ਵਾਸ਼ਿੰਗਟਨ: ਭਾਰਤੀ ਮੂਲ ਦੀ ਸ਼ਕਤੀਸ਼ਾਲੀ ਡੈਮੋਕਰੈਟਿਕ ਸਾਂਸਦ ਕਮਲਾ ਹੈਰਿਸ ਨੇ ਅਗਲੇ ਸਾਲ ਰਾਸ਼ਟਰਪਤੀ ਅਹੁਦੇ ਲਈ ਹੋਣ ਵਾਲੀਆਂ ਚੋਣਾਂ ਤੋਂ ਆਪਣਾ ਨਾਮ ਵਾਪਸ ਲੈ ਲਿਆ ਹੈ। 55 ਸਾਲਾ ਹੈਰਿਸ ਨੇ ਮੰਗਲਵਾਰ ਨੂੰ ਆਪਣੇ ਕੈਂਪੇਨ ਸਟਾਫ ਦੇ ਨਾਲ ਗੱਲ ਕਰ ਇਸ ਬਾਰੇ ਟਵੀਟ ਕੀਤਾ।
ਉਨ੍ਹਾਂ ਨੇ ਲਿਖਿਆ “ਮੈਂ ਦੁੱਖ ਦੇ ਨਾਲ ਕਹਿਣਾ ਚਾਹੁੰਦੀ ਹਾਂ ਕਿ ਮੈਂ ਰਾਸ਼ਟਰਪਤੀ ਚੋਣਾਂ ਲੜਨ ਦੀ ਯੋਜਨਾ ਨੂੰ ਰੱਦ ਕਰ ਦਿੱਤਾ ਹੈ। ਚੋਣਾਂ ਲੜਨ ਲਈ ਕਾਫ਼ੀ ਪੈਸੇ ਦੀ ਜ਼ਰੂਰਤ ਸੀ ਤੇ ਮੈਂ ਅਰਬਪਤੀ ਨਹੀਂ ਹਾਂ। ” ਕਮਲਾ ਨੇ ਇਹ ਵੀ ਕਿਹਾ ਕਿ ਮੈਂ ਚਾਹੇ ਚੋਣਾਂ ‘ਚ ਉੱਤਰਨ ਦੀ ਯੋਜਨਾ ਰੱਦ ਕਰ ਦਿੱਤੀ ਹੋਵੇ ਪਰ ਲੋਕਾਂ ਨੂੰ ਇਨਸਾਫ ਦਵਾਉਣ ਲਈ ਲੜਾਈ ਜਾਰੀ ਰੱਖਾਂਗੀ ।
To my supporters, it is with deep regret—but also with deep gratitude—that I am suspending my campaign today.
But I want to be clear with you: I will keep fighting every day for what this campaign has been about. Justice for the People. All the people.https://t.co/92Hk7DHHbR
— Kamala Harris (@KamalaHarris) December 3, 2019
ਉੱਥੇ ਹੀ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਕਮਲਾ ਦੇ ਇਸ ਫੈਸਲੇ ‘ਤੇ ਤੰਜ ਕਸ ਦੇ ਹੋਏ ਟਵੀਟ ਕੀਤਾ, “ਇਹ ਮਾੜਾ ਹੋਇਆ। ਕਮਲਾ, ਸਾਨੂੰ ਤੁਹਾਡੀ ਕਮੀ ਮਹਿਸੂਸ ਹੋਵੇਗੀ।” ਇਸਦੇ ਜਵਾਬ ਵਿੱਚ ਕਮਲਾ ਨੇ ਕਿਹਾ , “ਕੋਈ ਗੱਲ ਨਹੀਂ ਮਿਸਟਰ ਰਾਸ਼ਟਰਪਤੀ। ਤੁਹਾਡੇ ‘ਤੇ ਚੱਲ ਰਹੇ ਟਰਾਇਲ ਦੀ ਸੁਣਵਾਈ ਦੌਰਾਨ ਤੁਹਾਨੂੰ ਦੇਖਾਂਗੀ । ਮੈਂ ਭਲੇ ਚੋਣਾਂ ਨਹੀਂ ਲੜਾਂਗੀ ਪਰ ਤੁਹਾਨੂੰ ਹਰਾਉਣ ਲਈ ਹਮੇਸ਼ਾ ਕੰਮ ਕਰਦੀ ਰਹਾਂਗੀ । ”
Don’t worry, Mr. President. I’ll see you at your trial. https://t.co/iiS17NY4Ry
— Kamala Harris (@KamalaHarris) December 3, 2019
Too bad. We will miss you Kamala! https://t.co/QQd9SiFc0y
— Donald J. Trump (@realDonaldTrump) December 3, 2019
