ਨਵੀਂ ਦਿੱਲੀ : ਲਿਵ-ਇਨ ਪਾਰਟਨਰ ਸ਼ਰਧਾ ਵਾਕਰ ਦੀ ਹੱਤਿਆ ਅਤੇ ਉਸ ਦੀ ਲਾਸ਼ ਦੇ ਟੁਕੜੇ-ਟੁਕੜੇ ਕਰਨ ਦੇ ਦੋਸ਼ੀ ਆਫਤਾਬ ਪੂਨਾਵਾਲਾ ਦਾ ਹੁਣ ਨਾਰਕੋ ਟੈਸਟ ਕਰਵਾਉਣਾ ਹੋਵੇਗਾ। ਅਦਾਲਤ ਨੇ ਇਸ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਅਦਾਲਤ ਨੇ ਆਫਤਾਬ ਦੀ ਪੁਲਿਸ ਰਿਮਾਂਡ ਵੀ ਪੰਜ ਦਿਨਾਂ ਲਈ ਵਧਾ ਦਿੱਤੀ। ਇਸ ਦੇ ਨਾਲ ਹੀ ਵਕੀਲਾਂ ਨੇ ਅਦਾਲਤ ਵਿੱਚ ਰੋਸ ਪ੍ਰਦਰਸ਼ਨ ਕਰਦਿਆਂ ਮੁਲਜ਼ਮ ਨੂੰ ਫਾਂਸੀ ਦੇਣ ਦੀ ਮੰਗ ਕੀਤੀ। ਜ਼ਿਕਰਯੋਗ ਹੈ ਕਿ ਦਿੱਲੀ ਪੁਲਿਸ ਨੇ ਕਿਹਾ ਸੀ ਕਿ ਆਫਤਾਬ ਨੂੰ ਅਦਾਲਤ ‘ਚ ਪੇਸ਼ ਕਰਨ ‘ਚ ਉਸ ਦੀ ਸੁਰੱਖਿਆ ਨੂੰ ਖਤਰਾ ਹੋ ਸਕਦਾ ਹੈ। ਇਸ ਤੋਂ ਬਾਅਦ ਅਦਾਲਤ ਨੇ ਉਸ ਨੂੰ ਵੀਡੀਓ ਕਾਨਫਰੰਸ ਰਾਹੀਂ ਪੇਸ਼ ਕਰਨ ਦੀ ਇਜਾਜ਼ਤ ਦਿੱਤੀ ਸੀ। ਸ਼ਰਧਾ ਕਤਲ ਕਾਂਡ ‘ਚ ਪੁਲਿਸ ਜਾਂਚ ‘ਚ ਹੋ ਰਹੇ ਖੁਲਾਸੇ ਤੋਂ ਬਾਅਦ ਲੋਕਾਂ ‘ਚ ਭਾਰੀ ਰੋਸ ਪਾਇਆ ਜਾ ਰਿਹਾ ਹੈ।
ਦੱਸ ਦੇਈਏ ਕਿ ਵਕੀਲਾਂ ਵੱਲੋਂ ਪ੍ਰਦਰਸ਼ਨ ਕਰਦਿਆਂ ਆਫਤਾਬ ਨੂੰ ਅਦਾਲਤ ਵਿੱਚ ‘ਸਰੀਰਕ ਤੌਰ’ ਤੇ ਪੇਸ਼ ਕਰਨ ਦੀ ਮੰਗ ਕੀਤੀ ਜਾ ਰਹੀ ਸੀ ਅਤੇ ਉਨ੍ਹਾਂ ਵੱਲੋਂ ਦੋਸ਼ੀਆਂ ਨੂੰ ਫਾਂਸੀ ਦੀ ਸਜ਼ਾ ਦੇਣ ਦੀ ਮੰਗ ਕੀਤੀ ਗਈ ਸੀ। ਸ਼ਰਧਾ ਕਤਲ ਕਾਂਡ ਦੇ ਦੋਸ਼ੀ ਆਫਤਾਬ ਨੇ ਪੁਲਿਸ ਦੇ ਸਾਹਮਣੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ। ਜਾਣਕਾਰੀ ਮੁਤਾਬਕ ਦੋਸ਼ੀ ਨੇ ਸ਼ਰਧਾ ਦੇ ਟੁਕੜੇ-ਟੁਕੜੇ ਕਰਨ ਤੋਂ ਬਾਅਦ ਪਛਾਣ ਛੁਪਾਉਣ ਲਈ ਉਸ ਦਾ ਚਿਹਰਾ ਸਾੜ ਦਿੱਤਾ ਸੀ। ਪੁੱਛਗਿੱਛ ਦੌਰਾਨ ਉਸ ਨੇ ਦੱਸਿਆ ਕਿ ਉਸ ਨੂੰ ਇਹ ਸਾਰੀ ਜਾਣਕਾਰੀ ਇੰਟਰਨੈੱਟ ਰਾਹੀਂ ਮਿਲੀ ਸੀ। ਸੂਤਰਾਂ ਮੁਤਾਬਕ ਜਿਸ ਗੱਡੀ ‘ਚ ਸ਼ਰਧਾ ਦੇ ਕੱਪੜੇ ਸੁੱਟੇ ਗਏ ਸਨ, ਉਸ ਦੀ ਪਛਾਣ ਪੁਲਸ ਨੇ ਕਰ ਲਈ ਹੈ। ਪੁਲਿਸ ਨੇ ਦੋ ਅਜਿਹੇ ਸਥਾਨਾਂ ਦੀ ਸ਼ਨਾਖਤ ਕੀਤੀ ਹੈ ਜਿੱਥੇ ਡਸਟਬਿਨ ਦਾ ਕੂੜਾ ਸੁੱਟਿਆ ਜਾਂਦਾ ਸੀ। ਇਨ੍ਹਾਂ ਥਾਵਾਂ ‘ਤੇ ਸਰਚ ਆਪਰੇਸ਼ਨ ਜਾਰੀ ਹੈ।
ਦਿੱਲੀ ਪੁਲਿਸ ਦੇ ਸੂਤਰਾਂ ਨੇ ਦੱਸਿਆ ਕਿ ਆਮ ਤੌਰ ‘ਤੇ ਪੁਲਿਸ ਖੂਨ ਦੇ ਧੱਬੇ ਲੱਭਣ ਲਈ ਅਪਰਾਧ ਵਾਲੀ ਥਾਂ ‘ਤੇ ਬੈਂਜੀਨ ਨਾਮਕ ਕੈਮੀਕਲ ਸੁੱਟ ਦਿੰਦੀ ਹੈ। ਇਸ ਕਾਰਨ ਜਿੱਥੇ ਕਿਤੇ ਵੀ ਖੂਨ ਵਗਦਾ ਹੈ, ਉਹ ਥਾਂ ਲਾਲ ਹੋ ਜਾਂਦੀ ਹੈ। ਪਰ ਪਤਾ ਨਹੀਂ ਕਿਸ ਕੈਮੀਕਲ ਨਾਲ ਆਫਤਾਬ ਨੇ ਘਰ ਦੀ ਸਫਾਈ ਕੀਤੀ ਹੈ ਕਿ ਕਤਲ ਵਾਲੀ ਥਾਂ ‘ਤੇ ਬੈਂਜੀਨ ਦੇ ਖੂਨ ਦੇ ਧੱਬੇ ਵੀ ਨਹੀਂ ਮਿਲੇ। ਬੜੀ ਮੁਸ਼ਕਲ ਨਾਲ ਰਸੋਈ ਦੇ ਹੇਠਲੇ ਸ਼ੈਲਫ ਵਿਚ ਜਿੱਥੇ ਗੈਸ ਸਿਲੰਡਰ ਰੱਖੇ ਹੋਏ ਹਨ, ਵਿਚ ਖੂਨ ਦੇ ਧੱਬੇ ਪਾਏ ਗਏ।
