ਕਾਬੁਲ: ਅਫਗਾਨਿਸਤਾਨ ਦੀ ਤਾਲਿਬਾਨ ਸਰਕਾਰ ਨੇ ਇਕ ਨਵਾਂ ਫਰਮਾਨ ਜਾਰੀ ਕਰ ਕੇ ਰਾਜਧਾਨੀ ਕਾਬੁਲ ਦੇ ਪਾਰਕਾਂ ‘ਚ ਔਰਤਾਂ ਅਤੇ ਮਰਦਾਂ ਦੇ ਇਕੱਠੇ ਅਤੇ ਉਸੇ ਦਿਨ ਦਾਖਲ ਹੋਣ ‘ਤੇ ਪਾਬੰਦੀ ਲਗਾ ਦਿੱਤੀ ਹੈ। ਨਵੇਂ ਤੁਗਲਕੀ ਫ਼ਰਮਾਨ ਦੇ ਤਹਿਤ, ਹੁਣ ਹਫ਼ਤੇ ਵਿੱਚ 3 ਦਿਨ ਸਿਰਫ਼ ਔਰਤਾਂ ਅਤੇ ਬਾਕੀ 4 ਦਿਨ ਪੁਰਸ਼ਾਂ ਨੂੰ ਪਾਰਕ ਦੇ ਅੰਦਰ ਜਾਣ ਦੀ ਇਜਾਜ਼ਤ ਹੋਵੇਗੀ। ਇਸ ਦੇ ਨਾਲ ਹੀ ਔਰਤਾਂ ਨੂੰ ਵੀ ਆਪਣੇ ਤਿੰਨ ਦਿਨਾਂ ‘ਚ ਹਿਜਾਬ ਪਹਿਨਣਾ ਜ਼ਰੂਰੀ ਹੋਵੇਗਾ।
ਕਰੀਬ 7 ਮਹੀਨੇ ਪਹਿਲਾਂ ਬੰਦੂਕ ਦੀ ਨੋਕ ‘ਤੇ ਅਫਗਾਨਿਸਤਾਨ ‘ਤੇ ਕਬਜ਼ਾ ਕਰਨ ਵਾਲੇ ਤਾਲਿਬਾਨ ਪ੍ਰਸ਼ਾਸਨ ਵੱਲੋਂ ਹਰ ਰੋਜ਼ ਨਵੇਂ-ਨਵੇਂ ਔਰਤ ਵਿਰੋਧੀ ਅਤੇ ਤੰਗ ਸੋਚ ਵਾਲੇ ਫ਼ਰਮਾਨ ਜਾਰੀ ਕੀਤੇ ਜਾ ਰਹੇ ਹਨ। ਇਸ ਵਾਰ ਤਾਲਿਬਾਨ ਦੇ ਸੰਸਕ੍ਰਿਤੀ ਮੰਤਰਾਲੇ (ਮਿਨਿਸਟਰੀ ਆਫ ਵਾਇਸ ਐਂਡ ਵਰਚੂ) ਨੇ ਫਰਮਾਨ ਜਾਰੀ ਕੀਤਾ ਹੈ ਕਿ ਅਫਗਾਨਿਸਤਾਨ ਦੀ ਰਾਜਧਾਨੀ ਕਾਬੁਲ ਦੇ ਜਨਤਕ ਪਾਰਕਾਂ ਵਿਚ ਔਰਤਾਂ ਅਤੇ ਮਰਦ ਇਕੱਠੇ ਨਹੀਂ ਜਾ ਸਕਣਗੇ।
ਤਾਲਿਬਾਨ ਨੇ ਜਨਤਕ ਪਾਰਕਾਂ ਵਿੱਚ ਔਰਤਾਂ ਅਤੇ ਮਰਦਾਂ ਦੇ ਦਾਖ਼ਲੇ ਲਈ ਵੀ ਵੱਖਰੇ ਦਿਨ ਤੈਅ ਕੀਤੇ ਹਨ। ਯਾਨੀ ਔਰਤਾਂ ਲਈ ਨਿਰਧਾਰਤ ਦਿਨਾਂ ‘ਤੇ ਪੁਰਸ਼ਾਂ ਦੇ ਦਾਖਲੇ ‘ਤੇ ਪਾਬੰਦੀ ਹੋਵੇਗੀ ਅਤੇ ਪੁਰਸ਼ਾਂ ਲਈ ਨਿਰਧਾਰਤ ਦਿਨਾਂ ‘ਤੇ ਔਰਤਾਂ ਨੂੰ ਇਜਾਜ਼ਤ ਹੋਵੇਗੀ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates
