸਕਾ ਦੇ ਸਿਰ ‘ਤੇ ਮਿਸ ਵਰਲਡ 2021 ਦਾ ਤਾਜ ਸਜਾਇਆ ਗਿਆ। ਜਮੈਕਾ ਦੀ ਟੋਨੀ ਐੱਨ ਸਿੰਘ ਨੇ ਕੈਰੋਲਿਨਾ ਨੂੰ ਮਿਸ ਵਰਲਡ ਦਾ ਤਾਜ ਪਹਿਨਾਇਆ, ਜਦਕਿ ਸੰਯੁਕਤ ਰਾਜ ਭਾਰਤੀ ਮੂਲ ਦੀ ਅਮਰੀਕੀ ਦੀ ਸ਼੍ਰੀ ਸੈਨੀ (Shree Saini) ਇਸ ਮੁਕਾਬਲੇ ‘ਚ ਦੂਜੇ ਨੰਬਰ ‘ਤੇ ਰਹੀ।
ਅਮਰੀਕਾ ਦੀ ਨੁਮਾਇੰਦਗੀ ਕਰਨ ਵਾਲੀ ਸ਼੍ਰੀ ਸੈਨੀ ਮੂਲ ਰੂਪ ਨਾਲ ਲੁਧਿਆਣਾ ਦੀ ਰਹਿਣ ਵਾਲੀ ਹੈ। ਉਨ੍ਹਾਂ ਦਾ ਜਨਮ ਲੁਧਿਆਣਾ ਦੇ ਮੇਜਰ ਸ਼ਿਵ ਦੇਵ ਸਿੰਘ ਨਗਰ ਵਿੱਚ ਹੋਇਆ ਸੀ ਤੇ ਜਦੋਂ ਉਹ ਪੰਜ ਸਾਲ ਦੀ ਸੀ ਤਾਂ ਉਨ੍ਹਾਂ ਦੇ ਪਿਤਾ ਸੰਜੀਵ ਅਤੇ ਮਾਂ ਏਕਤਾ ਅਮਰੀਕਾ ਆ ਕੇ ਵਸ ਗਏ। ਸ਼੍ਰੀ ਸੈਨੀ ਇਸ ਤੋਂ ਪਹਿਲਾਂ ਮਿਸ ਇੰਡੀਆ ਯੂਐੱਸਏ 2017 ਦਾ ਟਾਈਟਲ ਜਿੱਤ ਚੁੱਕੀ ਹੈ।
Our newly crowned Miss World Karolina Bielawska from Poland with 1st Runner Up Shree Saini from United States 2nd Runner up Olivia Yace from Côte d’Ivoire#missworld pic.twitter.com/FFskxtk0KO
— Miss World (@MissWorldLtd) March 17, 2022
- Advertisement -
ਦੱਸ ਦਈਏ ਕਿ ਮਿਸ ਵਰਲਡ 2021 ਦਾ ਆਯੋਜਨ ਪਿਛਲੇ ਸਾਲ 17 ਦਸੰਬਰ ਨੂੰ ਹੋਣਾ ਸੀ, ਪਰ ਕੋਵਿਡ-19 ਕਾਰਨ ਇਸ ਸੁੰਦਰਤਾ ਮੁਕਾਬਲੇ ਵਿੱਚ ਹਿੱਸਾ ਲੈਣ ਵਾਲੇ ਕਈ ਪ੍ਰਤੀਯੋਗੀਆਂ ਨੂੰ ਫਾਈਨਲ ਦੌਰਾਨ ਕੋਰੋਨਾ ਹੋ ਗਿਆ ਸੀ, ਜਿਸ ਕਾਰਨ ਸ਼ੋਅ ਨੂੰ ਤਿੰਨ ਮਹੀਨਿਆਂ ਲਈ ਮੁਲਤਵੀ ਕਰ ਦਿੱਤਾ ਗਿਆ ਸੀ।
Our Miss World 2021 is Karolina Bielawska from Poland! #missworld pic.twitter.com/jYkjbylUub
— Miss World (@MissWorldLtd) March 17, 2022
