ਦਿੱਲੀ ‘ਚ ਅੱਜ ਤੋਂ ਆਮ ਰਫਤਾਰ ਨਾਲ ਚੱਲੇਗੀ ਮੈਟਰੋ ਟਰੇਨ

ਨਵੀਂ ਦਿੱਲੀ: ਦਿੱਲੀ ਵਿੱਚ ਹੜ੍ਹ ਦਾ ਕਹਿਰ ਜਾਰੀ ਹੈ। ਲਾਲ ਕਿਲ੍ਹਾ, ਰਾਜਘਾਟ, ਆਈਟੀਓ ਅਤੇ ਯਮੁਨਾ ਬਾਜ਼ਾਰ ਤੋਂ ਲੈ ਕੇ ਸਾਰੇ ਖੇਤਰਾਂ ਵਿੱਚ ਅਜੇ ਵੀ ਪਾਣੀ ਭਰਨ ਦੀ ਸਥਿਤੀ ਬਣੀ ਹੋਈ ਹੈ। ਸੜਕਾਂ ਪਾਣੀ ਵਿਚ ਡੁੱਬ ਗਈਆਂ ਹਨ। ਆਵਾਜਾਈ ਪ੍ਰਭਾਵਿਤ ਹੋ ਰਹੀ ਹੈ। ਯਮੁਨਾ ਦੇ ਪਾਣੀ ਦਾ ਪੱਧਰ ਅਜੇ ਵੀ ਖ਼ਤਰੇ ਦੇ ਨਿਸ਼ਾਨ ਤੋਂ ਕਰੀਬ 3 ਮੀਟਰ ਉੱਪਰ ਹੈ। ਇਸ ਦੌਰਾਨ DMRC ਨੇ ਦਿੱਲੀ ਦੇ ਲੋਕਾਂ ਲਈ ਰਾਹਤ ਦੀ ਖਬਰ ਦਿੱਤੀ ਹੈ। ਡੀਐਮਆਰਸੀ ਨੇ ਟਵੀਟ ਕਰਕੇ ਜਾਣਕਾਰੀ ਦਿੱਤੀ ਕਿ ਯਮੁਨਾ ‘ਤੇ ਬਣੇ ਮੈਟਰੋ ਪੁਲਾਂ ਨੂੰ ਪਾਰ ਕਰਦੇ ਸਮੇਂ ਮੈਟਰੋ ਟਰੇਨ ਦੀ ਰਫ਼ਤਾਰ ਘੱਟ ਨਹੀਂ ਕੀਤੀ ਜਾਵੇਗੀ। ਸਪੀਡ ਪਾਬੰਦੀਆਂ ਹਟਾ ਦਿੱਤੀਆਂ ਗਈਆਂ ਹਨ। ਸਾਰੀਆਂ ਟਰੇਨਾਂ ਹੁਣ ਆਮ ਰਫ਼ਤਾਰ ਨਾਲ ਚੱਲ ਰਹੀਆਂ ਹਨ।

ਦੱਸ ਦਈਏ ਕਿ ਦੋ ਦਿਨ ਪਹਿਲਾਂ ਯਮੁਨਾ ਨਦੀ ਦੇ ਪਾਣੀ ਦਾ ਪੱਧਰ ਵਧਣ ਦੇ ਮੱਦੇਨਜ਼ਰ ਡੀਐਮਆਰਸੀ ਨੇ ਮੈਟਰੋ ਟਰੇਨ ਦੀ ਰਫ਼ਤਾਰ ‘ਤੇ ਕੰਟਰੋਲ ਸੀਮਾ ਤੈਅ ਕੀਤੀ ਸੀ। ਡੀਐਮਆਰਸੀ ਨੇ ਕਿਹਾ ਸੀ ਕਿ ਯਮੁਨਾ ਦੇ ਪਾਣੀ ਦਾ ਪੱਧਰ ਵਧਣ ਕਾਰਨ ਰੇਲ ਗੱਡੀਆਂ 30 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਸੀਮਤ ਰਫ਼ਤਾਰ ਨਾਲ ਨਦੀ ‘ਤੇ ਬਣੇ ਸਾਰੇ ਚਾਰ ਮੈਟਰੋ ਪੁਲਾਂ ਤੋਂ ਲੰਘਣਗੀਆਂ। ਹਾਲਾਂਕਿ ਸਾਰੇ ਗਲਿਆਰਿਆਂ ‘ਤੇ ਮੈਟਰੋ ਸੇਵਾ ਆਮ ਵਾਂਗ ਹੈ।

Speed restriction imposed while crossing Metro bridges over Yamuna has been removed. All trains are running at normal speed now. https://t.co/bdMaynnYMy

— Delhi Metro Rail Corporation (@OfficialDMRC) July 15, 2023

- Advertisement -

ਦਿੱਲੀ-ਐੱਨਸੀਆਰ ‘ਚ ਹੜ੍ਹ ਤੋਂ ਬਾਅਦ ਹੁਣ ਬਾਰਿਸ਼ ਲੋਕਾਂ ਦੀਆਂ ਮੁਸ਼ਕਿਲਾਂ ਵਧਾ ਸਕਦੀ ਹੈ। ਅੱਜ ਰਾਜਧਾਨੀ ਵਿੱਚ ਵੀ ਮੀਂਹ ਪੈ ਸਕਦਾ ਹੈ। ਮੌਸਮ ਵਿਭਾਗ ਨੇ ਮੀਂਹ ਲਈ ਯੈਲੋ ਅਲਰਟ ਜਾਰੀ ਕੀਤਾ ਹੈ।