ਚੰਡੀਗੜ੍ਹ: ਕੇਂਦਰੀ ਬਿਜਲੀ ਅਤੇ ਆਵਾਸ ਅਤੇ ਸ਼ਹਿਰੀ ਕਾਰਜ ਮੰਤਰੀ ਮਨੋਹਰ ਲਾਲ ਨੇ ਕਿਹਾ ਕਿ ਦੇਸ਼ ਵਿੱਚ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੀ ਅਗਵਾਈ ਹੇਠ ਮੈਟਰੋ ਸੇਵਾ ਦਾ ਤੇਜੀ ਨਾਲ ਵਿਸਤਾਰ ਹੋ ਰਿਹਾ ਹੈ। ਜਿੱਥੇ 2014 ਤੱਕ ਸਿਰਫ 5 ਸ਼ਹਿਰਾਂ ਵਿੱਚ 248 ਕਿਲੋਮੀਟਰ ਮੈਟਰੋ ਸੇਵਾ ਸੀ ਉਸ ਨੂੰ ਹੁਣ ਵਧਾ ਕੇ 24 ਸ਼ਹਿਰਾਂ ਵਿੱਚ 1066 ਕਿਲੋਮੀਟਰ ਦੀ ਮੈਟਰੋ ਸੇਵਾ ਉਪਲਬਧ ਹੈ ਅਤੇ 970 ਕਿਲੋਮੀਟਰ ਮੈਟਰੋ ਸੇਵਾ ਦਾ ਕੰਮ ਪਾਇਪਲਾਇਨ ਵਿੱਚ ਹੈ ਜਿਸ ਦੇ ਪੂਰਾ ਹੋਣ ਦੇ ਬਾਅਦ ਭਾਰਤ ਦੁਨੀਆ ਦਾ ਨੰਬਰ ਵਨ ਦੇਸ਼ ਮੈਟਰੋ ਸੇਵਾ ਪ੍ਰਦਾਨ ਕਰਨ ਵਿੱਚ ਬਣ ਜਾਵੇਗਾ।
ਮਨੋਹਰ ਲਾਲ ਸ਼ੁਕਰਵਾਰ ਨੂੰ ਗੁਰੂਗ੍ਰਾਮ ਯੂਨੀਵਰਸਿਟੀ ਪਰਿਸਰ ਓਡੀਟੋਰਿਅਮ ਵਿੱਚ ਗੁਰੂਗ੍ਰਾਮ ਮੈਟਰੋ ਰੇਲ ਲਿਮੀਟੇਡ ਦੀ ਸਰਪ੍ਰਸਤੀ ਹੇਠ ਆਯੋਜਿਤ ਗੁਰੂਗ੍ਰਾਮ ਮੈਟਰੋ ਭੂਮੀ ਪੂਜਨ ਪ੍ਰੋਗਰਾਮ ਵਿੱਚ ਬਤੌਰ ਮੁੱਖ ਮਹਿਮਾਨ ਬੋਲ ਰਹੇ ਸਨ। ਪ੍ਰੋਗਰਾਮ ਦੀ ਅਗਵਾਈ ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਕੀਤੀ ਜਦੋਂ ਕਿ ਹਰਿਆਣਾ ਦੇ ਉਦਯੋਗ ਅਤੇ ਵਪਾਰ ਮੰਤਰੀ ਰਾਓ ਨਰਬੀਰ ਸਿੰਘ, ਵਿਧਾਇਕ ਗੁਰੂਗ੍ਰਾਮ ਮੁਕੇਸ਼ ਸ਼ਰਮਾ, ਸੋਹਨਾ ਵਿਧਾਇਕ ਤੇਜਪਾਲ ਤੰਵਰ ਤੇ ਪਟੌਦੀ ਵਿਧਾਇਕ ਬਿਮਲਾ ਚੌਧਰੀ ਦੀ ਮਾਣਯੋਗ ਮੌਜੂਦਗੀ ਰਹੀ। ਕੇਂਦਰੀ ਮੰਤਰੀ ਤੇ ਮੁੱਖ ਮੰਤਰੀ ਨੇ ਪ੍ਰੋਗਰਾਮ ਵਿੱਚ ਮੌਜੂਦ ਜਨਸਮੂਹ ਨੂੰ ਅਧਿਆਪਕ ਦਿਵਸ, ਓਣਮ ਅਤੇ ਈਦ ਦੇ ਪਵਿੱਤਰ ਉਤਸਵ ਦੀ ਵਧਾਈ ਅਤੇ ਸ਼ੁਭਕਾਮਨਾਵਾਂ ਵੀ ਦਿੱਤੀਆਂ। ਇਸ ਤੋਂ ਪਹਿਲਾਂ ਸੈਕਟਰ-44 ਵਿੱਚ ਮੈਟਰੋ ਸੇਵਾ ਦਾ ਭੁਮੀ ਪੂਜਨ ਕਰਦੇ ਹੋਏ ਨਿਰਮਾਣ ਕੰਮ ਦੀ ਸ਼ੁਰੂਆਤ ਕੀਤੀ ਗਈ।
ਪ੍ਰੋਗਰਾਮ ਵਿੱਚ ਮੁੱਖ ਮਹਿਮਾਨ ਕੇਂਦਰੀ ਆਵਾਸ ਮੰਤਰੀ ਮਨੋਹਰ ਲਾਲ ਨੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਦੇ ਨਾਲ ਕਬੀਰ 5500 ਕਰੋੜ ਰੁਪਏ ਦੀ ਲਾਗਤ ਨਾਲ ਮਿਲੇਨਿਯਮ ਸਿਟੀ ਸੈਂਟਰ ਤੋਂ ਸਾਈਬਰ ਸਿਟੀ ਤੱਕ, ਦਵਾਰਕਾ ਐਕਸਪ੍ਰੈਸ ਵੇ ਤੱਕ ੧ਾਣ ਵਾਲੇ 28.5 ਕਿਲੋਮੀਟਰ ਲੰਬੇ ਮੈਟਰੋ ਕੋਰੀਡੋਰ ਦਾ ਭੁਮੀ ਪੂਜਨ ਕੀਤਾ, ਇਸ ਪ੍ਰੋਜੈਕਟ ‘ਤੇ 27 ਸਟੇਸ਼ਨ ਬਨਣਗੇ। ਇਹ ਮੈਟਰੋ ਸੇਵਾ ਨਵੇਂ ਅਤੇ ਪੁਰਾਣੇ ਗੁਰੂਗ੍ਰਾਮ ਨੂੰ ਜੋੜੇਗੀ।
ਮੈਟਰੋ ਦੀ ਜਿੱਥੇ ਜਰੂਰਤ ਹੋਵੇਗੀ ਸ਼ਹਿਰੀ ਮੰਤਰਾਲਾ ਉਸ ਨੂੰ ਪੂਰਾ ਕਰੇਗਾ – ਸ਼ਹਿਰੀ ਆਵਾਸ ਮੰਤਰੀ
ਕੇਂਦਰੀ ਮੰਤਰੀ ਮਨੋਹਰ ਲਾਲ ਨੇ ਕਿਹਾ ਕਿ ਮੈਟਰੋ ਸੇਵਾ ਆਮਜਨਤਾ ਦੀ ਸਹੂਲਤ ਲਈ ਪ੍ਰਦਾਨ ਕੀਤੀ ਜਾ ਰਹੀ ਹੈ। ਉਹ ਭਰੋਸਾ ਦਵਾਉਂਦੇ ਹਨ ਕਿ ਦੇਸ਼ ਵਿੱਚ ਜਿਨ੍ਹਾਂ ਸ਼ਹਿਰਾਂ ਵਿੱਚ ਮੈਟਰੋ ਕਨੈਕਟੀਵਿਟੀ ਦੀ ਜਰੂਰਤ ਹੋਵੇਗੀ ਤਾਂ ਸ਼ਹਿਰੀ ਮੰਤਰਾਲਾ ਮੈਟਰੋ ਸੇਵਾ ਦੀ ਮੰਜੂਰੀ ਦਿੰਦੇ ਹੋਏ ਉਸ ਨੂੰ ਪੂਰਾ ਕਰਨ ਦਾ ਕੰਮ ਕਰੇਗਾ। ਉਨ੍ਹਾਂ ਨੇ ਗੁਰੂਗ੍ਰਾਮ ਦੇ ਲੋਕਾਂ ਨੂੰ ਇਸ ਨਵੀਂ ਮੈਟਰੋ ਸੇਵਾ ਪ੍ਰੋਜੈਕਟ ਦੇ ਨਿਰਮਾਣ ਕੰਮ ਦੀ ਉਦਘਾਟਨ ਹੌਣ ‘ਤੇ ਵਧਾਈ ਦਿੰਦੇ ਹੋਏ ਕਿਹਾ ਕਿ ਮੈਟਰੋ ਰਾਹੀਂ ਬਿਹਤਰ ਢੰਗ ਨਾਲ ਲੋਕਾਂ ਨੂੰ ਆਵਾਜਾਈ ਸਹੂਲਤ ਪ੍ਰਦਾਨ ਹੋਣ ਨਾਲ ਸਮੇਂ ਤੇ ਧਨ ਦੀ ਬਚੱਤ ਹੋਵੇਗੀ। ਉਨ੍ਹਾਂ ਨੇ ਦਸਿਆ ਕਿ ਸ਼ਹਿਰੀ ਮੰਤਰਾਲਾ ਵੱਲੋਂ ਦੇਸ਼ ਵਿੱਚ 10 ਹਜਾਰ ਬੱਸਾਂ ਰਿਆਇਤੀ ਦਰਾਂ ‘ਤੇ ਉਪਲਬਧ ਕਰਾਈ ਜਾਣਗੀਆਂ ਇਸ ਵਿੱਚੋਂ 450 ਬੱਸਾਂ ਹਰਿਆਣਾ ਨੂੰ ਮਿਲਣਗੀਆਂ ਅਤੇ ਇਸ ਵਿੱਚੋਂ 100 ਬੱਸਾਂ ਗੁਰੂਗ੍ਰਾਮ ਸ਼ਹਿਰੀ ਖੇਤਰ ਦੇ ਲੋਕਾਂ ਦੀ ਸਹੂਲਤ ਲਈ ਦਿੱਤੀਆਂ ਜਾਣਗੀਆਂ। ਉਨ੍ਹਾਂ ਨੇ ਦਸਿਆ ਕਿ ਮੈਟਰੋ ਸਟੇਸ਼ਨ ਦੀ ਬਿਹਤਰ ਕਨੈਕਟੀਵਿਟੀ ਲਈ ਐਪ ਰਾਹੀਂ ਆਵਾਜਾਈ ਸਹੂਲਤ ਯਾਤਰੀਆਂ ਨੂੰ ਮਹੁਇਆ ਕਰਾਈ ਜਾਵੇਗੀ। ਜਿਸ ਵਿੱਚ ਸੁਰੱਖਿਆ ਦੀ ਵੀ ਗਾਰੰਟੀ ਯਕੀਨੀ ਰਹੇਗੀ ਤੇ ਮੈਟਰੋ ਕਾਰਡ ਨਾਲ ਹੀ ਕਿਰਾਇਆ ਵੀ ਦਿੱਤਾ ਜਾ ਸਕੇਗਾ। ਇਸ ਨਾਲ ਪਾਰਕਿੰਗ ਦੀ ਸਮਸਿਆ ਤੋਂ ਨਿਜਾਤ ਮਿਲੇਗੀ।
