ਨਿਊਜ਼ ਡੈਸਕ : ਲੰਬੀ ਹਲਕੇ ਦੇ ਪਿੰਡ ਕਬਰਵਾਲਾ ਦੀ ਖਿਡਾਰਨ ਕਮਲਪ੍ਰੀਤ ਕੌਰ 64.00 ਮੀਟਰ ਦੀ ਮਹਿਲਾ ਡਿਸਕਸ ਥ੍ਰੋਅ ਦੇ ਫਾਈਨਲ ਵਿੱਚ ਪਹੁੰਚ ਗਈ ਹੈ। ਕਮਲਪ੍ਰੀਤ ਦਾ ਥ੍ਰੋਅ 64 ਮੀਟਰ ਰਿਹਾ। ਹੁਣ ਤੱਕ ਡਿਸਕਸ ਥ੍ਰੋਅ ‘ਚ ਵੱਖ-ਵੱਖ ਰਿਕਾਰਡ ਤੋੜਨ ਲਈ ਜਾਣੀ ਜਾਂਦੀ ਕਮਲਪ੍ਰੀਤ ਇਕ ਹੋਰ ਰਿਕਾਰਡ ਤੋੜ ਕੇ ਉਲੰਪਿਕ ‘ਚ ਭਾਰਤ ਵਲੋਂ ਸਭ ਤੋਂ ਵੱਧ ਸਕੋਰ ਕਰਨ ਵਾਲੀ ਖਿਡਾਰੀ ਬਣ ਗਈ ਹੈ।
ਕਮਲਪ੍ਰੀਤ ਕੌਰ ਬੱਲ ਦੇ ਉਲੰਪਿਕ ‘ਚ ਫਾਈਨਲ ‘ਚ ਪੁੱਜਣ ‘ਤੇ ਕਬਰਵਾਲਾ ਅਤੇ ਲੰਬੀ ਹਲਕੇ ‘ਚ ਖ਼ੁਸ਼ੀ ਦਾ ਮਾਹੌਲ ਬਣਿਆ ਹੋਇਆ ਹੈ। ਕਮਲਪ੍ਰੀਤ ਦੇ ਪਰਿਵਾਰ ਨੂੰ ਉਸ ਦੇ ਵਧਦੇ ਕਦਮਾਂ ਤੋਂ ਹੋਰ ਵੱਡੀਆਂ ਉਮੀਦਾਂ ਲੱਗ ਗਈਆਂ ਹਨ।
#TeamIndia | #Tokyo2020 | #Athletics
A 64m long throw lands National Record Holder #KamalpreetKaur in the Finals of the Discus Throw event. Let’s keep cheering on our champ as she prepares to #TakeoverTokyo! #AllTheBest 👏🙌🥏🇮🇳 #RukengeNahi #EkIndiaTeamIndia #Cheer4India pic.twitter.com/GcF9DrpLCr
— Team India (@WeAreTeamIndia) July 31, 2021
ਉਥੇ ਹੀ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਇੱਕ ਟਵੀਟ ਕਰਦੇ ਹੋਏ ਤਸਵੀਰ ਸਾਂਝੀ ਕੀਤੀ ਜਿਸ ਵਿੱਚ ਉਹਨਾਂ ਨੇ ਜ਼ਿਕਰ ਕੀਤਾ ਕਿ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਉਹ ਖ਼ੁਦ ਕਮਲਪ੍ਰੀਤ ਕੌਰ ਨੂੰ ਟੋਕੀਓ ਉਲੰਪਿਕ ਵਿਚ 64.00 ਥ੍ਰੋਅ ਦੇ ਨਾਲ ਡਿਸਕਸ ਥ੍ਰੋਅ ਦੇ ਫਾਈਨਲ ਲਈ ਕੁਆਲੀਫ਼ਾਈ ਕਰਦੇ ਵੇਖ ਕੇ ਬਹੁਤ ਖ਼ੁਸ਼ ਹੋਏ। ਉਨ੍ਹਾਂ ਨੇ ਕਮਲਪ੍ਰੀਤ ਕੌਰ ਨੂੰ ਪੰਜਾਬ ਵਲੋਂ ਵਧਾਈਆਂ ਅਤੇ ਸ਼ੁੱਭਕਾਮਨਾਵਾਂ ਦਿੱਤੀਆਂ। ਇਸ ਤੋਂ ਇਲਾਵਾ ਪ੍ਰਕਾਸ਼ ਸਿੰਘ ਬਾਦਲ ਨੇ ਕਮਲਪ੍ਰੀਤ ਕੌਰ ਦੇ ਪਰਿਵਾਰ ਨਾਲ ਫੋਨ ‘ਤੇ ਗੱਲਬਾਤ ਵੀ ਕੀਤੀ।
Badal saab & I were thrilled to watch Kamalpreet Kaur qualifying for finals of Discus Throw early this morning with a 64.00 throw at #TokyoOlympics. Congratulations & best wishes from all of us in Punjab!#TokyoOlympics2020 pic.twitter.com/4X2IYlAV0R
— Sukhbir Singh Badal (@officeofssbadal) July 31, 2021
ਟੋਕੀਓ ਓਲੰਪਿਕ ਵਿੱਚ ਕਮਲਪ੍ਰੀਤ ਕੌਰ ਨੇ ਡਿਸਕਸ ਥ੍ਰੋਅ ਮੁਕਾਬਲੇ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਗਰੁੱਪ ਬੀ ਵਿੱਚ ਕਮਲਪ੍ਰੀਤ ਕੌਰ ਨੇ ਆਪਣੇ ਦੂਸਰੀ ਕੋਸ਼ਿਸ਼ ਵਿੱਚ 63.97 ਮੀਟਰ ਦਾ ਸਕੋਰ ਹਾਸਲ ਕੀਤਾ ਜਦੋਂਕਿ ਪਹਿਲੀ ਕੋਸ਼ਿਸ਼ ਵਿੱਚ ਕਮਲਪ੍ਰੀਤ ਨੇ 60.25 ਦਾ ਸਕੋਰ ਪ੍ਰਾਪਤ ਕੀਤਾ ਸੀ। ਦੋਵਾਂ ਗਰੁੱਪਾਂ ਵਿੱਚ ਕਮਲਪ੍ਰੀਤ ਕੌਰ ਹੁਣ ਦੂਸਰੇ ਨੰਬਰ ‘ਤੇ ਪਹੁੰਚ ਗਈ। ਹੁਣ ਕਮਲਪ੍ਰੀਤ ਕੌਰ ਨੇ ਫਾਈਨਲ ‘ਚ ਜਗ੍ਹਾ ਬਣਾ ਲਈ ਯਾਨੀ ਭਾਰਤ ਦੀ ਝੋਲੀ ਇੱਕ ਹੋਰ ਮੈਡਲ ਆਉਣਾ ਪੱਕਾ ਹੈ। ਭਾਰਤ ਨੇ ਹੁਣ ਤੱਕ ਇੱਕ ਤਮਗਾ ਜਿੱਤਿਆ ਹੈ, ਪਰ ਬੈਡਮਿੰਟਨ, ਮੁੱਕੇਬਾਜ਼ੀ, ਹਾਕੀ ਵਿੱਚ ਤਗਮੇ ਦੀ ਉਮੀਦ ਬਣੀ ਹੋਈ ਹੈ।
