ਭਾਰਤ ‘ਚ ਹੋਰ ਵਧਿਆ ਭ੍ਰਿਸ਼ਟਾਚਾਰ, ਜਾਣੋ ਕੀ ਕਹਿੰਦੇ ਨੇ ਤਾਜ਼ਾ ਅੰਕੜੇ

TeamGlobalPunjab
2 Min Read

ਨਿਊਜ਼ ਡੈਸਕ: ਭ੍ਰਿਸ਼ਟਾਚਾਰ ਘੱਟ ਕਰਨ ਨੂੰ ਲੈ ਕੇ ਦਾਅਵੇ ਤਾਂ ਬਹੁਤ ਹੋਏ ਪਰ ਤਸਵੀਰ ਹਾਲੇ ਵੀ ਉਹੀ ਪੁਰਾਣੀ ਦਿਖਾਈ ਦੇ ਰਹੀ ਹੈ। ਇਸਦੀ ਉਦਾਹਰਣ ਸਾਨੂੰ ਗਲੋਬਲ ਕਰਪਸ਼ਨ ਪਰਸੈਪਸ਼ਨ ਇੰਡੈਕਸ 2019 ਵਿੱਚ ਦੇਖਣ ਨੂੰ ਮਿਲ ਰਹੀ ਹੈ। ਦੁਨੀਆ ਵਿੱਚ ਅਜਿਹੇ ਦੇਸ਼ਾਂ ਦੀ ਸੂਚੀ ਜਿੱਥੇ ਭ੍ਰਿਸ਼ਟਾਚਾਰ ਘੱਟ ਹੈ, ਅਸੀ ਚੀਨ ਦੇ ਨਾਲ ਸੰਯੁਕਤ ਰੂਪ ਨਾਲ 80ਵੇਂ ਨੰਬਰ ‘ਤੇ ਹਾਂ। ਟਰਾਂਸਪੇਰੈਂਸੀ ਇੰਟਰਨੈਸ਼ਨਲ ਹਰ ਸਾਲ ਦੇਸ਼ਾਂ ਵਿੱਚ ਭ੍ਰਿਸ਼ਟਾਚਾਰ ਦੀ ਹਾਲਤ ਨੂੰ ਲੈ ਕੇ ਰੈਂਕਿੰਗ ਜਾਰੀ ਕਰਦੀ ਹੈ। ਇਸ ਵਾਰ ਵੀ ਸੰਸਥਾ ਨੇ 180 ਦੇਸ਼ਾਂ ਦੀ ਸੂਚੀ ਜਾਰੀ ਕੀਤੀ, ਜਿਨ੍ਹਾਂ ਵਿੱਚ ਭਾਰਤ 80ਵੇਂ ਨੰਬਰ ‘ਤੇ ਰਿਹਾ।

ਦਿਲਚਸਪ ਗੱਲ ਇਹ ਹੈ ਕਿ 80ਵੀਂ ਰੈਕਿੰਗ ‘ਤੇ ਭਾਰਤ – ਚੀਨ ਦੇ ਇਲਾਵਾ ਸੰਯੁਕਤ ਰੂਪ ਨਾਲ ਬੇਨਿਨ, ਘਾਨਾ ਅਤੇ ਮੋਰੋਕੋ ਵਰਗੇ ਦੇਸ਼ ਹਨ। ਸਭ ਤੋਂ ਘੱਟ ਭ੍ਰਿਸ਼ਟਾਚਾਰ ਵਾਲੇ ਦੇਸ਼ਾਂ ਵਿੱਚ ਡੈਨਮਾਰਕ ਸਿਖਰ ‘ਤੇ ਹੈ। ਨਿਊਜ਼ੀਲੈਂਡ ਉਸ ਦੇ ਨਾਲ ਸੰਯੁਕਤ ਰੂਪ ਤੋਂ ਪਹਿਲਾਂ ਨੰਬਰ ‘ਤੇ ਹੈ। ਇਸ ਤੋਂ ਬਾਅਦ ਫਿਨਲੈਂਡ, ਸਿੰਗਾਪੁਰ, ਸਵੀਡਨ, ਸਵਿਟਜ਼ਰਲੈਂਡ ਅਤੇ ਨਾਰਵੇਅ ਦਾ ਨੰਬਰ ਆਉਂਦਾ ਹੈ।

ਪਾਕਿਸਤਾਨ ਵਿੱਚ ਵੱਧ ਮਾੜੇ ਹਾਲਾਤ

ਗੁਆਂਢੀ ਦੇਸ਼ ਪਾਕਿਸਤਾਨ ਵਿੱਚ ਭ੍ਰਿਸ਼ਟਾਚਾਰ ‘ਤੇ ਕਿੰਨੀ ਲਗਾਮ ਲਗਾਈ ਜਾ ਸਕੀ ਹੈ, ਉਸਦਾ ਅੰਦਾਜ਼ਾ ਉਸਦੀ ਰੈਂਕਿੰਗ ਤੋਂ ਹੀ ਲੱਗਦਾ ਹੈ। 180 ਦੇਸ਼ਾਂ ਵਿੱਚ ਉਸ ਦੀ ਰੈਂਕਿੰਗ 120 ਹੈ ਅਤੇ ਉਸਦਾ ਸਕੋਰ ਸਿਰਫ਼ 32 ਰਿਹਾ।

- Advertisement -

ਭੁਟਾਨ ਸਿਖਰ 25 ਦੇਸ਼ਾਂ ਵਿੱਚ ਸ਼ੁਮਾਰ

ਗੁਆਂਢੀ ਦੇਸ਼ਾਂ ਦੀ ਗੱਲ ਕਰੀਏ ਤਾਂ ਭੁਟਾਨ ਹੀ ਇੱਕਮਾਤਰ ਦੇਸ਼ ਹੈ, ਜਿੱਥੇ ਭ੍ਰਿਸ਼ਟਾਚਾਰ ਘੱਟ ਹੈ। ਭੂਟਾਨ 68 ਅੰਕਾਂ ਦੇ ਨਾਲ 25ਵੀਂ ਰੈਂਕਿੰਗ ‘ਤੇ ਹੈ। ਬਾਕੀ ਹੋਰ ਦੇਸ਼ਾਂ ਵਿੱਚ ਹਾਲਾਤ ਭਾਰਤ ਤੋਂ ਵੀ ਖ਼ਰਾਬ ਹਨ। ਸ੍ਰੀਲੰਕਾ 93ਵੇਂ, ਨੇਪਾਲ 113ਵੇਂ, ਮਾਲਦੀਵ – ਮਿਆਂਮਾਰ 130ਵੇਂ ਅਤੇ ਬੰਗਲਾਦੇਸ਼ 146ਵੇਂ ਨੰਬਰ ‘ਤੇ ਹੈ ।

ਸਿਖਰ ਦੇ ੧੦ ਦੇਸ਼ਾਂ ਦੀ ਸੂਚੀ

ਦੇਸ਼ ਰੈਂਕ ਅੰਕ
ਡੈਨਮਾਰਕ  1 87
ਨਿਊਜ਼ੀਲੈਂਡ  1 87
ਫਿਨਲੈਂਡ 3 86
ਸਿੰਗਾਪੁਰ 4 85
ਸਵੀਡਨ 4 85
ਸਵਿਟਜ਼ਰਲੈਂਡ 4 85
ਨਾਰਵੇ 7  84
ਨੀਦਰਲੈਂਡਜ਼ 8  82
ਜਰਮਨੀ 9 80
ਲਕਸਮਬਰਗ 9 80

Share this Article
Leave a comment