ਸ਼੍ਰੀਨਗਰ- ਕਸ਼ਮੀਰੀ ਪੰਡਤਾਂ ਦਾ ਬੇਰਹਿਮੀ ਨਾਲ ਕਤਲ ਕਰਨ ਵਾਲੇ ਬਿੱਟਾ ਕਰਾਟੇ ‘ਤੇ 31 ਸਾਲ ਬਾਅਦ ਕੇਸ ਚੱਲਣ ਜਾ ਰਿਹਾ ਹੈ। ਬਿੱਟਾ ਕਰਾਟੇ ਦਾ ਅਸਲੀ ਨਾਂ ਫਾਰੂਕ ਅਹਿਮਦ ਡਾਰ ਹੈ। ਬਿੱਟਾ ਨੇ ਖੁਦ ਮੰਨਿਆ ਕਿ ਉਸਨੇ 1990 ਵਿੱਚ 30 ਤੋਂ 40 ਕਸ਼ਮੀਰੀ ਪੰਡਤਾਂ ਨੂੰ ਮਾਰਿਆ ਸੀ। ਹੁਣ ਉਸ ‘ਤੇ ਕਤਲ ਦਾ ਮੁਕੱਦਮਾ ਚੱਲਣ ਜਾ ਰਿਹਾ ਹੈ। ਕਾਰੋਬਾਰੀ ਸਤੀਸ਼ ਟਿਕੂ ਦੀ ਹੱਤਿਆ ਦੇ ਮਾਮਲੇ ‘ਚ ਪਰਿਵਾਰ ਨੇ ਸ਼੍ਰੀਨਗਰ ਦੀ ਅਦਾਲਤ ‘ਚ ਮੁੜ ਸੁਣਵਾਈ ਲਈ ਅਰਜ਼ੀ ਦਿੱਤੀ ਹੈ।
ਅਦਾਲਤ ਨੇ ਸੁਣਵਾਈ ਦੌਰਾਨ ਸਤੀਸ਼ ਟਿਕੂ ਦੇ ਪਰਿਵਾਰ ਨੂੰ ਪਟੀਸ਼ਨ ਦੀ ਹਾਰਡ ਕਾਪੀ ਪੇਸ਼ ਕਰਨ ਲਈ ਕਿਹਾ ਹੈ। ਹੁਣ ਇਸ ਮਾਮਲੇ ਦੀ ਮੁੜ ਸੁਣਵਾਈ 16 ਅਪ੍ਰੈਲ ਨੂੰ ਹੋਵੇਗੀ। ਟਿੱਕੂ ਦੇ ਪਰਿਵਾਰ ਵੱਲੋਂ ਐਡਵੋਕੇਟ ਉਤਸਵ ਬੈਂਸ ਅਦਾਲਤ ਵਿੱਚ ਆਪਣਾ ਪੱਖ ਪੇਸ਼ ਕਰ ਰਹੇ ਹਨ।
This is the video confession of JKLF Islamist terrorist Bitta Karate who admits to killing Kashmiri Pandit Satish Tickoo in Kashmir because he was a Hindu boy. Yet Jammu TADA Court released him knowing well that he could get death sentence for his brutal rarest of rare crimes. pic.twitter.com/SZRQcorEhL
— Aditya Raj Kaul (@AdityaRajKaul) March 30, 2022
- Advertisement -
ਦੱਸ ਦੇਈਏ ਕਿ ਬਿੱਟਾ ਕਰਾਟੇ ਨੇ ਟੈਲੀਵਿਜ਼ਨ ‘ਤੇ ਕਤਲ ਦੀ ਗੱਲ ਕਬੂਲੀ ਹੈ। ਫਾਰੂਕ ਅਹਿਮਦ ਡਾਰ ਦਾ ਨਾਂ ਬਿੱਟਾ ਕਰਾਟੇ ਇਸ ਲਈ ਪਿਆ ਕਿਉਂਕਿ ਉਸ ਨੇ ਮਾਰਸ਼ਲ ਆਰਟਸ ਦੀ ਸਿਖਲਾਈ ਲਈ ਸੀ। ਫਿਲਮ ‘ਦਿ ਕਸ਼ਮੀਰ ਫਾਈਲਜ਼’ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਇੱਕ ਵਾਰ ਫਿਰ ਕਸ਼ਮੀਰੀ ਪੰਡਿਤਾਂ ‘ਤੇ ਹੋ ਰਹੇ ਅੱਤਿਆਚਾਰਾਂ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਕਸ਼ਮੀਰੀ ਪੰਡਤਾਂ ਦੇ ਇਨਸਾਫ਼ ਦੀ ਮੰਗ ਵੀ ਦੇਸ਼ ਭਰ ਵਿੱਚ ਜ਼ੋਰ ਫੜ ਰਹੀ ਹੈ। ਲੋਕ ਇਹ ਵੀ ਮੰਗ ਕਰ ਰਹੇ ਹਨ ਕਿ ਕਸ਼ਮੀਰੀ ਪੰਡਤਾਂ ‘ਤੇ ਅੱਤਿਆਚਾਰ ਕਰਨ ਵਾਲੇ ਅੱਤਵਾਦੀਆਂ ਖਿਲਾਫ਼ ਸਖ਼ਤ ਕਾਰਵਾਈ ਕੀਤੀ ਜਾਵੇ।
ਬਿੱਟਾ ਫਿਲਹਾਲ ਜ਼ਮਾਨਤ ‘ਤੇ ਬਾਹਰ ਹੈ। ਉਸ ਨੂੰ ਨਿਰਦੋਸ਼ ਕਸ਼ਮੀਰੀ ਲੋਕਾਂ ਦਾ ਕਤਲ ਕਰਨ ਦੇ ਦੋਸ਼ ਵਿੱਚ ਕੈਦ ਕੀਤਾ ਗਿਆ ਸੀ। 1991 ਵਿੱਚ, ਉਸਨੇ ਇੱਕ ਇੰਟਰਵਿਊ ਵਿੱਚ ਮੰਨਿਆ ਕਿ ਉਸਨੇ 20 ਕਸ਼ਮੀਰੀ ਪੰਡਤਾਂ ਨੂੰ ਮਾਰਿਆ ਸੀ। ਫਿਰ ਉਸ ਨੂੰ ਪਬਲਿਕ ਸੇਫਟੀ ਐਕਟ ਦੇ ਤਹਿਤ ਗ੍ਰਿਫਤਾਰ ਕਰ ਲਿਆ ਗਿਆ। ਉਸ ‘ਤੇ ਬਗਾਵਤ ਨਾਲ ਸਬੰਧਤ 19 ਤੋਂ ਵੱਧ ਕੇਸ ਦਰਜ ਹਨ। ਉਹ 16 ਸਾਲ ਜੇਲ੍ਹ ਵਿੱਚ ਰਿਹਾ ਅਤੇ ਉਸ ਤੋਂ ਬਾਅਦ ਟਾਡਾ ਅਦਾਲਤ ਨੇ ਉਸ ਨੂੰ ਜ਼ਮਾਨਤ ’ਤੇ ਰਿਹਾਅ ਕਰ ਦਿੱਤਾ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
