ਨਿਊਜ਼ ਡੈਸਕ: ਘਰੇਲੂ ਗੈਸ ਸਿਲੰਡਰਾਂ ਦੀਆਂ ਕੀਮਤਾਂ ‘ਚ ਲਗਾਤਾਰ ਵਾਧਾ ਦਰਜ ਕੀਤਾ ਜਾ ਰਿਹਾ ਹੈ। ਇਸ ਸਭ ਦੇ ਵਿਚਾਲੇ ਜੇਕਰ ਤੁਸੀਂ ਘਰੇਲੂ ਵਰਤੋਂ ਲਈ ਨਵਾਂ ਗੈਸ ਸਿਲੰਡਰ ਲੈਣ ਦੀ ਸੋਚ ਰਹੇ ਹੋ ਤਾਂ ਹੁਣ ਤੁਹਾਨੂੰ ਇਹ ਆਮ ਨਾਲੋਂ 300 ਰੁਪਏ ਸਸਤਾ ਮਿਲ ਸਕਦਾ ਹੈ। ਇਸ ਦੇ ਲਈ ਗੈਸ ਵੰਡ ਨਾਲ ਜੁੜੀ ਸਰਕਾਰੀ ਕੰਪਨੀ ਇੰਡੇਨ ਨੇ ਘੱਟ ਕੀਮਤ ‘ਤੇ ਗੈਸ ਸਿਲੰਡਰ ਮੁਹੱਈਆ ਕਰਵਾਉਣ ਦੀ ਪਹਿਲ ਕੀਤੀ ਹੈ। ਜਿਸ ਤਹਿਤ ਕੋਈ ਵਿਅਕਤੀ ਨਵਾਂ ਸਿਲੰਡਰ ਲਵੇਗਾ ਤਾਂ ਉਸ ਨੂੰ ਸਿਰਫ 750 ਰੁਪਏ ਵਿੱਚ ਮਿਲੇਗਾ। ਇਸ ਆਫਰ ਤਹਿਤ ਕੰਪਨੀ ਆਪਣੇ ਗਾਹਕਾਂ ਨੂੰ ਕੰਪੋਜ਼ਿਟ ਸਿਲੰਡਰ ਦੇ ਰਹੀ ਹੈ। ਇਸ ਨੂੰ ਖਰੀਦਣ ਨਾਲ ਘੱਟੋ-ਘੱਟ 300 ਰੁਪਏ ਦੀ ਬਚਤ ਹੋਵੇਗੀ।
750 ਰੁਪਏ ਦੇ ਸਿਲੰਡਰ ਦੀ ਕੀ ਹੈ ਖਾਸੀਅਤ?
ਇੰਡੇਨ ਨੇ ਆਪਣੇ ਗਾਹਕਾਂ ਲਈ ਕੰਪੋਜ਼ਿਟ ਸਿਲੰਡਰ ਦੀ ਸਹੂਲਤ ਸ਼ੁਰੂ ਕੀਤੀ ਹੈ, ਜਿਸ ਦੀ ਖਾਸੀਅਤ ਇਹ ਹੈ ਕਿ ਤੁਸੀਂ ਇਸ ਨੂੰ ਆਸਾਨੀ ਨਾਲ ਇਕ ਥਾਂ ਤੋਂ ਦੂਜੀ ਥਾਂ ‘ਤੇ ਟ੍ਰਾਂਸਫਰ ਕਰ ਸਕਦੇ ਹੋ। ਇਸ ਸਿਲੰਡਰ ਦਾ ਭਾਰ ਆਮ ਸਿਲੰਡਰ ਤੋਂ ਘੱਟ ਹੈ, ਜਿੱਥੇ ਆਮ ਸਿਲੰਡਰ ਦਾ ਭਾਰ 14.2 ਕਿਲੋਗ੍ਰਾਮ ਹੁੰਦਾ ਹੈ, ਉਧਰ ਕੰਪੋਜ਼ਿਟ ਸਿਲੰਡਰ ਦਾ ਭਾਰ ਸਿਰਫ 10 ਕਿਲੋਗ੍ਰਾਮ ਹੈ। ਇਸ ਸਿਲੰਡਰ ਦੀ ਇੱਕ ਹੋਰ ਖ਼ਾਸੀਅਤ ਇਹ ਵੀ ਹੈ ਕਿ ਇਸ ਨੂੰ ਜੰਗ ਵੀ ਨਹੀਂ ਲਗ ਸਕਦੀ, ਕਿਉਂਕਿ ਇਸ ‘ਤੇ ਪੋਲੀਮਰ ਫਾਈਬਰਗਲਾਸ ਦੀ ਪਰਤ ਚੜ੍ਹੀ ਹੁੰਦੀ ਹੈ।
28 ਤੋਂ ਵੱਧ ਸ਼ਹਿਰਾਂ ਚ ਉਪਲੱਬਧ ਸਮਾਰਟ ਸਿਲੰਡਰ
ਫਿਲਹਾਲ ਇਹ ਸਿਲੰਡਰ 28 ਤੋਂ ਵੱਧ ਸ਼ਹਿਰਾਂ ‘ਚ ਉਪਲੱਬਧ ਹੈ ਪਰ ਕੰਪਨੀ ਜਲਦ ਹੀ ਇਸ ਸਿਲੰਡਰ ਨੂੰ ਸਾਰੇ ਸ਼ਹਿਰਾਂ ‘ਚ ਉਪਲੱਬਧ ਕਰਵਾਉਣ ਲਈ ਕੰਮ ਕਰ ਰਹੀ ਹੈ। ਇਸ ਦੇ ਨਾਲ ਹੀ ਇੰਡੇਨ ਦੇ ਇਸ ਸਿਲੰਡਰ ਨੂੰ ਸਮਾਰਟ ਸਿਲੰਡਰ ਵੀ ਕਿਹਾ ਜਾਂਦਾ ਹੈ।
Disclaimer: This article is provided for informational purposes only. The information should not be taken to represent the opinions, policy, or views of Global Punjab TV, nor any of its staff, employees, or affiliates.
