ਚੰਡੀਗੜ੍ਹ: (ਅਵਤਾਰ ਸਿੰਘ), ਗਾਂਧੀ ਸਮਾਰਕ ਭਵਨ ਸੈਕਟਰ 16-ਏ ਚੰਡੀਗੜ੍ਹ ਵਿਚ ਗਾਂਧੀ ਸਮਾਰਕ ਨਿਧਿ, ਪੰਜਾਬ, ਹਰਿਆਣਾ ਅਤੇ ਹਿਮਾਚਲ ਪ੍ਰਦੇਸ਼ ਅਤੇ ਅਚਰਯਾਕੁਲ ਚੰਡੀਗੜ੍ਹ ਦੇ ਸਹਿਯੋਗ ਨਾਲ ਕਸਤੂਰਬਾ ਗਾਂਧੀ ਜੀ ਦੀ 150ਵੀਂ ਜੈਅੰਤੀ ਸ਼ਰਧਾਪੂਰਵਕ ਮਨਾਈ ਗਈ। ਜੈਅੰਤੀ ਸਮਾਰੋਹ ਦਾ ਆਰੰਭ ਸਫਾਈ ਅਭਿਆਨ ਨਾਲ ਹੋਇਆ ਜਿਸ ਵਿਚ ਗਾਂਧੀ ਸਮਾਰਕ ਨਿਧਿ ਦੇ ਸਕੱਤਰ ਡਾ ਦੇਵ ਰਾਜ ਤਿਆਗੀ ਅਤੇ ਹੋਰ ਕਾਰਕੁਨਾਂ ਕੰਚਨ ਤਿਆਗੀ, ਅਨੰਦ ਰਾਓ, ਦੀਪਕ, ਰਾਜੂ ਅਤੇ ਕਾਲੁ ਰਾਮ ਨੇ ਹਿੱਸਾ ਲਿਆ।
ਸੰਸਥਾ ਦੇ ਮੁਖੀ ਕੇ ਕੇ ਸ਼ਾਰਦਾ ਨੇ ਕਸਤੂਰਬਾ ਗਾਂਧੀ ਜੀ ਦੇ ਜਨਮ ਦਿਨ ‘ਤੇ ਸਭ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਕੋਰੋਨਾ ਵਾਇਰਸ ਦੇ ਮੱਦੇਨਜ਼ਰ ਕਰਫ਼ਿਊ ਦੇ ਨਿਯਮਾਂ ਦਾ ਪਾਲਣ ਕਰਨ ਅਤੇ ਪ੍ਰਸ਼ਾਸ਼ਨ ਦੇ ਕੰਮਾਂ ਦੀ ਸਰਾਹਨਾ ਕੀਤੀ। ਆਚਾਰੀਆਕੁਲ ਦੇ ਸੀਨੀਅਰ ਪ੍ਰਧਾਨ ਪ੍ਰੇਮ ਵਿਜ ਨੇ ਫੋਨ ‘ਤੇ ਕਸਤੂਰਬਾ ਗਾਂਧੀ ਜੀ ਨੂੰ ਸ਼ਰਧਾਂਜਲੀ ਭੇਟ ਕੀਤੀ। ਇਸ ਮੌਕੇ ਬਾਹਰੋਂ ਕਿਸੇ ਨੂੰ ਨਹੀਂ ਬੁਲਾਇਆ ਗਿਆ ਸੀ ਤੇ ਦੂਰ ਦੂਰ ਰਹਿ ਕੇ ਸ਼ਰਧਾਂਜਲੀ ਭੇਟ ਕੀਤੀ ਗਈ।
