ਨਿਊਜ਼ ਡੈਸਕ: ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਨੇ ਇੱਕ ਹੋਰ ਕਾਰੋਬਾਰੀ ਸਟਾਰਟਅਪ ਵਿੱਚ ਨਿਵੇਸ਼ ਕੀਤਾ ਹੈ। ਇਸ ਵਾਰ ਉਨ੍ਹਾਂ ਨੇ ਲਿਬਰੇਟ ਫੂਡਜ਼ ਪ੍ਰਾਈਵੇਟ ਲਿਮਟਿਡ ਵਿੱਚ ਨਿਵੇਸ਼ ਕੀਤਾ ਹੈ। ਇਹ ਕੰਪਨੀ ਪਲਾਂਟ ਆਧਾਰਿਤ ਪ੍ਰੋਟੀਨ ਸਟਾਰਟਅੱਪ ‘ਸ਼ਾਕਾ ਹੈਰੀ’ ਚਲਾਉਂਦੀ ਹੈ। ਪਲਾਂਟ-ਅਧਾਰਿਤ ਚਿਕਨ ਬਣਾਉਣ ਵਾਲੀ ਸਟਾਰਟਅਪ ਨੇ ਕਿਹਾ ਕਿ ਇਸ ਨੂੰ ਬੈਟਰ ਬਾਈਟ ਵੈਂਚਰਸ, ਬਲੂ ਹੋਰੀਜ਼ਨ ਅਤੇ ਪੈਨਥੇਰਾ ਪੀਕ ਵੈਂਚਰਸ ਦੀ ਅਗਵਾਈ ਵਿੱਚ ਸ਼ੁਰੂਆਤੀ ਪੂੰਜੀ ਦੌਰ ਵਿੱਚ $2 ਮਿਲੀਅਨ ਪ੍ਰਾਪਤ ਹੋਏ ਹਨ।
ਧੋਨੀ ਤੋਂ ਇਲਾਵਾ, ਕੰਪਨੀ ਵਿੱਚ ਮਸ਼ਹੂਰ ਸ਼ੈੱਫ ਮਨੂ ਚੰਦਰਾ ਵਰਗੇ ਹੋਰ ਨਿਵੇਸ਼ਕ ਵੀ ਹਨ। ਸਾਂਝੇਦਾਰੀ ਬਾਰੇ ਗੱਲ ਕਰਦੇ ਹੋਏ ਧੋਨੀ ਨੇ ਕਿਹਾ ਕਿ ਉਹ ਚਿਕਨ ਨੂੰ ਪਸੰਦ ਕਰਦੇ ਹਨ ਪਰ ਹੁਣ ਸੰਤੁਲਿਤ ਖੁਰਾਕ ਨੂੰ ਤਰਜੀਹ ਦਿੰਦੇ ਹਨ। ਉਨ੍ਹਾਂ ਨੇ ਕਿਹਾ, ‘ਸ਼ਾਕਾ ਹੈਰੀ ਦੇ ਉਤਪਾਦ ਇੱਕ ਵਿਸ਼ਾਲ ਸ਼੍ਰੇਣੀ ਦੇ ਨਾਲ ਆਉਂਦੇ ਹਨ ਅਤੇ ਰਵਾਇਤੀ ਮੀਟ ਦੇ ਪਕਵਾਨਾਂ ਨਾਲੋਂ ਇੱਕ ਸਿਹਤਮੰਦ ਅਨੁਭਵ ਪ੍ਰਦਾਨ ਕਰਦੇ ਹਨ।’
ਲਿਬਰੇਟ ਫੂਡਜ਼ ਦੇ ਸਹਿ-ਸੰਸਥਾਪਕ ਆਨੰਦ ਨਾਗਾਰਾਜਨ ਨੇ ਕਿਹਾ, “ਅਸੀਂ ਵਰਤਮਾਨ ਵਿੱਚ ਹਰ ਮਹੀਨੇ 10 ਸ਼ਹਿਰਾਂ ਵਿੱਚ 30,000 ਤੋਂ ਵੱਧ ਗਾਹਕਾਂ ਨੂੰ ਸੇਵਾ ਦੇ ਰਹੇ ਹਾਂ। ਆਉਣ ਵਾਲੇ ਕੁਝ ਮਹੀਨਿਆਂ ‘ਚ ਇਸ ਨੂੰ ਵਧਾ ਕੇ ਤਿੰਨ ਗੁਣਾ ਕਰਨ ਦਾ ਟੀਚਾ ਹੈ। ਸ਼ਾਕਾ ਹੈਰੀ ਦੇ ਉਤਪਾਦ ਸਾਲ ਦੇ ਅੰਤ ਤੱਕ ਦੂਜੇ ਦੇਸ਼ਾਂ ਵਿੱਚ ਉਪਲਬਧ ਹੋਣਗੇ।
ਸ਼ਾਕਾ ਹੈਰੀ ਆਪਣੇ ਉਤਪਾਦਾਂ ਨੂੰ Swiggy Instamart, Big Basket ਅਤੇ Zepto ਰਾਹੀਂ ਆਨਲਾਈਨ ਵੇਚਦਾ ਹੈ। ਇਸ ਤੋਂ ਇਲਾਵਾ ਕੰਪਨੀ ਨੇ ਔਫਲਾਈਨ ਉਤਪਾਦਾਂ ਨੂੰ ਵੇਚਣ ਲਈ ਮੈਟਰੋ ਅਤੇ ਨੇਚਰ ਬਾਸਕੇਟ ਵਰਗੇ ਸੁਪਰਮਾਰਕੀਟਾਂ ਨਾਲ ਵੀ ਸਾਂਝੇਦਾਰੀ ਕੀਤੀ ਹੈ।
